Grímannsfell næsta sunnudag

Næsta sunnudag munum við ganga á Grímannsfell í Mosfellsdal. Ég hafði hugsað mér að byrja gönguna við Gljúfrastein og byrja á að labba upp með Köldukvísl eins og sagt er frá hér
Ef hins vegar veðrið er leiðnlegt þá munum við bara fara stystu leið upp eins og lýst er í bókinni Íslensk fjöll - gönguleiðir á 151 tind (sjá bls. 74) en þá er ekki ekið alveg að Gljúfrasteini heldur beygt til hægri nálægt Hraðastöðum og ekinn ca kílómeter inn þann veg í átt að fjallinu. Ég legg því til að við hittumst bara kl. 12:00 á bílastæðinu undir Helgafelli og ákveðum hvora leiðina við veljum.

Í fyrradag

...var þessi mynd tekin, rétt áður en barnið fór í balann.

Lambafell á sunnudaginn

Gangan á Húsfell síðasta sunnudag var alveg frábær þrátt fyrir smá vesen á leiðinni í Kaldársel. Nú er stefnan tekin á Lambafell í Þrengslum, en það er annað fjall sem ég hef aldrei gengið á.

Lambafell (546 m.y.s.) er fjallið á hægri hönd þegar maður beygir inn í Þrengslin og þar er stórt malarnám. Farið er framhjá afleggjaranum inn í malarnámið og aðeins innar í Þrengslin. Þar, utan í Lambafellinu, er öllu minna malarnám og þar er sveigt út af veginum til hægri og ekið áleiðs að malarnáminu. En til að enginn villist þá ætlum við að hittast kl. 11:45 á planinu við bensínstöðina við Rauðavatn og keyra svo samferða þaðan og ættum því að geta verið að leggja af stað á fjallið kl. 12:00

Þessi ganga ætti að taka rúma tvo tíma og það er ekki skýr göngustígur og byrjað að ganga í hrauni og mosa og því betra aö vera ágætlega skóaður.

Sjáumst á sunnudaginn

Húsfell á morgun, sunnudag. Brottför kl 12:00 frá bílastæðinu rétt áður en maður kemur að Kaldárseli

Síðan í gær

Hér fáið þið að sjá eina mynd af dömunni okkar síðan í gær.

Annars allt við það sama af suðvesturvígstöðvum

Uppfært gönguplan

Sunnudagsgöngurnar hafa heldur betur verið að slá í gegn og fjölgar sífellt í gönguhópnum. Hér fyrir neðan má sjá planið fyrir næsta mánuðinn en eins og venjulega þá getur planið tekið breytingum.

14. febrúar: Húsfell í Hafnarfirði (sjá lýsingu bls. 130 í Íslensk fjöll) brottför kl. 11 eða 12 :00 frá bílastæðinu sem er aðeins áður en maður kemur að Kaldárseli. Nákvæmur tími verður tilkynntur síðar en það gæti verið að við Mundi þyrftum að flýta ferðinni um klukkutíma út af pössun Elínar Margrétar.

21. febrúar: Lambafell í Þrengslum : (sjá lýsingu bls. 186 í Íslensk fjöll) brottför kl. 12 :00 frá malarnáminu í Þrengslum, hisst kl. 11:45 á planinu við bensínstöðina við Rauðavatn

28. febrúar: Grímannsfell í Mosfellssveit (sjá lýsingu bls. 74 í Íslensk fjöll) brottför kl. 12 frá Gljúfrasteini

7. mars: Geitafell í Þrengslum (sjá lýsingu bls. 66 í Íslensk fjöll) brottför kl. 12, hisst kl. 11:45 á planinu við bensínstöðina við Rauðavatn

13.-14. mars: Útilega á Reykjanesi og gengið á Grænudyngju, Trölladyngju og Keili og jafnvel líka Sveifluháls. (sjá lýsingu bls. 284 og 156 í Íslensk fjöll) Ef spáin er slæm verður þessari útilegu frestað um eina helgi og gengið á Vífilsfell í staðinn.

21. mars: Vífilsfell (sjá lýsingu bls. 300 í Íslensk fjöll) brottför kl. 12, hisst kl. 11:50 á planinu við bensínstöðina við Rauðavatn

Elín Margrét

Við erum voða montin af dömunni okkar. Áðan ákvað hún nefnilega að hjálpa sér sjálf með drykkjarföngin í fjarveru móður sinnar sem skrapp á pósthúsið.

SMELLTU HÉR TIL AÐ NÁ Í ÖRSTUTT MYNDSKEIÐ

Myndir af fjöllum

Ég setti nokkrar myndir úr Tindfjöllum inn á myndasíðuna okkar sem þið farið inn á hér til hliðar að venju.