Heimsókn

Baddý og Gunnar litu hérna inn í dag með sinn gaur. Hann er 3 dögum eldri en hún og því afar þroskaður og var ekkert að kippa sér upp við athygli gellunnar.

Það var gaman að sjá þau hérna saman í dag.

Dagur 6

Hér kemur ein mynd af frumburðinum í vöggunni sem Gunna lánaði okkur. :)

Komnar heim

Þær mæðgur eru nú komnar heim. Áfram verður fylgst með þeim næstu daga. Það er auðvitað alveg snilld og því verður lambalæri í kvöldmatinn hér þótt mánudagur sé...

kveðjur

Dagur tvö

Hæ hæ. Héðan er það helst að frétta að heilsa þeirra mæðgna er öll að koma til og allt mjakast í rétta átt. Svanhildur náði þessari mynd af okkur í dag þar sem við vorum bæði búin að borða. Þá líður manni vel

bestu kveðjur

Guðmundsdóttir er mætt

Hérna er hún litla stelpan okkar Svanhildar. Hún fæddist kl.14.29 þann 19. nóvember. Hún var 12 merkur eða 3060g og 51 sentimeter, lítil og grönn eins og pabbinn.

Fæðingin gekk ekki átakalaust en afraksturinn er einstakur eins og þið sjáið. Þær mæðgur eru nú að ná heilsu og það gengur hratt og vel. Við erum afskaplega glöð og hamingjusöm.

Við þökkum allar kveðjurnar og sendum ykkur okkar bestu.

Skattmann herðir tökin

Það var í dag sem ég fór að finna fyrir aukinni skattheimtu. Inn um lúguna hér læddist gluggapóstur frá tollstjóraembættinu. Þannig er að ég hef nú alltaf átt fyrirtækiskennitölu síðan ég starfaði sjálfstætt. Hún hefur sofið ofan í skúffu síðan 2002. Það sem ég hef þurft að greiða af henni eru þetta 5-10 þúsund á ári fyrir endurskoðun og ársreikning sem þarf að skila árlega þó ekki sé rekstur.

Nú var að bætast við skattur. Útvarpsgjald heitir hann og leggst á allar kennitölur í landinu. 17.200 krónur á ég að greiða fyrir miðjan mánuðinn ellegar fæ ég boðun í héraðsdóm eins og þegar ég vanreiknaði óvart vaskinn um 20 og eitthvað þúsund hérna um árið. (bankaræningjarnir eru ekki búinir að fá svoleiðis!!)

17.200 krónur borgar semsagt fyrirtæki sem hefur enga starfsmenn og er ekki í rekstri, og alls ekki með útvarp fyrir að hafa Rúv.

Ég held að þetta hljóti að vera heimsmet í heimsku