Gæsaveiðihelgi í Mývatnssveit 2009

Mikið ofboðslega var gaman um síðustu helgi í Mývatnssveitinni. Þar voru stundaðar gæsaveiðar af kappi milli þess sem Sísý hélt veislur og við jarðböðuðum okkur. Veður og félagsskapur hreint til fyrirmyndar. Þessa mynd tók Björn á símann sinn eftir morgunveiði á föstudagsmorgni.

Takk fyrir okkur

Jæja laxmaður

Það er ekki svo ofsalega langt síðan að ágætur veiðimaður við mig að myndir af veiðimanni með góðan afla sæjust varla lengur. Ekki vegna þess að menn veiddu minna, heldur væri það alveg gersamlega úr tísku að láta sjá sig með fullar hendur af fugli eða fiski. Nú væri málið að sleppa aftur því sem maður fengi.

Þetta ætla ég hins vegar að hunsa og fá að vera rígmontinn eitt augnablik... ...og svo kannski annað til viðbótar. Hér má nefnilega sjá morgunveiðina þennan þriðjudaginn. Ég þakka velunnara mínum fyrir að leyfa mér að njóta með sér.

Aulabrosið sem er á mér á neðri myndinni (sem ég tók sjálfur!) verður á mér næstu daga....

Veiðitímabilið hafið

Um helgina var gert víðreist. Við fórum 2 héðan að sunnan og okkur mætti einn að norðan upp á miðhálendinu. Því er skemmst frá að segja að þessi hálendisveiði varð meira að jeppaferð en veiðigferð því gæsirnar voru vant við látnar. Þó fékk ein far norður. Stórskemmtileg ferð þrátt fyrir lítinn afla.