Kominn af fjöllum

Þá er búið að brjóta ísinn í leiðsögninni. það var nú reyndar gert á hornströndum á dögunum en síðan fór ég í 13 daga ferð með 9 hressa frakka um skaftafell, laka og landmannalaugar. því er skemmst frá að segja að allt gekk eins og í sögu og ég vona að frakkarnir hafi skemmt sér eins vel og ég, þá er allt eins og það á að vera. Samtals urðu þetta 194 km gengnir samkvæmt gps mælingum mínum.

Þegar við komum gangandi til byggða úr laka niður í eldvatnsbotna þá var nýafstaðið það mesta þrumuveður sem ég hef séð hérlendis. úr því kom þetta líka risahagl. sannarlega fátítt, en þar með næ ég sennilega að lenda í snjókomu í öllum mánuðum þessa árs!! þó er ekki alveg útséð með það...

einhverjar myndir af fyrstu dögum ferðarinnar má sjá á síðu eins úr hópnum. hún er -hér-