Hellaskoðunarferð í Búra

Var verkefni dagsins í dag. Við nutum leiðsagnar Björns Hróarssonar hellafræðings og gaf það ferðinni sannarlega aukið gildi. Góð leiðsögn er jú ómetanleg!! ;)

Hellirinn Búri er í Leitarhrauni skammt frá hinni nýju vatnsátöppunarverksmiðju sem Jón Ólafsson er í forsvari fyrir. Þetta er víst með stærri hraunhellum og þótt víða sé leitað. Við gengum rúman kílómeter inn í hann en þar endar hann í stórum svelg sem er um 5 metar í þvermál. Hellirinn sjálfur er stór á köflum, það eru sumsstaðar stórir salir með 10 metra lofthæð en annarsstaðar þarf að skríða þar sem hrun hefur nánast lokað leiðinni. Alger snilldarferð og heillandi heimur sem þarna er undir fótum okkar.

ps. við urðum að haldafyrir endurskinið á gallanum hennar Svanhildar svo hægt væri að mynda!

Eftir talsvert langa göngu í mikilli urð kemur maður að svona hreinum og fínum göngum neðanjarðar

...og hér endar hellirinn Búri með þessum svakalega svelg sem hraunfossinn hefur fallið ofan í

Komin heim eftir góða göngu

Við erum komin heim úr lokaferð okkar með skólanum. Á síðustu 5 dögum höfum við gengið frá Hreðavatni að Langavatni, frá Langavatni að Hítarvatni. Frá Hítarvatni í Miðdali, frá Miðdölum í Hörðudal og að lokum þaðan í Haukadal. Þetta voru alls um 80 km af móum og mýrum, skörðum og melum. Við hrepptum alveg frábært veður og félagsskapurinn alveg einstakur eins og búast mátti við. Við viljum þakka ferðafélögum okkar sérdeilis vel fyrir samfylgdina, ekki bara í ferðinni heldur í allan vetur.

Myndir frá ferðinni má nálgast með því að smella -HÉR-

Erum alveg að klára skólann

Þá erum við farin á fjöll. Brottför eftir klukkutíma. Þetta verður síðasta ferðin okkar með skólanum í vetur. Nú verður gengið svona sirka frá Bifröst yfir í Búðardal. Það tekur 5 daga. Á meðan sendum við bestu kveðjur

Spurning 2

Jæja - þessi er nú sennilega eitthvað léttari en fyrsta spurning, en hvar erum við núna?

Spurning vikunnar

Hvar er þessi mynd tekin? Vinsamlegast svarið í kommentakerfið. Vegleg verðlaun.