Búðir á Snæfellsnesi

Á föstudaginn var farið eftir vinnu á Snæfellsnesið og við borðuðum og gistum á Hótel Búðum. Var þessi för farin með Jóni og Guðrúnu. Skemmtum við okkur alveg gríðarlega vel, enda ekki annað hægt þegar borðaður er góður matur og drukkin góð vín með góðum vinum. Ekki skemmdi heldur fyrir að lenda á einkatónleikum með Geir Ólafssyni og hljómsveit en þeir fóru hreinlega á kostum. Geir söng meðal annars lagið ó borg mín borg, á ítölsku með gríðarlegu óperuívafi. Það mun seint gleymast.

Á laugardagsmorgninum röltum við aðeins um svæðið og hér eru 3 myndir frá gönguförinni stuttu.