svanhildur lagði af stað í morgun með hóp túrista að leiðsegja sína fyrstu ferð. ekki laust við spenning hjá henni út af því, en miðað við undirbúning þá ætti nú allt að ganga vel.

ég var aftur á móti að mála stærsta herbergi sem ég hef málað á ævinni í dag. við vorum 3 og náðum að mála einn og hálfan vegg. nýja knattspyrnuhúsið í salahverfi er nefnilega engin smá smíði og einn veggur svona uþb. 150 metrar á lengd

og svo ein mynd af mér sveittum á laugaveginum.

Það er líf

Hér hefur sannarlega verið lítið að gerast undanfarið. Það er hins vegar í hrópandi ósamræmi við það sem hefur verið að gerast hjá okkur, og ber ég því fyrir mig sem afsökun. Hér er enn verið að mála og græja íbúðina og við búum enn í einu herbergi. Ekki það að við séum svosem óvön því!! En allur aukatími sem ég á fer í að reyna að nudda því verki áfram. Vinnan hér hefur tafist vegna þess að það hefur verið svo mikið um að vera á öðrum vígstöðvum. Giftingar og gönguferðir hafa verið þar á meðal. Við höfum stundað slíkt af kappi, fórum í sitt hvort brulllúppið 070707 og gengum svo hinn margumtalaða laugaveg um síðustu helgi. 59,3 km gengnir þá helgina og degi betur samkvæmt hinu nýja GPS tæki okkar

Við erum farin að skulda verulega myndbirtingar hérna frá Kanada og svo frá laugavegsgöngunni núna. Sem fyrr lofa ég engu - en þolinmæði þrautir vinnur.

En hér hafa það allir gott, vonandi er því eins farið hjá ykkur

Þurrkari

Þegar við Mundi fluttum út til Frakklands komum við megninu af dótinu okkar fyrir í geymslu en lánuðum vinum og vandamönnum ýmis heimilistæki sem gátu komið öðrum að góðum notum á meðan við vorum í burtu. Nú þegar heim er komið og maður fluttur í húsnæði þar sem pláss er fyrir heimilistæki fer maður að rifja upp hverjum maður lánaði hvað og þetta rifjast svona smá saman upp fyrir okkur, ja nema þurrkarinn, við munum ekki alveg hver fékk hann, svo að viðkomandi má gjarnan gefa sig fram.