Hér í Hamrahlíðinni er nú málað og málað. Enn er nóg eftir að gera hérna, en aldrei hefur þetta verið komið jafn langt og einmitt núna!! Af einmitt þeim sökum hef ég ekki enn komið mér í það að sortera myndir og gera þær nethæfar og lofa engu um hvenær það tekst. Skelli samt inn einni hérna til að sýnast.

Hamingjuóskir gærdagsins fara hins vegar til foreldra minna sem áttu 40 ára brúðkaupsafmæli. Ég heyrði frá þeim í hádeginu í gær þar sem þau snæddu silung á Nyhavn í góðu yfirlæti. Megið þið lengi lifa. Húrra, húrra, húrra, húrra.....