Milli jóla og nýárs

Er ekki að nenna að vera í vinnunni núna, skil ekkert í mér að hafa ekki tekið frí á milli jóla og nýárs, fannst að þessir tveir dagar (jóladagur og 2. í jólum) væru alveg nóg en það er bara ekki þannig. Ætla að taka frí á næsta ári á milli jóla og nýárs, það er alveg á hreinu. Er sko alls ekkert úthvíld eftir þetta frí heldur drulluþreytt enda með einhverja helv... kvefpesti og búin að snúa sólarhringnum svolíitið við. En til að hætta að vera svona neikvæð þá vil ég nú fá að sejga ykkur að ég átti alveg yndisleg jól með góðum mat og pökkum og frábærum samverustundum með fjölskyldunni. Mundi er hins vegar búinn að liggja í flensu yfir jólin en náði passlega bata til að geta mætt í vinnu í morgun.

En eitt af því sem maður gerir á milli jóla og nýárs er að kaupa flugelda og minni ég á flugeldasölu flugbjörgunarsveitarinnar í húsi sveitarinnar við flugvallarveg og í húsi B&L við Grjótháls.

Gleðileg jól

Okkur langar að óska ykkur öllum gleðilegra jóla

Jólatré og jól

Ef einhver á eftir að kaupa jólatré þá ætti sá hinn sami að drífa sig í hús Flugbjörgunarsveitar Reykjavíkur við Flugvallarveg og næla sér í eitt tré og styrkja gott málefni í leiðinni. Var að selja tré eftir vinnu í gær og það var þvílíkt mikið að gera og lítið að verða eftir af trjám. Það fer því hver að verða síðastur.

Annars vil ég bara óska öllum gleðilegrar skötuveislu á morgun og gleðilegra jóla á hinn daginn.

Jól og afmæli

Nú nálgast jólin óðfluga (eða sem óð fluga) og allt er á fullu í jólakortagerð og skrifum, jólabakstri, konfektgerð, laufabrauðsgerð og pakkakaupum. Ég alveg elska þennan tíma og finnst þetta ekkert stress heldur bara gaman, nýt þess í botn núna þar sem ég er í fyrsta skipti ekki í neinum jólaprófum og get því bara verið að dunda mér við það sem ég vil eftir vinnu á kvöldin.

En jólamánuðurinn er einnig mikill afmælismánuður hjá mér því þá eiga Mundi, pabbi, Harpa og báðir tengdaforeldrarnir afmæli. Þessum upplýsingum var stungið hérna mjög lúmskt inn svo að þeir sem voru búnir að gleyma afmælinu hans Munda muni eftir því að hringja í hann á morgun eða alla vega skjóta inn afmæliskveðju hér í kommentakerfinu. Það verður hins vegar engin veisla að þessu sinni þar sem afmælisbarnið verður að heiman því ég er búin að plana svaka "soirée" fyrir kallinn.

Í dag er svo Harpa systir að koma heim og verður gaman að sjá hana aftur.

Af jólum, hálsbólgu og Serge

ég las á heimasíðu ágætst félaga að jólagjafavandinn er hafinn á hans bæ. hér á bæ hefur honum verið skotið aðeins á frest því vinna og veikindi hafa plagað heimilið þessa vikuna. nóg að gera hjá mér og svanhildur fékk hálsbólguna í heimsókn en er nú óðum að ná fyrri heilsu. en eins og hjá öðrum verður í nógu að snúast fram að jólum.

þegar við bjuggum í frakklandi sáum við í þarlendu sjónvarpi þátt sem var svona samantekt með 100 stærstu klúðrum sem hent höfðu í beinni útsendingu þar í landi. númer eitt var atriði með einum af stórsnillingum þeirrar þjóðar, tónlistarmanninum Serge Gainsbourg, en það er sá sem flutti "dónalega lagið" um árið. Serge var ekki þessi týpa sem var alltaf bláedrú, meira svona á hinn veginn. Hann mætti í sjónvarpssal til viðtals ásamt dívunni Witney og átti þar svona líka eftirminnilegt atriði.
Það fann ég á youtube og langar að bjóða ykkur að kíkja á það með því að smella = HÉR =

1. grein öll dýrin í skóginum eiga að vera vinir

Jóladagatalið

...er klárt á þessum bæ. ;)