Mundi og Svanhildur: Alltaf nóg um að vera

Fimmtudagur 12. október

Alltaf nóg um að vera

Þótt ritgerðarskrifum sé lokið er enn nóg að gera. Um helgina fórum við norður á Sauðárkrók í afmæli hjá ömmu hans Munda. Þetta var svaka fín afmælisveisla og vel heppnuð helgi.

Á mánudaginn skipti ég svo um vinnu þar sem ég fékk loksins að hætta í bókhaldinu og færa mig niður í menningardeildina. Þetta er miklu skemmtilegri vinna enda þarf svo sem ekki mikið til að toppa bókhaldsvinnu.

Í gærkvöldi var svo haldin útskriftarveisla heima hjá mömmu og pabba. Kvöldið var mjög vel heppnað og það mættu barasta allir í fjölskyldunni og nokkrir í viðbót. Það hefði kannski verið meira stuð ef veislan hefði verið haldin um helgi en maður er bara upptekinn gjörsamlega allar helgar. En ég held að allir hafi verið ánægðir með veisluna og vil ég þakka öllum fyrir komuna og allar frábæru gjafirnar sem ég fékk.

Í kvöld eru svo Tengdó að koma í mat og svo fer ég á skyndihjálparnámskeið með flubbunum um helgina; út úr bænum á morgun kl 19 og ekki komið til baka fyrr en á sunnudagseftirmiðdag. En ég hlakka til og líka gaman að fara að læra skyndihjálp

- Svanhildur | 12:14

Umræður

Harpa systir:

Það mættu ekki ALLIR í fjölskildunni...hefði komið ef ég væri á landinu. Ég þori ekki að senda þér mastersgjöfina þanig að þú verður bara að bíða eftir að ég kem heim. Mér finnst alveg frábært að þið séuð komin í björgunarsveitina.
Hafið það sem allra best og til hamingju með vinnuna.
Kossar og knús
Harpa systir

(12.10.06 19:21)

Fanney:

Hæ hæ til hamingju með útskriftina... langur vegur að baki en sem betur fer tekur þetta allt saman enda.
Takk fyrir helgina, þið Mundi eruð algjörar hetjur að sofa svona í tjaldi í næstum frosti bara svona í gamni.
Sjáumst vonandi bráðum aftur og þið eruð alltaf velkomin í sveitina.

(12.10.06 21:06)

mundi:

já fanney mín takk takk- en ekki bara næstum frosti heldur frosti!!! :)

(12.10.06 23:29)

Birta:

Til hamingju með áfangann!! :) Frábært að heyra að allt gekk vel sem og ferðin út. Hafið það gott!
Kossar og knús :*
Birta.

(14.10.06 21:26)

baddy sys:

hæ! til hamingju með að vera búin svanhildur. ekkert smá flott myndin hérna á síðunni af "dýrinu" hehe. hvað hafa billund-búar hugsað sér að vera lengi á fróni? -endilega kastið til þeirra kveðju frá mér.

(15.10.06 15:59)

Hildur:

Hae hae, til hamingju med afangann elsku vinkona og med ad vera komin i menningardeildina. Var ad reyna ad blogga sem tokst ekki svo eg aetla bara ad senda ter email :)

(20.10.06 08:08)

Björk:

dugnaður í ykkur. Held að það gangi bara fínt hjá Hlyni. Risanýliðahópur hjá HSSR núna. Skyndihjálparnámskeið um næstu helgi held ég.
Já ég er líka búin að vera eitthvað að rembast við að hlaupa. Ekki það skemmtilegasta samt. En manni líður ágætlega á eftir því maður var svo duglegur;)

(23.10.06 17:04)

Svanhildur:

Já mér finnst þetta alveg æðislega skemmtilegt, er að fara í svaka ferð í Þórsmörk umhelgina en Mundi er eitthvað að guggna á þessu

(25.10.06 19:43)