Mundi og Svanhildur: vinna-læra-borða-læra-sofa

Miðvikudagur 16. ágúst

vinna-læra-borða-læra-sofa

Undanfarnar vikur hefur dagskráin hjá mér verið eftirfarandi:
Virkir dagar: 9-16: vinna, 16-? vinna í lokaverkefni
Helgar: vinna í lokaverkefni
Dagskráin er eins fyrir næstu vikurnar og ég get sko sagt ykkur að ég er fyrir löngu komin með upp í háls. Þetta er eitthvað voðalega erfitt hjá mér þessa dagana og mikið hlakka ég til þegar þetta verður búið. Ég sé næsta ár alveg í hyllingum að vera ekkert í skóla. Skrítið hvað ég er gjörsamlega búin að fá nóg núna, ég sem hef alltaf hlakkað til að byrja afturí skólanum á haustin.

Ég er svo roaslega á síðustu stundu með þetta lokaverkefni mitt, er að rembast við að ná að pússla þessu saman fyrir lokaskiladag, en ég efast þó ekkert um að ná að klára, það endar þá bara með því að ég sleppi því að sofa í nokkra daga. En það er svo sem ekki eins og ég hafi ekki haft nægan tíma. Ef ég hefði bara skrifað í ca. tvo klukkutíma á dag frá því ég kom til Íslands þá væri ég löngu búin. En einhverra hluta vegna þá gekk bara ekkert hjá mér fyrr en ég var orðin það sein að það var annað hvort að duga eða drepast, já eða kannski ekki drepast heldur bara ekki útskrifast. Hvað er eiginlega málið með að geta ekki unnið nema undir pressu? Þetta er hræðilegur galli en ég veit að ég er ekki sú eina sem þjáist af þessu.

Svo fylgja þessu líka hræðilegar aukaverkanir eins og t.d. nammisýki sem skilur eftir sig bólur um allt andlit, andvökunætur sem valda baugum og ég er hætt að gefa mér tíma til að fara í ræktina svo að ekki grennist ég á meðan. Þetta hefur því slæm áhrif á útlitið en það er svo sem ekki alvarlegt þar sem ég var afar falleg fyrir :-) Ég fer bara í nammibindindi og út að hlaupa í haust.

En þetta fer nú alveg að verða búið og mikið verður gaman að fara til Frakklands og svo að geta bara slappað af og tekið því rólega allan næsta vetur. Ég get ekki beðið!

- Svanhildur | 15:17

Umræður

Heida i Sviss:

uff alveg var eg farin ad orvaenta ad heyra ekki meira i ter:-/ Mikid skil eg tig samt vel og hvernig ter lidur nuna...mer leid ALVEG eins sidasta vetur en eins og tu veist ta er svooooooo gott tegar tetta er buid!!!! Gangi ter nu ofsalega ofsalega vel!!!!! Kaerar kvedjur fra sviss

(17.08.06 06:47)

Svanhildur:

Ég þakka kærlega kveðjurnar.
Já ég hef ekkert nennt að vera að blogga undanfarið, enda frá litlu að segja.

Annars verð ég að bæta við, af því ég var að tala um nammiát og bólur, haldiði ekki að Mundi hafi sagt við mig í morgun að það væri eins og ég væri með hlaupabóluna!!! Hann er nú sætur við mig finnst ykkur ekki?

(17.08.06 11:06)

Birta:

Ohhhh....alveg sammála þér. Ég er ekki að nenna að byrja þennan síðast vetur í skólanum, tvö vettvangsnám og lokaritgerð.....vildi að þessi vetur væri bara búinn en eins og þú segir þá hefst þetta allt á endanum!
Bestu kveðjur, kossar og knús.

(17.08.06 11:22)

heida h:

skamm skamm mundi:-/ svona segir madur ekki!!"Sukkuladi er nu einu sinni LIFSnaudsynlegt a svona stundum....att alla mina samud svanhildur!!

(18.08.06 07:35)

Ásdís Jóh:

Úff þú ert ekki öfundsverð þessa dagana Svanhildur mín! Gangi þér bara vel á lokasprettinum!

(18.08.06 09:48)

Harpa:

Svanhildur þú verður bara að spíta í lofana og klára þetta;)
Ég skil þig sammt mjög vel, þú öfundar mig líklegast að vera bara að leika mér hérna ég var svo dugleg að ég fór í búð og keypti snúru fyrir mp3 spilaran minn og talaði dönsku, en þetta er bara búið að vera gaman...bið að heilsa Munda....þú náðir að komenta til hamingju

(18.08.06 20:34)

Gauti bróðir:

Hey Mundi! Vantar ekki bra pinnana í hálsinn og grænan make-up upp á þetta?...bólur og bauga...

(18.08.06 23:17)

Gauti bróðir:

en annars gangi þér vel

(18.08.06 23:18)

Magni:

svona er lífið eylíf barátta, en þetta fer nú að taka enda hjá þér, þú ert eiginlega komin yfir marklínuna. það er bara að berjast áfram og líttu jákvætt á þetta allt saman

(23.08.06 07:59)

Hildur Guðný:

Gangi þér vel áfram Svanhildur mín, mundu bara að taka þér pásur við og við, leggjast upp í góða nýja sófann ;) og fara í göngutúra til að hreinsa hugann og fylla heilann aftur af súrefni :)

(23.08.06 12:46)

Svanhildur:

Ég þakka kærlega allan stuðninginn og það er rétt að þetta er alveg að verða búið.

Mikið hlakka ég til!!!

(24.08.06 09:38)

Harpa:

Ert tu ad skamma mig ad skrifa ekki?
Tu hefur kanski nog ad gera Svanhildur og gangi ter vel en Mundi getur skrifad er tad ekki?

(26.08.06 15:55)

sara hrund:

þetta reddast

kossar og knúsar

(27.08.06 08:53)

Svanhildur:

Harpa, það gilda aðrar reglur um hversu oft maður þarf að skrifa eftir því hvort maður er í útlöndum eða ekki. Í útlöndum verður að koma að minnsta kosti ein færsla á viku en þegar maður er á Íslandi þá getru maður þess vegna hætt að blogga.

(28.08.06 12:22)