hversu mikil snilld er __ÞETTA__???? :)

eins og áður hefur komið fram þá var gengið mikið um helgina. fimmvörðuhálsinn var sigraður. það verður að segjast eins og er að hann kom mér á óvart, hann var ívið erfiðari en ég átti von á. en það er kannski öðruvísi að fara og ganga svona langt eftir vinnu en þegar lagt er af stað að morgni. vorum við því ansi þreytt þegar við fórum að sofa um hádegið, þá komin í húsadal. á laugardagskvöldið hittum við fullt af frábæru fólki og skemmtum okkur í básum. það var alveg meiriháttar gaman. og þökkum við samferðafólki okkar frábæra skemmtun.

það sem lifir eftir helgina er góð minning og fullt af myndum sem má skoða með því að smella -HÉR-

alveg ótrúlega skemmtileg helgi að baki. mikið, mikið labbað og margt brallað.

og þegar maður er kominn upp á jökul er sólarupprásin svona....

endurtekið efni

við vorum að finna geisladiskana með öllum myndunum okkar frá því þegar við bjuggum í danaveldi og svo frá þeim tíma sem við vorum að byrja að búa í frakklandi. semsagt myndir frá hitabylgju-árinu 2003. þar á meðal er þessi magnaða mynd frá búsjúlei hátíðinni í nóvember það árið. þar hittum við fyrir tvífara ásbjarnar morthens. mig minnir nú að þessi mynd hafi prýtt þessa síðu þá en hér kemur hún bara aftur til öryggis.

annars ágætt að frétta -- hér hefur stytt upp og sólin er farin að skína, svona hluta úr degi í það minnsta. nú erum við að smyrja okkur nesti, því við ætlum að taka rútu seinnipartinn á morgun til skóga og ganga yfir fimmvörðuháls aðra nótt. teljum okkur geta gengið yfir í þórsmörk á svona 10-12 tímum og ættum því að vera komin þangað í býtið á laugardag. þar munum við svo hitta georges og betu ásamt vinahóp þeirra.

áfram með smjörið...

framhaldssagan

þeir gera það ekki endasleppt lögreglumennirnir hérna í borginni. vinnufélagi minn, sá sem ég sagði frá í síðustu færslu, fékk nefnilega bréf frá löggunni í gær. í bréfinu tilkynntu þeir honum að ekkert hefði fundist áhugavert fyrir þá í blóðsýninu sem þeir tóku úr honum og væri hann því laus allra mála.

meðfylgjandi var svo 1800 kr. gíróseðill vegna kostnaðar við blóðrannsókn.

....hvers konar lögregluríki er þetta?? nú er ég ekki lögfróður maður en er ekki einhver að lesa sem veit hvort að þetta getur hreinlega staðist??? má einhver löggukall í blárri skyrtu yfir höfuð taka blóðsýni? þarf ekki læknir eða hjúkrunarfræðingur að gera það?? má bara gera svona við hvern sem er, hvenær sem er? og á svo viðkomandi að borga fyrir bullið? ég bara skil þetta ekki og er barasta reiður - já sveiattann....

djöfulsins bull

Hvað er í gangi ?

ég ætla að skrifa smávegis hérna núna því þessi morgun í vinnunni var svolítið skondinn, já skondinn en samt ekki. því þegar við vinnufélagarnir vorum að tínast í hús einn af öðrum fór einn að segja okkur hvað henti á leið hans heim úr vinnu í gær.

hann, eins og við hinir er að basla við að sparsla, slípa og mála íbúðahótel niður á laugarvegi. og eins og vill nú verða þegar mikið er slípað af sandsparsli þá verður maður ansi hreint rykfalllinn, rétt eins og maður hafi dottið ofaní hveitipoka. hvítur um hár og granir.

að loknum vinnudegi steig hann upp í bílinn sinn og hélt heimáleið. á umferðarljósum skammt frá lendir hann við hliðina á lögreglubíl, hann lítur til hliðar, sér lögreglumanninn og heldur síðan áfram sinni ferð á grænu ljósi. hann er ekki kominn yfir gatnamótin þegar bláu ljósin loga og þeir stöðva hann. biðja hann að koma með sér yfir í lögreglubílinn og tala við sig. hann gerir það. þar kemst hann að því að þeir telja hann vera á kafi í kókaíni þar sem hann er hvítur um nefið. hann tjáði þeim að hann væri á leið heim úr vinnu, hann væri málari og þetta væri sandsparslryk. ekki keyptu þeir þá sögu og fóru að láta hann blása. ekkert kom út úr því. svo þeir ákváðu að láta þennan kókaíngreifa finna fyrir því niðrá stöð svo þeir óku honum þangað til nánari rannsókna. annar lögreglumannanna tók bílinn hans með þangað. þar var hann látinn blása meira og honum var tekið blóð til rannsóknar. að því loknu mátti hann fara, en ekki á bílnum, lögreglan ók honum heim, sagði að hann mætti ekki keyra bílinn, því þeir hefðu ekki niðurstöður blóðrannsóknar. bílinn sótti hann síðan um kvöldið.

þegar hann sagði okkur frá þessu í morgun þá veltumst við um af hlátri. en fljótlega fór þó umræðan að snúast um hæfni lögreglumanna og vald þeirra til að frelsissvipta fólk og taka eigur þeirra. mér finnst þetta nú vera talsvert alvörumál ef að maður getur lent í svona hremmingum ef að maður gleymir að þvo sér í framan áður en maður stígur inn í bílinn sinn og heldur heim eftir vinnudaginn. hvaða rétt hafa þeir til að gera svona? og hverju má maður þá eiga von á frá lögreglunni næst? þetta mál finnst mér allt hið undarlegasta.

að endingu sagði einn okkar við þann sem fyrir þessu varð að ef að það finndist eitthvað í blóðprufunni þá þyrfti hann sennilega að fara í mál við málningu ehf. vegna ólöglegra snefilefna í sparslinu frá þeim!

í lok dags fóru svo allir heim með hrein nef.

Flugtak

þessi krummi býr í bastillunni í grenoble.

svolítið síðan ég sá hann síðast...

nú má bara alveg fara að koma sumar. það er komið nóg af þessu sem er gott fyrir gróðurinn í bili, ég fer ekki fram á annað en að þetta sumar fari að sýna sig.

í þessari endalausu regntíð er því hollt að setja inn eina mynd frá ágætum degi.

Þórsmörk

á föstudaginn fengum við trukkinn lánaðann hjá Snæbirni og Ellu og þeystum í Þórsmörk. þangað hafði ég ekki áður komið. þar áttum við svo ágæta helgi, "chilluðum og grilluðum", fórum í gönguferðir og lágum í sólbaði og tókum fullt af myndum. Smellið ---HÉR--- til að komast beint í albúmið.

seinnipartinn í gær renndum við svo heimáleið og enduðum ferðalagið á því að fara í góðan mat hjá Steinu frænku hennar Svanhildar.

Hvítasunnan 2006

þá er komið að því.

fyrsta útilega sumarsins

góða helgi