Fréttayfirlit

1. Ég er búin að vera hálfveik undanfarið og nú þegar ég er að hressast er Mundi laggstur. Eins og venjulega þá verður maður veikur þegar maður má ekki vera að því en Mundi hefur varla sést heima undanfarna daga vegna vinnu og það lítur ekkert út fyrir að þetta sé neitt að róast. En maður á sennilega ekki að vera að kvarta yfir því, alla vega ekki ef maður ætlar að fara að fjárfeta í húsnæði, og þá komum við einmitt að frétt nr. 2:

2. Á morgun erum við að fara að skoða félagsheimilið á Skaganum.

3. Þetta er síðasta vikan mín í MR, er á fullu í yfirsetum og svo líka að kenna smá og fylgjast með munnlegum prófum. Yfirseturnar eru ekki sem verstar því þá gef ég mér tíma í að lesa Draumalandið hans Andra Snæs sem er án efa ein mikilvægasta bók sem hefur komið út undanfarin ár. Auk þess er hún alveg bráðskemmtileg.

4. Þar sem þetta er síðasta vikan mín í MR þýðir það að ég er að fara að byrja í Sendiráðinu á þriðjudaginn. Mikill spenningur í maganum yfir því.

Fréttir verða næst sagðar síðar!

Páskamyndir

jæja, þá er smávegis af páskamyndunum okkar komið á myndasíðuna. þær má skoða með því að smella - HÉR -

annars rólegt ..... .. .... ..

bið

fyrsti vinnudagur eftir páska fór bara vel af stað. eftir vinnu náði ég svo að koma myndunum frá helginni inn á tölvuna. látum þær aðeins taka sig þar áður en þær koma hingað.

ps. er ekki málið að fá sér eitt félagsheimili????

Komin í máva

stórkostlegir páskar að baki á norðurlandinu góða. við sendum samferðafólki okkar undanfarna daga bestu kveðjur með þökkum fyrir góða skemmtun. það var tekinn hellingur af myndum, svo við lofum ferðasögu og myndum fljótlega, en fyrst hvílum við okkur aðeins.

band

Páskafrí

það byrjar á morgun. mig hlakkar óvanalega mikið til þess. á morgun er ég að spá í að stytta vinnudaginn lítillega svo að við getum blússað norður í sæluna sem fyrst. veðurspáin þar er nú ekkert spes, svo það verður að koma í ljós hvað verður hægt að skíða mikið en það verður örugglega gaman. vonandi sér maður ykkur sem flest.

sjáumst!´

Góð helgi að baki og betri framundan

Helgarfríið hófst að venju með ferð í Bónus og Vínbúðina og svo var farið heim að elda indæliskvöldverð og opnuð ein hvítvín. Mundi fór svo eldsnemma á fætur á laugardaginn og fór að vinna en ég svaf aðeins lengur og fór svo í páskakaffi til ömmu, það var þvílík veisla og mjög gott að troða sig út af brauðtertum áður en lagt var af stað upp í Bláfjöll með pabba og Söru. Þar skíðuðum við á fullu í blíðunni og það var alveg meiriháttar. Ég var nú alveg búin á því um kvöldið og langaði mest til að fara bara snemma í háttinn en ákvað að vera ekki svona mikill aumingi, skellti mér í sturtu til að hressa mig við og fór á djammið með Hildi, Unni og Halldóru. Það var svaka stuð og staðirnir þræddir til að ganga fjögur. Ég er orðin svo léleg í þessu djammi og veit ekkert ömurlega en að bíða í röð í skítakulda svo að í þau fáu skipti sem ég fer í bæinn þá fer ég bara á einhvern einn stað og held mig þar. En stelpurnar kenndu mér inn á hið svokallaða "pöbbarölt" á laugardagskvöldið og það vara bara ekki svo slæmt, við lentum aldrei í neinum röðum og ég fattaði fullt af nýjum skemmtilegum stöðum og á til dæmis alveg pottþétt eftir að fara bráðum aftur á Ara í Ögri. Alveg snilld að fara á stað þar sem eru svona trúbadorar og allir syngja hástöfum.

En ég var sem sagt ekki komin í háttinn fyrr en að ganga fimm og mér varð því ekki mikið úr verki í gær, engin þynnka en ég var verulega þreytt. En það var bara fínt að eyða sunnudeginum í leti fyrir framan sjónvarpið.

Svo ætla ég að vera svaka dugleg að læra í dag og á morgun því að næsta helgi hefst á miðvikudaginn með Norðurför.

þá er vinnuhelgi framundan. þarf eitthvað að þeyta úr pensli fyrir seltyrninga. en svo kemst maður nú í gott páskafrí fljótlega og þá verður haldið norður með skíði á bífum. þá helgi ætla ég að einbeita mér að sameiningu skíðaíþróttar, áts og skemmtana. hlakka mikið til.

og svo fyrir þá sem vilja vita þá er diskurinn með Cynic Guru bara alveg að gera sig - greip hann heim úr sjoppunni áðan og hann er bara svona líka ljómandi góður.

Roger... over and out

Öskjuhlíð

Þessi vika hefur liðið hratt eins og aðrar. Við brugðum okkur í smá labbitúr í Öskjuhlíðinni áðan og ég tók nokkrar myndir þar í fallegu veðri en köldu. Myndirnar ná ekki alveg að fanga kuldann.

fleiri myndir má nálgst - HÉR -

Mes amis francophones.
On a fait un petit rando dans notre quartier aujourd'hui. j'ai pris qelques photos. cliquez -ICI- pour les voir. A bientôt