Nagdýr

...enn verður einhver smá bið á ferðasögu og myndum.

það kom nefnilega í ljós þegar við vorum að pakka í bílinn fyrir ferðalagið að kassarnir með fötunum okkar sem við höfðum fengið að geyma hérna í bílskúrnum höfðu orðið nagdýrum að bráð. gömlu skíðabuxurnar mínar voru étnar upp að hnjám og svo og fína teppið mitt frá kaupþing, sem ég kallaði lífeyrissjóðinn minn, - það var jafn götótt og lífeyrisgreiðslurnar... ;) eitt stykki framlengingarsnúra var í sundur og svo videre.

þannig að ekki var annað hægt en að fara í dag og þvo allt sem í þessum kössum var, þvo föt ferðalagsins og kaupa mat í ískápinn og koma þessu svo fyrir. það stendur enn yfir, hér er líka útilegugír, út um allt, orðinn þurr eftir rigningu síðustu nóttina.

hér er á 15 fermetrunum er því GERSAMLEGA allt á hvolfi - segi og skrifa.