Mundi og Svanhildur: Meindýr

Fimmtudagur 28. apríl

Meindýr

Ég er búin að vera dugleg við það undafarna tvo mánuði að skella mér út að skokka á morgnanna, alveg frábært um leið og maður er búinn að drífa sig af stað og þó að fitunni líði nú enn aðeins of vel á líkamanum mínum þá finn ég hvað þolið hefur aukist og ég er ekki frá því að ég hafi líka meiri orku á daginn en áður. En ég ætlaði nú ekki að tala um þetta heldur ætlaði ég að segja ykkur frá skokkferð minni í morgun. Ég hleyp alltaf smá hring hérna meðfram ánni og á einum stað er brú yfir ánna og göngustígurinn liggur undir brúnna meðfram ánni. Haldið ekki að þar sem ég er að hlaupa undir brúnna verði á vegi mínum risastór og loðin dauð rotta. Frekar ógeðslegt og ég tók stóran sveig til að koma ekki nálægt henni og spretti aðeins úr spori.

Þegar heim var komið var sest við tölvuna, eftir sturtu og morgunmat, og byrjað að læra. Veðrið er frábært svo ég er búin að vera með opna glugga. Haldiði ekki að ég heyri svo frekar ógnvænlegt suð í kringum mig, lít upp og kominn risa geitungur í heimsókn. Ég hljóp í dyragættina, horfði skelfingu lostin á fluguna og beið eftir að hún drullaði sér út aftur. Þorði alls ekki að ná í skordýraeitrið og spreyja á hana því ég var þess fullviss að þá mundi hún brjálast og ráðast á mig og gera það að sínu síðasta verki fyrir dauðann að stinga mig. Held ég hafi verið búin að standa í dyragættinni, tilbúin að loka hurðinni og hlaupa fram á gang, í 20 mínútur þegar blessuð flugan fattaði loksins hvernig hún kæmist aftur út og ég hljóp til og lokaði gluggunum.

Já ég er aldeilis búin að lenda í ævintýrum í dag, það er nú ekki á hvejum degi sem maður rekst á rottur og skelfur af hræðslu yfir heimsókn lítillar flugu. Verð að viðurkenna að þetta er búið að taka á og vonast ég því eftir að eiga rólegan eftirmiðdag, í næði frá meindýrunum.

- Svanhildur | 10:25

Umræður

Ziggy Flotti:

Rottur eru viðbjóður!!!!

(28.04.05 11:47)

sara:

það er nú aldeilis.. ég hata líka þessa geitunga.. þeir eru alger vibbi.. veit ekki með rottuna.. hún var jú dauð.
en góða helgi.

(29.04.05 09:19)

svanhildur:

Er búin að eyða síðasta hálftímanum frammi á gangi því það kom einhver hlussu hunangsfluga inn í herbergið og ég var farin að halda að hún ætlaði aldrei út aftur. Stóð frammi á gangi og hlustaði á suðið í heinn í gegnum hurðina.
Hræðilegt alveg!

(29.04.05 09:42)

Jóhanna Héðinsdóttir:

hahahahahha merkilegt hvað það lifnar ALLT til lífsins á vorin ;)
Gott hjá þér að fara að skokka.. ég gerði það nánast á hverjum degi í svona tvö ár... en hætti því síðan... en í morgun var einmitt dagur tvö í að byrja daginn á skokki.. og vá hvað það er unaðslegt!

(29.04.05 09:53)

Ólöf:

Vá hvað ég skil þig með geitunginn, ég loka alltaf munninum þegar ég sé slík kvikindi, er alveg viss um að þeir muni fljúga upp í mig og stinga mig í hálsinn og drepa mig þar af leiðandi. Annars var risakönguló að spássera á rúminu mínu í gærkvöldi, ég var ekki mjög sátt með það heldur.

(29.04.05 14:56)

svanhildur:

Já þessi skordýr eru alveg hræðileg og ég verð að viðurkenna að ég er með algera fóbíu fyrir flugum sem geta stungið.
Áðan, eftir að ég var búin að bíða úti á gangi eftir að risa hunangsflugan færi út um gluggan, þá settist ég við tölvuna og byrjaði að læra. En ég heyrði alltaf eitthvað flugnasuð og var alveg að klikkast. Sannfærði mig um að þetta væri bara suðið í litlu fligunum hérna en það voru tvær húsfluhur eitthvað að leika sér í glugganum. En ég var bara ekki að meika suðið, hrökk alltaf í kút og stökk upp úr stólnum um leið og ég heyrði suð, svo að ég ákvað það það væri best að útrýma þessum flugum svo áð ég gæti slakað aðeins á. svo ég náði í spreyið og drap þær. En ég hélt áfram að heyra eitthvað suð og var viss um að risa hunangsflugan væri hérna einhversstaðar ennþá og ákvað að gefast bara upp, fór út á götu og tók flugnaeytrið með mér og beið eftir að Mundi kæmi heim til að bjarag mér frá flugunni (hann var að versla í matinn). Loksins kom Mundi heim og ég sendi hann upp í herbergi með spreyið að vopni og viti menn, engin fluga.
Ég er greinilega orðin ímyndunarveik :)

(29.04.05 15:51)

Hildur:

Jiii þú veist að ég skil þig fullkomlega í geitungamálinu.. til hvers eru þeir eiginlega??
ég mæli með að þú smíðir bara net fyrir gluggann sem þú getur fest alltaf með frönskum rennilási þegar þú opnar gluggann!.. það er kannski soldið mikið mál fyrir þennan stuttan tíma sem þið eigið eftir þarna þannig að ég mæli þá frekar með að þú hafir bara headphones á þér þegar þú ert að læra og þá heyrirðu ekkert suð. .. ef þér finnst óþægilegt að læra með tónlist á geturðu tekið upp algjört hljóð sem eru inni í herberginu meðan gluggarnir eru lokaðir og enginn heima og haft það hljóð á á fullum styrk meðan þú lærir, þá tekurðu ekkert eftir flugunum sem sveima allt í kringum þig :)

(01.05.05 23:05)

svanhildur:

HAhahhahahahah
Þessi góðu ráð verða tekin til alvarlegrar athugunar!

(02.05.05 06:25)