jámm - þá er kallinn sestur á skólabekk enn einn ganginn. ég er í augnablikinu í tækniskólanum að hlusta á fyrirlestur um bókhald... verð víst hérna um helgina að skoða þessi mál eitthvað nánar

annars er svo brottför til frakklands á miðvikudaxmorgun, við verðum hins vegar ekki í grenoble fyrr en á mánudag og ég lofa dyggum lesendum stórum myndapakka frá íslandsvistinni þegar þangað er komið.

Ég verð bara að segja ykkur frá því hvað ég átti æðislegt kvöld í gær. Harpa og Rúnar buðu okkur familíunni í alveg frábæran mat og svo fórum við í Borgarleikhúsið að sjá hið rómaða leikrit Rómeó og Júlíu. Ég var hálf hrædd um að ég væri að búast við of miklu því það voru svo margir búnir að segja mér hvað þetta væri frábær sýning en ég varð sko ekki fyrir vonbrigðum. Þetta er ein besta sýning sem ég hef séð og við skemmtum okkur öll alveg rosalega vel. Þetta er svo rosalega skemmtileg uppfærsla, fjörug fyndin og vel leikin og ekki skemmdu loftfimleikarnir og fimleikahoppin fyrir.

Nú er Mundi farinn norður í gæsir og ég sit á bókhlöðunni. Held ég gæti setið við þessa ritgerð í nokkra mánuði í viðbót því mér finnst ég alltaf þurfa að vera að laga hana og breyta henni eitthvað. Ætla samt að reyna að skila henni áður en við förum út svo ég geti hætt að hugsa um hana. Annars var ég að fatta um daginn að ég þarf bara að fá 5 fyir hana þar sem ég er nú þegar komin inn í mastersnám en ég yrði samt brjáluð ef ég fengi bara 5, vil alls ekki skila henni fyrr en ég er orðin örugg með að fá 8. Er þetta eðlilegt? Sennilega ekki. Verð víst að játa á mig einkunnasýki sem er ekki alltaf góður sjúkdómur að lifa með.

Maður verður víst að vera aðeins duglegri að skrifa hérna heima á Íslandi, frekar glatað að hafa bara tóma heimasíðu þar sem færslurnar fara í geymslu eftir að vera búnar að vera á forsíðunni í viku.

Við áttum alveg frábæra helgi: fórum út úr bænum á föstudaginn og keyrðum upp í Þjórsárdal þar sem við tjölduðum niðri við ánna við Stöng. Torfi og Eva komu svo til okkar nokkru seinna um kvöldið og það voru étnar pylsur, drukkið rauðvín og spilaður kani. Þessi uppskrift bregst ekki. Svo vöknuðum við eldsnemma á laugardagsmorguninn í bongóblíðu, kvöddum Torfa og Evu sem héldu upp í Veiðivötn en við Mundi skelltum okkur í sund í sundlauginni sem er þarna in the middle og nowhere. Það var ansi gott að liggja bara á vindsæng í sundlauginni í blíðunni. Mamma pabbi og Gauti komu svo til okkar í hádeginu og þá var haldið upp í Landmannalaugar og þar var tekinn góður göngutúr og Mundi og pabbi fóru í kapphlaup upp og niður Bláhnjúk. Það er aldrei að vita nema Mundi skelli inn nokkrum myndum af ferðinni en þær heppnuðust alveg rosalega vel og litirnir í Laugum fallegir í sólinni. Svo var haldið áfram hringinn, Ljótipollur (sem er flest annað en ljótur) og Landmannahellir skoðaðir og svo endað aftur niðri við stöng um kvöldið og grillað. Á sunnudaginn gengum við svo inn að Háfossi og það var nú bara ansi skemmtileg ganga. Á heimleiðinni komum við svo við á Stokkseyri og skoðuðum Veiðisafnið og það var alveg þess virði að kíkja á það. Þar er allt fullt af uppstoppuðum dýrum en megnið að þeim hafa hjónin, sem reka safnið inni í stofunni hjá sér, skotið í Suður Afríku. Fólk var svo þreytt en alsælt við heimkomu á sunnudagskvöldið.

Annars gengur bara allt sinn vanagang. Mundi er kominn vel inn í þá íslensku hefð að vinna langt fram á kvöld alla daga og ég er að leggja lokahönd á ritgerðina mína. Svo erum við að fara að sjá Rómeó og Júlíu á fimmtudagskvöldið og Harpa og Rúnar eru búin að bjóða okkur í mat fyrir sýninguna svo þetta verður eflaust alveg frábært kvöld. Mundi ætlar svo norður um helgina og reyna að fá einhverja gæs en ég ætla að vera í bænum og auglýsi hér með eftir fólki sem ætlar að djamma um helgina.

já ótrúlegt en satt - ég er að henda inn færslu. ég komst nefnilega í tölvu hérna hjá daiu og óla, en þau voru að gefa okkur hreindýr og gæs að borða.

annars er allt gott að frétta, við vorum í Grímsey í gær, tókum flugið með Snæbirni frá RVK og millilentum í höfuðstaðnum. stórkostlegur dagur sem sannarlega telur í reynslubankann, og veðrið skemmdi ekki fyrir. ég á fullt af myndum sem ég mun kannski setja inn. það verður þó sennilega ekki fyrr en ég verð kominn aftur til frakklands og með mína tengingu þar. við eigum flug á parís þann 1. sept og verðum þar fram til 5. en þá verður haldið áfram til grenoble.

eins og þið sem vanalega lesið þessar línur hafið tekið eftir þá hefur lítið verið um að vera hérna, en í raun þeim mun meira hjá okkur. allt gott að frétta og alllir ferskir. ég bið að heilsa í bili - þangað til næst...

Þá er maður mættur aftur á bókhlöðuna eftir alveg frábæra verslunarmannahelgi á Siglufirði. Held það verði bara aftur farið á síldarævintýrið að ári. Á föstudagskvöldinu var djammað og djúsað með Bjössa, Sísý, Söru og Evu. Dansað og sungið á torginu við undirspil hinna frábæru Miðaldamanna og eftir það farið á ball í bíóinu með hljómsveitinni Von sem er ein besta ballhljómsveit Íslands. Svo var skriðið í tjald um fimmleytið og smá þynnka á laugardeginum. Maður var þó fljótur að hrista hana af sér með söng og gítarspili á laugardagskvöldinu. Þá höfðu Torfi, Eva, Brynjar og Rán bæst í hópinn og eftir grillmatinn var sungið hátt og mikið og svo farið í bæinn og dansað langt fram á nótt. Ég verð að gefa Brynjari tíu rokkstig fyrir að hafa verið maður kvöldsins en ég hef sjaldan séð nokkurn mann dansa svona rosalega og svona líka flottan dans. Við Mundi fórum ekki á fætur á sunnudeginum fyrr en að ganga fjögur. Þá yfirgáfu félagarnir okkur og héldu til Akureyrar en við vorum svo alsæl á Sigló að við urðum eftir þar en færðum okkur þó um set og tjölduðum í garðinum hjá Laugu (frænku Munda) en þar var fullt hús af skemmtilegu fólki og djúsað smá með þeim. Það var svo mjög þreytt en hamingjusamt fólk sem dreif sig loks af stað í bæinn undir kvöld en það var svo sem ágætt að hafa lagt seint af stað því þá sluppum við við umferðina.

En nú er helgin búin og best að fara að koma sér að verki. Þetta er nú samt bara fjögurra daga vinnuvika svo maður getur strax byrjað að undirbúa næstu helgi.