við vorum að koma úr mat hjá betu og george. það klikkaði ekki frekar en vanalega, rauðvínssoðið naut er gæðafæða, ávaxtakaka með ís, og kaffi og koníak á eftir, - ásamt því að MEÐ ALLT Á HREINU var skellt í tækið. þetta kvöld var temmilega væld, en snyrtimennskan þó í fyrirrúmi.

mikil gargandi snilld þetta allt er

í morgun hringdum við í tilvonandi atvinnuveitenda, þeas ekki leiguskrifstofuna heldur þann sem mig mun leigja, af þeim. eins og fram kom í síðustu færslu þá vantaði einhverja pappíra frá þeim uppá það að ég gæti haldið áfram í þessu kerfisferli, hjá leiguskrifstofunni. konan sem við töluðum við þar, tjáði okkur að það gæti orðið eitthvert vandamál að redda þessum pappírum, - af hverju vitum við ekki. en það ætlar hún að skoða á þriðjudaginn, þannig að það er allavega orðið ljóst að ég byrja ekki að vinna þá eins og útlit var fyrir í gærmorgun - áður en allt varð ofsalega flókið.

hins vegar er ljósi punkturinn að í gærkvöldi var hringt frá öðru fyrirtæki og ég á að fara í viðtal þar á mánudaxmorgun.

þetta ætlar ekki að ganga þrautalaust - en þeir fiska sem róa.

þetta fer nú að verða mesti bloggdagur þessarar síðu enda ýmislegt sem hægt er að segja frá búið að gerast síðan í morgun.

ég er semsagt kominn til baka frá skrifstofunni í Voiron. þar var mér sagt að fara bara aftur til baka, fara aftur til fyrirtækisins sem upphaflega ætlaði að ráða mig í vinnu af afleysingastofunni, fá þar eihverja pappíra og koma svo bara aftur með þá. þá fæ ég samning (vonandi í sömu ferð) sem ég get svo farið með niðrá fógeta og fengið atvinnuleyfi. það á ég svo að koma með aftur til þeirra til að fá samning frá þeim, þ.e. afleysingaskrifstofunni, að því skilyrði uppfylltu að ég standist læknisskoðun. frábært alveg, en þetta eru um 80 km fram og til baka.

þetta er hreint með ólíkindum.

ps. ég þurfti að vanda mig mikið núna - það vildu nokkur ljót orð vera með í þessum texta. pirrrrrr.......

já þá er nú enn meira komið í ljós með þetta allt, og þeir sem ekki vita hvað ég meina ættu að byrja að lesa það sem er hérna aðeins neðar.

auðvitað gat þetta ekki verið einfalt. þannig er að eftir viðtalið í morgun sagði bossinn þar við mig að fara á skrifstofu sem er hérna niðrí bæ og ganga frá pappírum þar. þegar ég fór svo þangað þá kom í ljós að það var svona afleysingaskrifstofa sem er víst í samstarfi við þetta fyrirtæki. þannig að mér skilst að þetta sé þannig að afleysingaskrifstofan ráði mig og endurleigi mig síðan til þessa fyrirtækis. (www.grani-miroir.com)

en sagan er nú ekki öll. til þess að fá vinnu hjá þessari afleysingaskrifstofu þurfa náttúrulega allir pappírar að vera á hreinu, en þar sem þetta var bara útibú frá höfðstöðvunum þá var ekki hægt að ganga frá neinu þarna, heldur þarf ég að fara til Voiron, sem er næsti bær (ca.30 mín með lest) og fara á aðalkontórinn þar og ganga frá því, auk þess sem að ég þarf að fara í læknisskoðun í fyrramálið. mér finnst þetta nú vera svolítið langsótt allt - verð að segja það. en það er þá vonandi að þetta gefi ávöxt, hef reyndar spurnir af því að byrjunarlaunin séu mjög lág. vonandi breytist það þá fljótt. þetta verður að skýrast bara og ég segi ykkur meira þegar það gerist, en nú þarf ég að fara til Voiron. :|

já þið fáið fréttirnar frá frans hér þegar þær gerast. ég var að koma úr atvinnuviðtalinu og það gekk bara vel. þetta er stórt fyrirtæki, með skrifstofufólki og stóru húsnæði. ég vona að það viti þá á betra skipulag en það sem ég upplifði síðast en það verður tíminn náttúrulega að leiða í ljós. forstjórinn var vinalegur við mig og ákvað að gefa mér stuttan reynslusamning, sagði að það væri best fyrir okkur báða, þá gæti hann hætt við ef honum litist ekki á og það sama gilti fyrir mig. ég hef nú alltaf litið á svona varnagla sem afsökun fyrirtækjarekenda fyrir því að borga lægri laun í smá tíma, en eftir síðustu reynslu held ég bara svei mér þá að þetta sé ágætt, fyrst það virkar svona á báða vegu.

en úrslitin urðu að ég á að byrja að vinna þarna á þriðjudaginn. nú er bara að vona það besta, að þetta sé eitthvað sem gengur fyrir báða, því satt best að segja finnst mér ansi erfitt að standa í þessari atvinnuleit, farandi frá einum kontórs til annars, talandi við fólk sem er erfitt að skilja.

...en nú að smá þjóðfélaxfréttum héðan:

ég get nú ekki neitað því að sumt hérna er bara til þess að hlæja að því. mótmælagleði frakka er löngu heimskunn og nú held ég bara svei mér þá að þeir hafi toppað.

franskir vínbændur frá Búrgúnd eru nú að mótmæla minnkandi víndrykkju frakka!!!

ég bara spyr: "hvernig er hægt að mótmæla svona???" er það ráð ölgerðar egils, þegar appelsínneysla dregst saman að fara bara og mótmæla, eða ættu íslenskir bændur ekki bara að fara og loka þjóðvegum vegna þess að dregið hefur úr lambakjötsneyslu landans? NEI - segi ég, - markaðssettu bara vöruna þína betur og aðlagaðu reksturinn breyttu umhverfi.

málinu er víst þannig háttað að meðalneysla frakka hefur farið úr um 100 lítrum af rauðvíni á ári, árið 1960 niður í um 50 lítra á ári, í dag. þar að auki hefur aukin samkeppni frá vínum "nýja heimsins", (t.d. chile, ástralíu og suður afríku) valdið minnkandi vínsölu á heimsmarkaði.

en magnað er að heyra hverju bændurnir kenna um minnkandi neyslu í heimalandinu, jú - nefnilega því að þeir segja að þetta sé lögreglunni að kenna, hún sé búin að herða of mikið eftirlit með ölvunarakstri!!!!!

hvað er að???? :)

viðtalið þarna á anpe er strax búið að skila árangri. það er búið að hringja og ég á að mæta í viðtal í bítið á morgun hjá einhverju fyrirtæki. nú er bara að bíða og sjá hvernig það fer.

þá er atvinnuleit farin af stað á ný hjá mér. fórum áðan og skráðum mig hjá afleysingaskrifstofum fyrir iðnaðarmenn, það á víst að vera gott ef að maður fær vinnu þar, betri laun og fleira, en einhvernveginn fannst mér það ekki vera mjög sannfærandi svona við fyrstu kynni, altsvo að þeir gætu útvegað vinnu.

svo ætlum við að fara á anpe aftur á eftir en það er skrifstofan sem ég fékk fyrri vinnu hjá. þeir hafa úr meiru að moða og það er vonandi að þeir séu með eitthvað bitastæðara núna en síðast.

lífið er lotterí...

ps. spurning um - svona í tilefni daxins að fara í málarabuxurnar og syngja bara fyrir liðið. maður fær þá kannski nammi - ha??? DA....dúmmada dúmmada dúmma dúmm.........

sprengidagur í dag. hér heitir sá dagur "feitur þriðjudagur" eða mardi gras. hefðin hér er víst ekki sú að éta saltað, feitt, íslenskt lambaket með kraftmikilli baunasúpu, heldur sú að borða Crépes sem eru pönnukökur fylltar með einhverju því sem hugurinn girnist, t.d. osti og skinku.

ætli það verði ekki úr...

borvélin sem ég fékk í afmælisgjöf kom að góðum notum áðan. ég fór og keypti bor fyrir járn og tókst að bora stýrislásinn út svo nú er volfgang kominn í nothæft ástand að nýju.

ég vil þakka gestum okkar fyrir komuna og góða viku, ekki laust við að manni þyki bergmála svolítið hérna í tómu kotinu í dag. takk fyrir okkur.

Laugardagskvöld:

Jón og Guðrún komu til okkar á laugardagskvöldið og við snæddum raclette hérna 8 saman. Það var mikið stuð og mikið drukkið. Svo var lagt af stað í bæinn upp úr klukkan ellefu og sást þá þegar mikið vín á fólki. Svo var djammað í bænum fram á nótt.

Sunnudagur:

Algjör þynnkudagur. Allir latir, samt tókum við okkur saman og þrifum eftir partíið, borðuðum svo meira raclette eftir þrif, góð þynnkufæða. Horfðum svo á video. Svo buðu Hildur og Halli okkur út að borða og eftir matinn var aftur video fyrir svefninn. Sem sagt hinn fullkomni þynnkudagur.

Mánudagur:

Krakkarnir áttu að taka lest klukkan 5 í morgun svo við drifum okkur á fætur klukkan 4 til að hafa nægan tíma. Fórum út klukkan hálf fimm en hvað haldið þið að hafi gerst? Mundi keypti stýrislás á bílinn í Danmörku og við læsum alltaf stýrinu svona af því maður er í útlöndum. En í morgun neitaði lásinn að opnast. Við reyndum og reyndum að opna lásinn en ekkert gekk, hann stóð pikkfastur. Þegar klukkan var orðin 20 mín í 5 var orðið ljóst að þetta myndi ekki ganga svo ég hljóp upp og hringdi í leigubíl. Svo biðum við eftir bílnum og stressið jókst með hverri mínútu. Bíllinn kom svo klukkan 4:47 og ég hef aldrei verið í leigubíl sem hefur keyrt svona hratt. Við vorum komin niður á lestarstöð 5 mín seinna svo þetta reddaðist allt. En þetta var ansi mikið stress og er voða fyndið svona eftirá. Mundi þarf svo að fara á eftir og kaupa bor til að reyna að opna stýrislásinn.

Ég skrapp svo upp í skóla í morgun og náði loksins tali af kennaranum sem var ekki búinn að skila inn einkunninni minni og hún lofaði að gera það í dag. Það stefnir því allt í að ég fari að fá námslánin mín loksins.

það er 14 stiga hiti hérna í dag samkvæmt okkar óopinbera mæli. gestirnir okkar fóru í bæinn að ganga frá viðskiptum og við ætlum að hitta þau þar eftir smá stund.

í gær fórum við öll á skíði. því miður heppaðist sú ferð ekki alveg eins vel og síðast, veðrið var ekki alveg eins gott, - eins og máltækið segir "það er kalt á toppnum" og það sannaðist í gær. en ágæt ferð engu að síður. eftir gærdaginn var almenn þreyta í gangi eftir frekar stíft prógram undanfarna daga og allir fóru snemma í háttinn, eftir að hafa étið pizzu.

í kvöld á svo að snæða saman "raclette" með nýju græjunni sem gestir vorir færðu oss, og að því loknu reikna ég með að við sláum þessu öllu bara upp í kæruleysi og dettum'íða og förum á pöbbarölt.

já - það er ekkert víst að ég bloggi á morgun!!! :)

í gærkveldi héldum við upp á þrítugsafmæli mývatnströllsins, eftir langa gönguferð um verslanir bæjarins. við borðuðum saman önd sem var vel heppnuð í meira lagi. algott kvöld.

en nú erum við farin á skíði... Jííííííííhaaaaaaaa....

það er ýmislegt búið að bralla síðan gestirnir komu. ferð í bastillu, hellaskoðun, bíltúrar, ferð út að borða og fleira og fleira. það var líka ekkert smá fín skíðaferðin sem við fórum í les2alpes á þriðjudaginn. veðrið lék við okkur, glampandi sólskin þarna uppi og færið alveg ágætt. sýnir þessi mynd túristana í 3600m hæð með frönsku og ítölsku alpana í baksýn.

á morgun á svo að taka það rólega og kíkja bara hérna í bæinn og eitthvað þess háttar. svanhildur er búin að ná heilsunni aftur og hefur getað tekið virkan þátt í öllu í dag og er það gleðiefni.

ég mun svo setja myndir inn í albúmið eins fljótt og ég get, en satt best að segja þá er tíminn notaður í flest annað en að sitja fyrir framan tölvuna núna svo ég ætla ekki að lofa neinum tímasetningum á því.

góðar stundir

Hildur, Halli, Bjössi og Sísí komu öll hingað í gær og það var alveg æðislega gaman að hitta þau. Við höfðum það mjög fínt hérna í gærkvöldi, borðuðum mexíkanskan mat og drukkum sangríu.

Núna eru þau öll á skíðum, veðrið er eins og best verður kosið, glampandi sól og logn. En ég hangi heima því þessi flensa ætlar eitthvað að vera erfið við mig. Ég hakka í mig meðul úr apótekinu, bæði náttúrulækninga og viðurkennd vestræn lyf, en eitthvað gengur batinn hægt. Er satt að segja orðin hundleið á þessu. En ég ætla nú ekki að vera að pirra ykkur mikið á þessu, pirra mig bara við aumingja Munda. Vona bara að ég verði orðin hress á morgun svo að ég geti gert eitthvað skemmtilegt með krökkunum.

þá er allt að bresta á. ég er að fara eftir nokkrar mínútur á lestarstöðina að taka á móti fyrra holli gesta í dag. þar með byrjar skemmtileg vika hérna hjá okkur sem við höfum beðið eftir.

nú þarf svanhildur bara að hamast við að láta sér batna þetta óhræsis kvef.

já þá er þessi helgi senn á enda eins og þær sem á undan komu. uppgjör helgarinnar er bæði gott og slæmt.

það slæma er að nú er svanhildur tekin við á kvef-vaktinni.

góðu fréttirnar eru að á föstdagxkvöldið var íslendingateiti hér sem tókst svona líka vel. það er von á gestum á morgun og ég er sjálfur að ná heilsu að fullu.

já kannski verða myndir hérna inni í næstu viku ef að tími gefst til að henda þeim inn, fyrirhuguð er túristavika hérna með Birni, Sísí, Hildi og Halla, sem mun sennilega innihalda skíðaferð eða ferðir og eitthvað fleira skemmtilegt.

framhald í næsta hefti...

Jæja, þá virðist loksins sem framtíðin sé eitthvað farin að skýrast. Ég hitti kennarann sem sér um mastersnámið í morgun og hún var töluvert jákvæðari en seinast þegar ég talaði við hana. Ég þarf bara að standast þessa tvo aukakúrsa sem hún var búin að segja mér að taka, sem og aðra kúrsa sem ég er í, og þá ætti þetta allt að ganga upp. Ég þarf bara að mæta með einkunnaspjaldið mitt til hennar í júní og útbúa umsókn, en sem sagt, ef ég næ öllum prófunum þá virðist sem þetta sé allt klappað og klárt. En það verður sem sagt nóg að gera í vetur, 15 einingar + BA-ritgerð. Svo það er eins gott að fara að taka sig á, fara að taka þetta föstum tökum og læra alla daga frá morgni til kvölds. En alvaran má samt aðeins bíða, það á ekki mikið að sitja yfir bókunum í næstu viku.

Nú þarf Mundi bara að finna vinnu þar sem ekki er kúkað á gólfið og þá stefnir allt í að við verðum hér í Grenoble tvö ár í viðbót.

nóg að gera í dag. svanhildur þarf að fara að tala við einn kennarann núna klukkan 9, varðandi mastersnámið, og ég ætla að nota tækifærið og fara með henni niðrá Campus og þvo þvotta, það safnast alltaf saman í óhreinatauinu - merkilegt. ótrúlega skemmtileg afþreying að sitja þar og horfa á löður, næstum eins gaman og að horfa á málningu þorna !!! :)

svo ætlum við að fara innkaupaferð og skoða með skíðamiða fyrir næstu viku, því nú er von á gestum.

í kvöld verður svo íslendingakvöldverður hérna hjá okkur, jón og guðrún og beta og george ætla að koma og hyggjumst við snæða eitthvað gott saman, og spila eitthvað að því loknu. hvað það verður veit nú enginn, vandi er um slíkt að spá. en eitt er víst....

það er hægur batinn. ég er enn með þetta skrambans kvef og hálsbólgu. þjóðverjarnir sambýlingar okkar hafa nú tekið það mál föstum tökum og fært mér ýmsan varning sem á að styggja þennan hroða burt. allskonar mixtúrur og jurtaseiði auk úðalyfja og pillna. sjálfur tel ég að tíminn sé besta lyfið og það sé best að halda ró sinni og bíða þetta af sér.

öll él birtir jú upp um síðir

vélvirkinn, snillingurinn og mývetningurinn Björn Böðvarsson stórvinur minn er þrítugur í dag. við viljum óska honum alls hins besta í að minnsta kosti 30 ár í viðbót.

til hamingju með daginn Bjössi

Ég vil óska Kedda frænda til hamingju með afmælið í dag.

Annars er lítið að frétta, er búin að lenda í ógöngum í óskipulagi Frakka í skólanum í dag. Var sagt að annar aukatíminn sem ég á að taka til að eiga möguleika á að vera tekinn inn í mastersnám hérna væri kenndur í dag, en þegar ég mætti á staðinn var enginn tími, en ég komst að lokum að því að þessi tími er kenndur á föstudögum en ekki mánudögum. Svo átti ég viðtalstíma við einn kennara í dag til að fá að vita einkunnina mína í faginu sem hún kenndi mér fyrir jól og ég var ekki sú eina sem átti tíma. Við biðum þarna ca. 10 stelpur en ekkert bólaði á kennaranum. Frekar pirrandi þar sem þetta er eina einkunnin sem mig vantar og ég get ekki fengið námslánin fyrr en allar einkunnir eru ljósar. Ég hef reynt framanaf að láta þessa hlúti ekki fara í taugarnar á mér en verð að viðurkenna að ég er að verða svolítið pirruð á þessu. Finnst líka óþægilegt að vita ekkert hvað mun gerast varðandi þetta mastersnám. En þetta fer nú vonandi allt að skýrast.

mér tókst auðvitað að ná mér í pestina um helgina. var nú reyndar farinn að fá í hálsinn á föstudaginn, eða var ég kannski bara kominn með upp í háls?

þannig að helgin var með allra rólegasta móti hér, ég náði af öryggi að uppfylla svefnkvótann og svo framvegis. finnst ég samt vera eitthvað aðeins skárri í dag.

enn er ég ekki búinn að tilkynna atvinnuveitendum mínum að ég sé endanlega hættur, ákvað í gær að gálgafrestur væri frestabestur og gera það bara á morgun því morgundagurinn er jú allra daga lengstur!

svo þegar ég vaknaði var komið nýtt útlit á síðuna, daia hefur semsagt ákveðið að svona eigi 2004 lúkkið að vera og er það vel. takktakk

í dag tók steininn úr

- ég get ekki neitað því að að vinnubrögðin hjá fyrirtækinu sem ég vinn hjá eru svipuð þeim sem tíðkast við málun íslenskra togara

- ég get ekki neitað því að sá gamli sem ég vinn með drekkur vanalega eina flösku af rauðu fyrir hádegið

- ég get ekki neitað því að í dag drakk hann tvær og meira til

- ég get ekki neitað því að hann keyrir mig vanalega heim, ef ekki hann þá hinn sem ég er búinn að komast að að er próflaus

- ég get ekki neitað því að ég þarf oftast að sitja aftur í sendlabíl innan um drasl á leið í og úr vinnu

- ég get ekki neitað því að í dag voru þeir fullir að reykja jónur eftir hádegið

- ég get ekki neitað því að jón og guðrún björguðu lífi mínu og náðu í mig í vinnuna

- ég get ekki neitað því að í dag kúkaði annar vinnufélaginn á veggfóður á gólfinu

- ég get ekki neitað því að það lyktaði hræðilega

- ég get ekki neitað því að minn síðasti vinnudagur þarna var einmitt í dag

...góða helgi

ég var að tala við konuna sem er yfir masternum hérna úti og hún gat því miður ekki gefið mér nein endanleg svör en ég er ekkert allt of bjartsýn á að þeir taki mig inn. Hún sagði mér samt að skrá mig í tvo kúrsa sem ég byrja í í næstu viku. Vandamálið er að ég er í rauninni bara á öðru ári í frönsku af því ég tók dönsku sem aukafag eitt ár. Það gæti því verið að þau myndu krefjast þess að ég tæki eitt ár í viðbót áður en ég get tekið masterinn og ég veit ekki alveg hvort ég er tilbúin til þess þar sem ég get byrjað í samskonar mastersnámi í háskólanum heima næsta haust. En þetta á allt eftir að koma betur í ljós og svo þurfum við Mundi líka að ræða þetta því þetta veltur líka svolítið á því hvað hann langar að gera, hvort hann vill vera lengur hér eða fara heim. Framtíðin er sem sagt enn óráðin.

Ég var að koma heim frá því að tala við konuna sem er yfir masternum sem mig langar til að taka. Hún sagði að ég þyrfti sennilega að taka nokkur fög til viðbótar við það sem ég er að taka núna sem eru sérstakur grunnur fyrir master í FLE (francais langue étrangère = franska sem erlent tungumál) svo að eins og staðan er í dag lítur út fyrir að það verði brjálaðp að gera hjá mér þessa önn, auk þess sem ég er þá b úin að missa af 3 fyrstu vikunum í þessum kúrsum sem ég þarf að taka aukalega. Vonandi verður það bara ekki mikið.

Ég var að koma inn úr sólinni. Er búin að sitja úti á kaffihúsi og sötra bjór með vinum okkar Munda í glampandi sól og 18 stiga hita. Veðrið undanfarna daga er búið að vera ótrúlegt. Eftir þriggja daga stanslausa snjókomu í seinustu viku, hefur verið heiðskírt og sól frá því á föstudaginn og hitinn hefur verið á bilinu 15 til 20 gráður. Það er því komin vorstemmning hér í bæ.

Matarboðið í gærkvöldi heppnaðist alveg rosalega vel og var ofsalega gaman. Við borðuðum hérna saman 9 manns og tel ég það mjög gott í 15fm herbergi.

Svo skrapp ég upp í skóla í dag til að reyna að tala við konuna sem er yfir master-deildinni í kennslufræði frönsku sem erlends tungumáls til að reyna að fá að vita hvort ég geti tekið master hér. En hún var að sjálfsögðu ekki við svo ég þarf að fara aftur á morgun.

Nú er Mundi kominn heim svo ég held við förum að drífa okkur út í sólina.

já þreyttur í dag. það eru erfiðir þessir dagar þar sem unnið er í 8 tímana án nokkurrar pásu eða matartíma.

mér var lofað því í dag að þessi langþráði samningur yrði gerður annaðkvöld. nú er bara að bíða og sjá hverjar efndirnar verða.

annars verður slatti af fólki hérna í mat í kvöld. hann roger vinur okkar spanjóli bað okkur í gær um að fá að bjóða fólki hingað í tilefni af afmælinu sínu sem er í dag. herbergið á görðunum þar sem hann er núna býður ekki upp á að þangað komi fleiri en 2 í einu, auk þess sem að flestir af þeim sem koma búa hér. ég á von á því að við verðum 9 stk.

best að fara að reyna að gera gagn.

það var óvænt bankað á hurðina hérna hjá okkur fyrir stundu. það var atvinnuveitandi minn francois. það verður vinna á morgun. sem er mjög gott, allt að komast í eðlilegt horf þá vonandi.

þess er skemmst frá að segja að maturinn hjá betu og george í gær klikkaði sko ekki. raclette er kóngafæða. takk takk.

en dagurinn í dag er dagur afslöppunar og rólegheita, eftir viðburðaríka viku, og því engin stórtíðindi héðan frá suðurvígstöðvunum.