Mundi og Svanhildur: Illa lyktandi Rússi

Föstudagur 10. desember

Illa lyktandi Rússi

Ég bara verð aðeins að fá að segja ykkur frá Rússanum sem býr hérna með okkur. Þetta er voða fínn, skemmtilegur og hjálplegur strákur en hefur einn mjög stóran mínus: sóðaskap. Já þessi mínus er ansi stór því hann verður til þess að maður forðast að umgangast hann. Hann lyktar svo hræðilega illa að maður getur varla verið nálægt honum og vill helst ekki fá hann inn í herbergið sitt því þá fer allt herbergið að lykta og það þarf að opna allt og kveikja á reykelsum þegar hann er farinn. Ég reyndi nú til að byrja með að láta þetta ekki fara í taugarnar á mér og vera ekki vond. Ákvað að sennilega gæti hann ekkert að þessu gert, væri bara með svona svakalega líkamslykt greyið. En svo sá ég inn í herbergið hans og komst að því að maðurinn er bara svona rosalegur sóði og fer örugglega aldrei í sturtu (hann er líka alltaf í sömu fötunum). Herbergið hans er ekki bara svona allt í drasli heldur er það bara fullt af skít. Hann hefur örugglega aldrei þrifið gólfið inni hjá sér (Mundi segist reyndar hafa séð hann gera það einu sinni en hann er nú líka búinn að búa hérna í 3 mánuði) en það sér ekki í gólfflísarnar fyrir skít, gólfið er bara svart, og lyktin þarna inni: slæm blanda af svitalyktinni hans og einhverri annarri vondri fýlu í herberginu. Svo, af því að gólfið inni hjá honum er allt svart og klístrað, þá ber hann þennan skít með sér um allan gang og því ekki lengur hægt að ganga um berfættur eða á sokkum um íbúðina. Þetta er sem sagt mjög slæmt. Ykkur finnst ég kannski vera vond að skrifa þetta og að ég hljóti nú eitthvaða að vera að ýkja en ég get bara ekki orða bundist, ég hefði aldrei trúað því að einhver gæti lifað svona. Þetta er ógeðslegt og nei ég er ekki að ýkja. Manninum væri vorkun ef hann lyktað svona af einhverjum óviðráðanlegum ástæðum en svo virðist ekki vera.

En ástæðan fyrir að ég er að segja ykkur frá þessu núna er að hann kom hérna til mín rétt áðan og sagði mér að vinur hans væri að koma í mat til hans og bauð mér að borða með þeim. Mjög fallega boðið og eins og ég sagði þá er þetta voða fínn strákur fyrir utan þennan eina stóra galla. En ég gat ekki hugsað mér að borða máltíð inni í herberginu hans þar sem það lyktar svo illa og er svo ógeðslegt og ég er heldur ekkert sérstaklega spennt fyrir að borða eitthvað sem hann hefur eldað. Sem betur fer var ég nýbúin að borða þegar hann kom og gat því sagt honum það án þessa að þurfa að ljúga einhverju og lánaði honum svo útileguborðið okkar. Hvað á maður að gera í svona máli? Ekki er hægt að segja manninum að fara í sturtu og skúra gólfið. Þannig að ég reyni bara að þurfa ekki að vera nálægt honum of lengi í einu og fer helst ekki inn í herbergið hans.

- Svanhildur | 20:35

Umræður

mundi:

já þetta er spauglaust alveg - gæinn lyktar eins og skúnkur.

(11.12.04 13:34)

sara:

oj bara

(11.12.04 15:38)

Bjössi:

Nú, gefðu manninum rakspíra, gólftusku, gólfsápu og leiðbeiningar með....;)

(12.12.04 11:41)

Svanhildur:

Já kannski maður ætti bara að gera það.

(12.12.04 11:44)

sara:

þú getur líka keypt þér stóra plaskúlu og boðið honum að prófa, og um leið og hann fer inn í kúluna, þá lokarðu og læsir. þetta er svona meira varanlegra plan. fólk sem lyktar illa, brýtur á mannréttindum annarra. fólk sem undirstrikar vondu lyktina með skít-og óþrifaskap gerir ástandið enn verra. þú gætir líka reynt af öllum mætti að lykta verr en hann. það er líka hægt að kaupa mjólk og ýsuflak, og fela það inni hjá honum, svo það mygli. svo þegar lyktin verður of mikil að honum finnst, verður hann að leita að henni, og kannski laga til í leiðinni. þú gætir líka, kastað úr skúringafötunni á hann þegar þú ert búin að nota hana. það verður ábyggilega mesti þrifnaðurinn sem hann fær þann mánuðinn.

(12.12.04 12:12)

Torfi:

vitna bara í greifana:

oj bara oj bara oj bara ullabjakk

(12.12.04 12:17)

mundi:

verður ekki að fara að háþrýstiþvo mannin. þetta næst held ég ekki orðið af með sápu og vatni eingöngu

(12.12.04 12:59)

Svanhildur:

Sara kemur þarna með nokkrar ágætis hugmyndir et tvær þeirra eru þó alveg ómögulegar:
1. Það er eki séns fyrir mig að ætla að reyna að lykta verr en hann. Við erum að tala um að til að geta það þyrfti ég að sleppa því að fara í bað í allavega tvo mánuði og fara út að hlaupa á hverjum degi og svitna mikið, hætta að tannbursta mig og borða hvítlauk og skola honum niður með lýsi á hverjum degi og reyna að sulla smá lýsi yfir fötin mín í leiðinni, og já líka aldrei skipta um föt.
2. Varðandi það að fela fisk og mjólk inni hjá honum þá myndi hann ekkert taka eftir því að það væri eitthvað að mygla inni hjá honum þar sem það er nú þegar svo vond lykt hjá honum. Ég er í alvörunni bara farin að bíða eftir að sjá silfurskottur, kakkalakka og rottur hlaupandi um ganginn hérna.

(12.12.04 15:41)

mundi:

já - vonandi koma rottur - þá get ég farið að skjóta þær...

(12.12.04 19:01)

sara:

ja, mér finnst þú vera svoldið svartsýn. en þú gætir líka farið með hann á annan hátt. þú gætir byrjað á því að ganga um í ullarsokkum einum saman, og beðið til satans. svo ef hann spyr þig hvað þú sért að gera, ´þá ertu bara að baka. meiningin með þessu er einfaldlega að gera út af við hann, líkt og hann gerir við þig.
ég bjó með einni svona í sumar, í skaftafelli. gjörsamlega ólýsanleg lykt af konunni, var einmitt subbuleg, alltaf í sömu fötunum, gangandi allan daginn upp á fjöll, notaði ekki svitalyktareyði, mataleifar undir rúmi vikum saman, + að hún er bóndakona sem kom með sauðalyktina alltaf með sér ferska og nýja!!! alger vibbi, ég gat ekki verið á sama tíma og hún inni í húsinu. mér varð alltaf svo flökurt. ég endaði á því að segja við hana, að hún lyktaði illa ( á penan hátt), en henni var alveg sama!!!svona fólki er ekki auðveldlega kenndir mannasiðir!!! ég verð bara svo pirruð og hálf reið, þegar fólk gerir sjálfu sér og mér það að lykta svona illa.
stundum er þó best að vera hreinskilin, þetta er jú ykkar heimili líka, og ef þú ert hrædd við að særa gaurinn, þá er hann ábyggilega búinn að særa þig enn meir! þetta þarf ekkert að vera persónulegt, bara spurning um mannasiði.
jæja, þá er ég búin að tjá mig um það.
vona annars að allt sé í keii, finn mikið til með þér
kossar og knús, sara
ps. bið að heilsa þér mundi

(12.12.04 20:08)

Svanhildur:

Takk fyrir góð ráð Sara. Ætli það endi ekki með því að maður tali um þetta við hann. Þetta getur jú ekki gengið svona mikið lengur.

(12.12.04 20:44)