Mundi og Svanhildur: Nöldur

Miðvikudagur 17. nóvember

Nöldur

Það fer alveg ofsalega í taugarnar á mér að lesa stafsetningarvillur og málfræðivillur fara enn meira í taugarnar á mér. Get þó alveg sætt mig við þetta hjá "venjulega fólki" (þ.e. á heimasíðum einstaklinga, í bréfum á milli einstaklinga o.s.frv.)en þar eru það nú samt helst stafsetningarvillur sem maður rekur augun í og eins og ég sagði áðan þá finnst mér þær öllu betri en málfræðivillurnar. En ég bara get ekki lengur orða bundist yfir öllum villunum á fréttavefunum (og þá sérstaklega á mbl þar sem ég les þann vef mest). Þarna er verið að birta eitthvað opinberlega í nafni dagblaðs en það er greinilega enginn sem les efnið yfir áður en það er birt og þeir sem skrifa fréttirnar virðast ekki einu sinni hafa fyrir því að lesa þær yfir einu sinni áður en þeir smella á "birta" takkann. Ég gæti nefnt óteljandi dæmi um svona lagað en ætla að láta tvö dæmi úr einni mjög stuttri frétt sem ég var að lesa áðan duga:

Dæmi 1
"Læknar, sem stunduðu Yasser Arafat, forseta heimastjórnar Palestínu, á dánarbeði..." Ég hélt alltaf að læknar önnuðust sjúklinga sína en stunduðu þá ekki. Ekki nema þeir séu farnir að stunda þá eins og fóbolta bara, finnst svo gaman í vinnunni að þetta er bara eins og tómstundargaman.

Dæmi 2
"Frönsk læknalög þýða, að læknar Arafats geta aðeins veitt nánustu ættingjum Arafats upplýsingar um sjúkdómsgreiningu." Þetta er kannski bara smámunasemi í mér en mér finnst þetta mjög asnalega orðað. Verður maður ekki að segja: Frönsk læknalög kveða á um ?

En jæja, nóg um þetta í bili. Mundi er farinn til fjalla og ég ætlaði víst að nýta tímann vel til að læra og læra og læra en ekki til að lesa mbl og röfla svo um það sem ég les.

- Svanhildur | 14:08

Umræður

sara:

hæ, eg verd ad segja ad her er eg fullkomlega sammala ther. eg held bara stundum se folk ad drifa sig thad mikid ad thyda fra erlendum heimasidum eda blodum, ad thad bara vinnur ekki vinnuna sina vel. eg hef serstaklega oft tekid eftir thessu a netinu, og lika oft i sjonvarpinu.
en gott samt ad einhver tekur eftir thessu, tha er madur ekki alveg blindur a sitt eigid tungumal. mer finnst eg allavega miklu medvitadri um islenskuna og retta malfrædi eftir ad eg flutti ut til DK.
en nog um thetta. kossar og knus.
kv. sara

(17.11.04 14:55)

Svanhildur:

Já maður er sennilega meðvitaðri um íslenskuna í útlöndum því maður er að passa sig svo mikið að halda henni vel við. Svo er maður líka að læra annað tungumál og fer þá svo mikið að bera það saman við íslenskuna, fer að pæla í þegar maður lærir eitthvað nýtt hvernig þetta sé nú sagt á íslensku o.s.frv.

(17.11.04 15:24)

jons:

Já alveg rétt, ég var einmitt að reyna að vitna í mbl.is fyrir stuttu og ég þurfti að leiðrétta!

(17.11.04 20:38)

Heiða H:

já váa hvað ég er sammála þér með þetta!! Algjörlega óþolandi og það sérstaklega á vef eins og mbl.is...en við skoðuðum þetta einmitt sérstaklega í einum þýðingaráfanganum í HÍ...þ.e. hversu illa textar eru oft þýddir úr erlendu tungumáli yfir á íslensku!

(18.11.04 07:46)

batgirl:

hey, sendi ykkur pakkann í gær með diskunum, sendi bara alla diskana sem ég fann og voru merktir tölvunni þannig að ég vona að þeir komi að gagni:)

(18.11.04 19:19)

Svanhildur:

Kærar þakkir Baddý.

(19.11.04 06:47)

Ólöf:

Hæ, hæ Svanhildur. Nú fylgi ég þínu fordæmi kvitta ég fyrir mig í fyrsta skipti, hef nefnilega alveg kíkt hér inn áður:) Ég er svo hjartanlega sammála þér með svona stafsetningar og málfræðivillur. Ég hef einmitt tekið eftir þessu hjá mbl.is og er alltaf að æpa og góla yfir þessu.

(19.11.04 16:48)

Ólöf:

úbbs.. gott að kvarta undan málfræði og gera samt villu sjálf.. eins og glöggir tóku líklega eftir er fyrsta setningin í algjöru rugli þar sem henni var breytt eftir á. Hún átti að hljóða svo: Nú fylgi ég þínu fordæmi OG kvitta fyrir mig.... ;) Góðar stundir

(19.11.04 16:50)

Svanhildur:

Hehe, það er nú allt í lagi að gera villur á svona kommentum og svona.
Gaman að vita að þú fylgist með okkur.

(19.11.04 17:30)