góðan daginn. helgin er búin að vera góð það sem af er. á föstudag var matarboð hjá Mike sem var mjög skemmtilegt og ekki skemmdi það nú fyrir að konan hans er kokkur svo það var mikið lostæti þar á borðum. í gær var svo farið á fætur 5.45 til að fara á skíði - við komum svo ekki heim fyrr en 19.30. mjög skemmtlilegur dagur, glampandi sól allan daginn, og gott skíðafæri. nýju skíðin reyndust vel en maður er alltaf smá tíma að venjast skíðaskónum, það voru mjög þreyttir fætur hérna í gærkvöldi.

PS. ég ætlaði að sýna ykkur myndir frá þessari ferð, en síðan okkar er búinn að vera hálfbiluð eitthvað um helgina og núna get ég ekki sett myndir hérna inn. eins hafa dottið út linkar á aðrar síður og myndinn hérna til hægri minnkað. ekki veit ég hvað veldur en þetta kemst vonandi í lag fljótlega.

það var kalt í nótt og snjóaði greinilega mikið í fjöll því fjallið fyrir utan gluggann okkar fékk hvíta húfu, í annað skiptið í vetur. en hér eins og víða annarsstaðar stefnir í helgi. við erum boðin í mat hérna upp í fjall í kvöld til Mike, sem er englendingur sem ég var með í skólanum í október. í fyrramálið er svo ræs á undan hananum, því við erum loksins að fara á skíði. gaman gaman. ég hef í hyggju að taka vél mynda með, og verða því vonandi myndir úr skíðaferðinni hérna um helgina. sunnudagurinn er svo óráðin gáta ....

...speki daxins: hnoðri í norðri verður að veðri þótt síðar verði.

viðtalið í gærkvöldi gekk svona líka ljómandi vel og nú stefnir bara allt í að ég fari að vinna sem málari hérna í frönsku ölpunum. það ætti að skýrast endanlega í kring um helgi.

annars er þvottadagur hérna í dag, óhreint tau hefur safnast upp og þá þarf að fara með það í þar til gert þvottahús. ....en fyrst kaffi.