Kæru lesendur
Um helgina verður þessari síðu lokað því ég er komin með nýja, betri og glæsilegri síðu inn á
www.hundahanna.is
Ég hvet ykkur eindregið til að halda áfram að fylgjast spennt með þeim fróðleik og fjöri sem ég mun koma til með að birta á síðunni minni ásamt allri þeirri þjónustu sem ég er að bjóða upp á.
Í Hundahandbók Voffaborgar er góð og ítarleg grein um það af hverju hundar bíta og hvað við getum gert til að koma í veg fyrir það. Mig langaði hér að skrifa aðeins um þetta málefni en þeir sem hafa áhuga á að lesa greinina í heild sinni, ásamt öðru áhugaverðu lesefni, geta pantað Hundahandbókina hjá mér í gegnum hundahanna@gmail.com
Að bíta er í lang flestum tilfellum síðasta úrræðið sem hundurinn notar. Oftar en ekki grípa þeir til þessa örþrifa ráðs þegar öll önnur merki sem hann gefur hafa verið hundsuð og jafnvel tekið fyrir þau. Oft eru viðvaranir hundsaðar af eiganda einfaldlega vegna fáfræðslu þar sem hann þekkir ekki tungumál hundsins.
Á Facebook-síðunni minni er ég farin af stað með smá leik og verður hann líka í gangi hérna á síðunni fyrir þá sem ekki nota Facebook.
Skrifaðu í "álit", við þessa færslu, eina skemmtilega hundasögu, hvort sem það er af þínum hundi eða öðrum. Þá fer nafnið þitt í pott og mun ég draga út einn heppinn lesanda sem fær senda Hundahandbók Voffaborgar sér að kostnaðarlausu! :) Dregið verður kl 23:00 þann 17.júní!
Þá er sumarið komið á fullt skrið með tilheyrandi útihátíðum, göngutúrum og fjöldasamkomum.
Oft kýs fólk að hafa hundinn sinn með á slíkar samkomur og er það að sjálfsögðu gott og blessað.
Hinsvegar tel ég mikilvægt að þú spyrjir þig að því hvort að það sé hagur hundsins að koma með, eða hvort honum muni einfaldlega líða betur heima fyrir í rólegheitum?
Eftirfarandi eru nokkrar hugleiðingar sem ég hef tekið saman varðandi hunda og fjölmenni:
Nú er komið að síðustu fyrirlestrunum um merkjamál hunda þar sem þú lærir að skilja hundinn þinn betur. Fyrirlestrarnir verða haldnir í Voffaborg í Víðidal líkt og áður.
Fyrri fyrirlesturinn verður n.k. fimmtudagskvöld, 3.júní, kl 20.30-22.30 og sá seinni mánudaginn 7.júní kl. 20:00-22:00 og kostar 1000kr inn.
Fullt hefur verið á síðustu fyrirlestra og færri komist að en vildu - því vil ég hvetja fólk til að skrá sig sem fyrst! :)
Einungis 10 manns komast að hverju sinni sem skapar skemmtilegar umræður og persónulegri nálgun á viðfangsefninu. Það er ekki posi á staðnum og hundarnir mega hvíla sig heima þar sem þetta er einungis fyrirlestur en ekki námskeið.
Eins og fyrr verður heitt á könnunni í kaffinu og fyrirlestrargögn afhent að fyrirlestri loknum.
Skráning fer fram í gegnum tölvupóstfangið hundahanna@gmail.com
Ekki missa af þessu frábæra tækifæri til að kynnast hundinum þínum betur og frá nýju sjónarhorni.
-----
Seinnipartinn í Júní mun ég svo koma til með að byrja nýja fyrirlestra. Þar sem flestir fyrirlestrar mínir koma til með að tengjast eru fyrri fyrirlestrar grunnur að næstu fyrirlestrum. Því fáið þið mest út úr fyrirlestrunum með því að mæta á þá alla, fáið heildarsýnina og byggið þannig ofan á þekkingu ykkar :)
Aþena er 3ja ára gömul Bullmastiff tík. Hún leitar nú að góðu framtíðar heimili vegna flutnings eiganda af landi brott. Hún er með ættbók frá HRFÍ og er almennt mjög heilbrigð. Aþena hefur ekki lokið neinum námskeiðum og ekki verið mjaðmamynduð. Hún er búrvön og býr nú á heimili með ungu barni (og ketti) og gengur það mjög vel. Hún kann allar helstu skipanir og er almennt hlýðin og góð. Engin vandamál með aðra hunda, geltir ekki mikið og er hvers manns hugljúfi. Bullmastiff eru stórir og kröftugir hundar, frábærir félagar en henta ekki öllum. Ef þú telur þig og þína fjölskyldu vera rétta heimilið fyrir Aþenu sendu þá tölvupóst á hundahanna@gmail.com og ég mun vera í sambandi við þig - mynd af Aþenu má sjá undir "Heimilismiðlun HundaHönnu".
Verðhugmynd: 80.000kr
Oft fæ ég skilaboð frá fólki sem biður mig um ráðleggingar vegna þess að hundurinn þeirra sýnir óæskileg hegðun/hegðanir. Flestir tala strax um þá hegðun sem þeir vilja EKKI að hundurinn sýni í stað þess að tala um þá hegðun sem þeir vilja að hundurinn sýni.
Dæmi:
"Kæra HundaHanna. Ég á í stökustu vandræðum með Gordon Setter tíkina mína. Hún verður svo rosalega glöð þegar einhver kemur í heimsókn að hún hoppar hæð sína í lofti og hefur jafnvel klórað í hársvörðinn og bitið í hárið á fólki í eintómri gleði og hamingju. Ég vil ekki að hún hagi sér svona, hvað get ég gert?“
Sem hundaþjálfaranemi sem einblínir á styrkingu við jákvæða hegðun er svarið einfalt.
ATH FULLT Á ÞESSA FYRIRLESTRA - FYLGIST SPENNT MEÐ NÆST :)
Merkjamál hunda er vel þekkt fyrirbæri og í þessum fyrirlestri kennir HundaHanna undirstöðurnar í því að þekkja merkin og hvernig hægt er að bregðast við þeim ásamt því að setja fram skemmtileg verkefni að leysa.
Þar sem færri komust að en vildu síðast, þá munu fyrirlestrarnir verða tveir í næstu viku, annarsvegar þriðjudaginn 25 maí og hinsvegar fimmtudaginn 27 maí.
Einungis 10 manns komast að hverju sinni sem skapar skemmtilegar umræður og persónulegri nálgun á viðfangsefninu.
Fyrirlestrarnir verða haldnir á Voffaborg í Víðidal frá kl 20-22 bæði kvöldin og kostar 1000kr.
Í hléinu verður boðið upp á kaffi og með því ásamt því að allir fá afhent fyrirlestrargögn að kvöldinu loknu.
Skráning fer fram í gegnum tölvupóstfangið hundahanna@gmail.com
Ekki missa af þessu frábæra tækifæri til að kynnast hundinum þínum betur og frá nýju sjónarhorni!
Hvað ætli Sammi sé að segja okkur??
Eitt af þeim vandamálum sem getur fylgt því að eiga stóran hund er að þeir ná upp á eldhúsbekkina, eldhúsborðið, stofuborðið, sófaborðið og í raun hvert sem þeir vilja þar sem mat gæti hugsanlega verið að finna!
Sumir eru ansi kræfir og nýta hvert tækifæri til þess að næla sér í eitthvað gómsætt meðan aðrir láta sér ekki detta það í hug eða hafa jafnvel ekki fattað það hversu mikil gullkista eldhúsbekkir&borð eru.
Vorið 2008 tók ég að mér Rottweiler tík í tímabundið fóstur og sýndi hún þessa óæskilegu hegðun þrátt fyrir að eigandinn segði mér seinna að hann hefði alltaf tekið duglega í hana ef hún hlýddi ekki skipuninni „niður“. Það tók mig hinsvegar ekki langan tíma að taka fyrir þetta með styrkingu við jákvæða hegðun.
Hérna kemur lýsing á því sem ég gerði og hugsanlega nýtist hún einhverjum.
Mánudagskvöldið 17.maí nk. mun HundaHanna halda fyrirlestur er ber heitið
"Lærðu að lesa í hundinn þinn og njóta taumgöngunnar með honum".
Farið verður yfir helstu líkamsmerki sem hundar nota til tjáskipta og skoðað hvað gott er að hafa í huga þegar farið er út á göngu með besta vininn. Fyrirlesturinn verður haldinn á Voffaborg í Víðidal frá kl 20:00 - 22:00 og kostar 1000kr inn (enginn posi) en heitt verður á könnunni í hléinu. Stefnt er að því að hafa fyrirlesturinn lifandi þar sem þátttakendur taka virkan þátt. Einungis 10 manns komast að og því er um að gera að skrá sig sem fyrst hjá HundaHönnu: hundahanna@gmail.com
---- ATH! Fullt á fyrirlesturinn í þetta skiptið :) ----
Hundahandbókin er leiðarvísir þinn um hundinn í einföldu og áhrifaríku máli.
