Ég er svo á leið í þriðju ferðina mína til Bretlands núna á miðvikudaginn þar sem ég mun læra allt um það hvernig hundar læra. Mjög áhugavert. Auðvitað er brjálað að gera í Háskólanum líka en ég ákvað að fresta útskrift fram til febrúar 2011. Ég seinka því í rauninni bara skilum á BA-ritgerð en skilin eru núna 24apríl og ég rétt ríflega hálfnuð. Ekki alveg nógu gott en fínt fyrir sumarið. Ég stefni á að klára BA-ritgerðina mánaðarmótin maí/júní.
Þeir sem vilja forvitnast um ritgerðina geta kíkt á þetta viðtal

Ingi er búinn að vera í mjög löngu fríi núna síðan í febrúar og það er bara búið að vera æðislegt að hafa hann heima. Við erum búin að bralla ansi margt saman í þessu fríi og þar á meðal kíktum við á eldgosið. Virkilega skemmtilegt sjónarspil þarna í ljósaskiptunum!

Strákarnir voru svo hjá okkur viku fyrir páska og svo aftur núna um helgina. Ingi veiktist all svakalega fyrir páskana svo að það var afskaplega lítið gert þá annað en að hugsa um karlinn sinn og kúra hjá honum. Ég er enþá að bíða eftir því að Svínaflensan banki upp á þar sem við erum ekki enþá búin að fara í bólusetninguna, en sem betur fer var þetta ekki svínið í heimsókn hjá okkur.

Baddý systir er svo flutt 4 götum neðan við mig og það er ekkert smá æðislegt að vera í svona stuttu göngufæri frá henni og litla frænda. Svo er ekki verra að hundarnir eru velkomnir til hennar þannig að við tökum oft morgun/kvöldrölt til hennar. Kellan varð 30 ára núna 4.apríl og ég bíð spennt eftir afmælisboðinu á morgun ;)

Læt þetta nægja í bili - blogga aftur þegar ég er komin til UK með ferðasögu!

Eins og flestir vita sem hafa fylgst með mér þá er ég núna stödd í Bretlandi í Hundaþjálfaraskóla Sheila Harper IDBTS. Rosalega rosalega skemmtilegt og fróðlegt. Hann er uppbyggður sem fjarnám með staðarlotum svo að ég flýg út á 6 vikna fresti næsta 1,5árið.
Þetta er svo sannarlega draumur að rætast hjá mér enda finnst mér æðislegt að vera í kringum fólk sem talar BARA um hunda og hefur í raun sömu ástríðu á hundum og ég. Olga vinkona ákvað að skella sér líka í skólann enda er magnað að vera tvær og hjálpast að í enskunni/breskunni. Get ekki sagt að það sé auðvelt að skilja fólkið hérna, sérstaklega ekki þá sem eru af skoskum ættum! Það er alveg hrikalegt.
Gistiheimilið sem við erum á heitir Park Farm Bed&Breakfast og er eins og nafnið gefur til kynna sveitabær sem er samt "í" borginni. Það er vinnumaður hérna sem heitir Russel og hjónin heita Mr. and Mrs. Lewis. Þau eru eldri en sólin held ég, en rosalega hress og kát miðað við það. Það var gjörsamlega ÍSKALT hérna inni þegar við komum en núna þá fer Mrs.Lewis inn í herbergið okkar áður en við komum heim og kveikir upp í arninum sem er voðalega næs. Húsið er byggt 1750 og því er engin miðstöð og bara einn lítill ofn inn í stóra herberginu okkar. Við vorum svo heppnar að það eru tvær stelpur sem gista hérna líka, ein Bresk og ein Hollensk. Mjög fínar báðar tvær og við eyðum miklum tíma saman.
Þó að gengið sé ekki hagstætt er samt mun ódýrara að lifa hérna. Ég keypti til dæmis 4 nærboli í pakka (2pakka) á strákana og pakkinn kostaði 4pund. Það eru um 800kr. Heima hef ég fundið mest tvo nærboli saman í pakka á 1299kr.
Við borðum yfirleitt á sama veitingarstaðnum sem heitir Ash Tree og er í göngufæri. Þar er alltaf tveir-fyrir-einn díll af aðalréttum svo að við Olga erum að borga svona 12pund fyrir máltíðirnar með gosi/bjór. Það er um 2400kr sem er alls ekki svo hræðilegt :)
Annars gengur vel í skólanum, en þeir sem vilja lesa hunda-hliðina á Bretlandi geta kíkt á www.reykjalin.com/hundahanna
Sjáumst á miðvikudaginn!! :)