Jóhanna

< Góð helgi að baki / Heim / jólin mín.. jólin mín og þín! >

Laugardagur 19. desember 2009 / 16:54 / Hundahandbók Voffaborgar!

Ég var að gefa út Hundahandbók Voffaborgar :)
-
Hundahandbókin er í raun bæklingur í A5 stærð, rúmlega 40bls að lengd.
Þar er að finna ýmsar handhægar upplýsingar sem ég hef tekið saman ásamt áhugaverðum greinum. Þær greinar hef ég fengið að láni, þýtt sjálf eða endurbætt að einhverju leyti. Greinarnar eiga það allar sameiginlegt að vera ekki “common sense” heldur ættu allir að finna eitthvað NÝTT í handbókinni – eitthvað sem þeir vissu ekki áður. Annars vegar inniheldur Handbókin upptalningu á dýralæknastofum á höfuðborgarsvæðinu, hugmyndir að góðum útivistarsvæðum með ferfættu vinum okkar ásamt öðrum gagnlegum upplýsingum eins og til dæmis nokkur hótel um allt land sem leyfa hunda. Hinsvegar eru í henni gagnlegar greinar eins og til dæmis Hvað hundurinn má EKKI borða, Hvernig streita lýsir sér í hundum, Gelt og lausnir við mismunandi gelti, Upplýsingar um hráfóður og svo mætti lengi telja.
-
Bókin er fallega uppsett af Guðrúnu Hilmisdóttur (www.designbygudrun.com) sem sá einnig um alla hönnunarvinnu á bakvið bókina. Ljósmyndirnar eru teknar af Berglindi Kolbeinsdóttur sem er mikil áhugamanneskja um hundaljósmyndun.
Kussungur ehf. gaf mér ríflegan útgáfustyrk sem sá til þess að draumurinn gat ræst.
Voffaborg sér um sölu á bókinni endurgjaldslaust og kann ég þeim bestu þakkir fyrir, enda hafa þau reynst mér mjög vel og stutt mig í öllum þeim hunda-hugmyndum sem hafa flogið í gegnum kollinn á mér.
-
Eftir áramót stefni ég á nám í Hundaþjálfun til Bretlands í hundaþjálfaraskóla Sheila Harper sem er staðsettur í Staffordshire og er bókin því fjáröflunarleið fyrir mig. Eintakið kostar litlar 2000kr og hver veit nema þú og þinn ferfætti félagi þurfið aðstoð mína seinna meir? ;)
Þú getur haft samband við mig í missreykjalin@gmail.com eða einfaldlega kíkt upp á Voffaborg og trítlað út með eintak í hönd!
-
Nú er því upplagt að slá tvær flugur í einu höggi: Kaupa þér fallega og upplýsandi bók um hundahald ásamt því að styrkja gott málefni!
-
-
Þar sem ég veit að þessi handbók mun vekja mikla lukku get ég lumað því að ykkur að ég er að safna efni í bók númer tvö! ;)
-
Bestu kveðjur
Jóhanna Reykjalín
-
a.k.a. Hunda-Hanna

Þessi færsla er skráð í flokknum

/ Álit

Helga:

28.12.09 14:57

© 2001-2008 Jóhanna Reykjalín