Jóhanna

< Allt að gerast í Lyngdalnum! / Heim / Rottweiler-hvolpar >

Laugardagur 18. júlí 2009 / 21:19 / Ferðalangur

Í dag eru 5 vikur og 3 dagar síðan ég sá Inga síðast. Fimm vikur sem hafa samt flogið framhjá alveg furðulega hratt. Í tilefni að því að hann er að koma heim er ég mætt á Reyðarfjörðinn og horfi á skipið út á miðjum firði. Þeir þurfa víst að klára vinnsluna áður en þeir leggjast að bryggju.
Eftir 5v3d bið skipta nokkrir klukkutímar ekki máli.
---
Ég skellti mér norður um daginn og var þar frá þriðjudegi til mánudags. Ég fór í flug með Villa og Rómu og það gekk alveg furðulega vel! Ég átti yndislega daga heima, aðallega sóldagsdaga og svo kíkti ég líka til Grenivíkur og gisti þar eina nótt ásamt því að tjútta með Helgu Kr og Sveinlaugu á laugardagskvöldið - og svo með Freyju frænku, Trausta og Gulla seinna um kvöldið. Alveg geggjað gaman.
---
Á fimmtudaginn lagði ég svo af stað austur á bóginn. Var hjá tengdó þangað til í gær og græjuðum við garðinn hennar (slógum, klipptum osvfrv) ásamt því að taka upp nokkur tré hjá tengda-ömmu henni Ingibjörgu og gróðursetja á nýjum og betri stað.
---
Jæja til að vera hreinskilin þá nenni ég ekki að skrifa meira í bili. Nóg að gera við að klára ritgerðina í sumarkúrsinum og svo tekur við sumarfrí, tjaldvagnaferðalag (já við keyptum okkur Trigano Odyssey tjaldvagn um daginn) og eintómt grill og gleði! Hlakka til að knúsa strákana okkar á morgun enda jafnt langt síðan ég sá þá og pabba þeirra. Agalegt!
Yfir&Út

Þessi færsla er skráð í flokknum

© 2001-2008 Jóhanna Reykjalín