Fimmtudagur 09. október 2008 / 18:27 / Kreppan og allt það
Mig langar rosalega að blogga án þess að tala um kreppuna, en það er eiginlega ekki hægt.
Ég verð eiginlega að viðurkenna að þetta hræðir mig pínu. Það huggar mig samt sem áður að því veikari sem krónan verður, því hærri verða launin hjá Inga. Ekki að námslánin mín hækki - óneinei, lífið er ekki svo gott. Ég skil ekkert í því sem gengur á því allt gerist svo hratt. Varla búin að meðtaka einn hlut þegar sá næsti gerist og breytir öllu. Ég þakka bara guði fyrir að íbúðarlánin á Hrísalundinum hafa ekki hækkað neitt af ráði, sem gerir það að verkum að leigjendurnir halda sömu leigunni og vilja því vera áfram. Fjúkket. Nenni sko ekki að standa í því aftur að finna leigjendur. Lánið á bílnum mínum á hinsvegar eftir að koma í ljós því ég tók smá í erlendri mynt, spurning hvernig það fer. Ég held samt að ég hafi losað mig við Rúfus og Rex á hárréttum tíma. Mjög ánægð með það.
Í dag fór Hera á Voffaborg og skemmti sér þar alveg konunglega með hinum hundunum. Byrjaði reyndar á því að setja upp rosalegan kamb og sýna sinn innri Boxer, en svo skyndilega áttaði hún sig á því að þetta væri "partypleis" og hljóp um eins og brjálæðingur. Ég er líka aðeins búin að vinna í að klikka-hana (nota klikker til að þjálfa hana til að gera ýmislegt) og núna getur hún lagað til dótið sitt (Semsagt gengið frá dóti í körfu) og gefið "high five" sem er alveg hreint magnað. Hún er undrahundur!
Annars eru afskaplega spennandi tímar framundan sem ég á virkilega erfitt með að bíða eftir. Erfiðast af öllu er þó að bíða eftir að Ingi komi heim af sjónum, ég tel alveg niður dagana. Þessi Noregardvöl er ekki í uppáhaldi hjá mér ef ég á að segja eins og er! ;)
Best að halda áfram að skúra og skrúbba. Eins gott að hafa allt hreint og fínt áður en að Guðrún Veiga mætir á svæðið á morgun hehehe
Yfir&Út
Þessi færsla er skráð í flokknum Lífið. Þar eru 170 færslur.