Jóhanna

< frábær versló og nýtt hjól! / Heim / Helgin mín >

Mánudagur 11. ágúst 2008 / 12:28 / Sagan um litlu ljóskurnar

Einu sinni voru tvær litlar ljóskur og lítill sætur hundur sem bjuggu saman í litlu grænu húsi í landi langt langt í burtu. Ljóskurnar ákváðu að skella sér á Fiskidaginn mikla. Skemmtu þær sér vel á leiðinni, eftir að hafa snúið einu sinni við vegna GPS-tækis sem gleymist. Stökk önnur ljóskan inn og sótti tækið, og skellti hurðinni í lás á eftir sér.
Skemmtu þær sér þrusu vel alla helgina. Fengu sér fiskisúpu á föstudagskvöldinu í góðra ættingja hópi og eyddu svo laugardeginum á Handverkshátíð í Hrafnagili, flugmódelsýningu að Melgerðismelum, skrepperíi í jólahúsið ásamt verslunarferð í "mollið" á Akureyri. Um kvöldið var horft á hina glæsilegustu flugeldasýningu þar sem ljóskurnar dásömuðu manneskjuna sem nennti að hlaupa á milli allra flugeldanna og kveikja í þeim ;) Eftir bryggjusöng og flugeldasýningu röltu þær um Dalvík og drukku OPAL úr forskrúfaðri flösku!! Aldrei komust þær inná skemmtistaði sökum lélegrar þvagblöðru og eyddu því mestum tímanum í að rölta stanslaust aftur og aftur að kamrinum hjá N1.
Eftir óhóflega bjórdrykkju, ópaldrykkju og bacardi razz-drykkju komu þær sér heim og undir sæng.
Slappað var af fram undir kaffi daginn eftir og þá lagt í hann. Stoppað var stutt á Akureyri (takk fyrir okkur!) og brunað svo sem leið á aftur til landsins langt langt í burtu. Þegar hálftími var í heimkomu uppgvötaðist að enginn húslykill var með í för! Keyrðu þær sem leið lágu heim á leið og brutu heilann um það hvernig hægt væri að komast inní húsið, þar sem öllum gluggum hafði verið lokað og allar dyr harðlæstar.
Vandamálið var auðleyst þegar heim var komið - lykillinn var í skránni!!!
--
Það voru þreyttar og sælar (og þunnar) ljóskur sem lögðu höfuðið á koddann. Sofnuðu brosandi þó önnur þeirra hafi nú aðeins saknað kærastans sem siglir um höfin blá í augnablikinu!

Þessi færsla er skráð í flokknum

/ Álit

Edda í Birkilundi:

11.08.08 22:45

Kristjana:

13.08.08 17:21

© 2001-2008 Jóhanna Reykjalín