Föstudagur 01. ágúst 2008 / 23:57 / Hljótt...
Það er undarlega hljótt í húsinu. Ég sit í kolniðamyrkri að horfa á mynd inní stofu. Hundurinn fékk í fyrsta sinn að koma uppí sófa og þjónar nú tilgangi armpúða fyrir hægri handlegg. Henni virðist líka hlutverkið vel og hrýtur eins og það sé enginn morgundagurinn. Húsið er tómlegt án Inga og enþá tómlegra án öskranna, grátursins, hlátursins og leiksins í strákunum hans. Snjólaug er að vinna 19-7 þessa helgina svo ég er bara ein með Trixie.
Ég verð samt að viðurkenna að mér finnst þetta gott. Ekki misskilja mig, ég gæfi annað nýrað fyrir að hafa Inga hérna hjá mér. Þögnin er samt svo góð. Núna skil ég hvað pabbi var að tala um þegar ég var unglingur (fyrir örfáum árum síðan). Hann var sífellt að skammast yfir því að ég hafði stanslausan hávaða í kringum mig; sjónvarpið, útvarpið, síminn, syngjandi, blístrandi...you name it. Þögnin er mikils virði og ég skil það núna.
Í kvöld ætla ég að njóta þess að vera ein, njóta þess að vera hamingjusöm og eiga yndislegt líf, frábærann kærasta, æðislega stjúpsyni, yndislega fjölskyldu og bestasta hund í heimi. :)
Þessi færsla er skráð í flokknum Lífið. Þar eru 170 færslur.
/ Álit
Gott að þú hefur það svona gott þarna fyrir austan=)
05.08.08 20:06
Why oh why is it not in English??
06.08.08 07:44