Fimmtudagur 13. mars 2008 / 21:36 / Uppeldisfræði
Uppeldisfræði sem skyldufag í framhaldsskólum
Þegar ég var í framhaldsskóla voru nokkrar stúlkur að verða mæður, og nokkrir piltar að verða feður. Einhverjir áttu nú þegar börn og leiða má líkur til þess að flest allir framhaldsskólanemar muni, einhverntímann á lífsleiðinni, verða foreldrar.
Hinsvegar má segja að skólakerfið geri afskaplega lítið til að styðja við unga foreldra, eða byggja grunn að foreldrum framtíðarinnar. Foreldrarnámskeið eru í boði fyrir verðandi foreldra á vegum heilsugæslustöðvanna, en ekki allir sækja það og má segja að á því námskeiði sem ekki tekið djúpt í árina hvað uppeldisfræðina varðar. Sem nemi í Uppeldis-og menntunarfræði við Háskóla Íslands velti ég oft fyrir mér hversu hagnýtt nám mitt er fyrir mín framtíðarplön, mínar barneignir. Spurning mín er hinsvegar sú,
Afhverju er uppeldisfræðin ekki gerð að skyldufagi í framhaldsskólum?
Ég tók þrjá uppeldisfræðiáfanga í Menntaskólanum á Akureyri, sem voru áhugaverðir og skemmtilegir, en samt sem áður ekki hugsaðir sem fræðsluáfangar fyrir foreldra framtíðarinnar.
Ég tel mjög gagnlegt fyrir samfélagið í heild ef að framhaldsskólanemar fengju lágmarksfræðslu um t.d. uppeldisfræðilegar kenningar. Allt frá kenningum Piaget að kenningu Baumrind um uppeldishætti foreldra. Hægt væri að fara í gegnum þroskaferli barna, viðmiðunaraldur á hinum ýmsu þroskaáföngum, siðgæðisþroski væri tekinn fyrir og svo mætti lengi telja.
Staðreyndin er sú að um 20-22% barna eru í sérkennslu í grunnskólum landsins vegna hinna ýmsu vandamála og þar má nefna hegðunarvandamál. Kennarar hafa fengið spurningar frá foreldrum eins og: “Hva, kenniði börnunum ekki mannasiði hérna í skólanum?!” þar sem augljóslega er spurt af fáfræðslu. Ábyrgðin liggur að sjálfsögðu í höndum foreldra barnanna. Foreldrar eru þeir sem þurfum að leiðbeina börnunum, styðja þau í hvívetna, hvetja þau þegar illa gengur, sýna þeim hlýju og ekki má gleyma því að börn þarfnast ákveðins aga þar sem agaleysi barna og unglinga virðist vera mikið í samfélagsumræðunni. Með breyttum fjölskylduaðstæðum eru foreldrar sífellt verr í stakk búnir að takast á við það krefjandi verkefni sem uppeldi er. Þess vegna tel ég mikilvægt að skólayfirvöld ígrundi vel þátttöku sína í því að skapa vel upplýsta, leiðandi foreldra framtíðarinnar!
Þessi færsla er skráð í flokknum skóli. Þar eru 20 færslur.
/ Álit
Punktur...ég gæti ekki verið meira sammála þér:)
13.03.08 21:50
Helga:
Mjög áhugaverður punktur hjá þér. Gæti verið að skólar séu hins vegar hræddir við að vera ásakaðir um að ýta undir barneignir með slíkri fræðslu nú eða þá að þetta er bara jafnmikið feimnismál og kynfræðslan er og skólar vilja helst forðast þessi mál.
Ég veit að Ástráður, sem er félag læknanema við HÍ, stendur fyrir kynfræðslu í grunnskólum og er það hluti af verkefnum fyrsta árs nema minnir mig að halda slíka fræðslu. Spurning hvort þú setjir ekki bara á fót slíkt verkefni fyrir fyrsta árs nema í uppeldis- og menntunarfræði. Nemendur sem héldu fyrirlestra í grunnskólum fengju kannski einingar fyrir eða væri metið á annan hátt inn í námið. Góð hugmynd ha ;)
13.03.08 22:53
Góð hugmynd hjá þér Helga og aldrei að vita nema maður nýti sér hana í náminu ;)
Annars verð ég nú bara að segja Halló Halló ef að skólarnir ætla að fara að segja að slík umræða ýti undir barneignir! Mér finnst bara ekkert athugavert við það að fjórða árs nemar í framhaldsskólum sitji einn skitinn uppeldisfræðikúrs sem gæti hinsvegar breytt uppeldi barna þeirra til hins betra! En þetta er samt eitthvað sem taka þarf til greina....
13.03.08 23:18
MJÖG Sammála öllu því sem hér hefur komið fram! Þetta er orðið óþolandi að sjá uppeldið á sumum! (hahaha hljóma eins og gömul kerling en staðreyndin er sú að ég er barnlaus) hehe ;)
EN....Það er orðið fáránlegt að sjá hversu mörg börn strjórna foreldrum sínum í bak of fyrir og svo kenna þau bara öðrum um! Eða þá að heyra ungar mæður segja: "iss það er bara gott að vera búin með þetta þá getur maður bara farið að leika sér eftir það" NEI!!! Þannig er þetta ekki! Þú ert skuldbundin barninu 4-ever! OG er ekki betra að "Leika sér" er maður er ungur og engar áhyggjur?!? Jú það tel ég! Nei í staðinn sér maður mæður/feður á djamminu og finnst það bara allt í lagi og vakna drullu og geta ekkert gert í staðinn fyrir að gera eitthvað ubyggilegt með börnum sínum og ala þau VEL UPP!!!
Æji VÁ HVAÐ ÉG ER ÞAKKLÁT AÐ VERA BARNLAUS OG FYRIR ÞÁ STAÐREYND AÐ BÖRNIN MÍN MUNU HLJÓTA GOTT UPPELDI OG MUNU ALDREI ÞURFA AÐ SJÁ MIG ÖÐRUVÍSI EN EDRÚ OG MEÐ BROS Á VÖR! ;)
14.03.08 00:43
Virkilega góðir punktar. Ef eitthvað þá held ég að uppeldisfræði í grunnskóla/framhaldsskóla gæti frekar orðið ágætis getnaðarvörn fyrir unglinga heldur en hvatning því þá myndu þeir vita frekar út í hvað þeir væru að fara og að þetta er aðeins meira mál en að "passa börn".
Ég tók einn áfanga í þroskasálfræði í menntó og hann er mjög gagnlegur núna í praktík ;)
Kannski er það rétt að skólinn eigi að sjá um uppeldishlutverkið og þá eigi það við um að ala upp foreldrana en ekki endilega börnin.
En já Hanna, sumir hlutir breytast ekki nema maður breyti þeim.. ræddu þetta endilega áfram við bekkjarfélagana og jafnvel einhverja verðandi kennara :)
Hlakka til að heyra meira.
14.03.08 13:01
mamma:
Þetta er allt satt og rétt hjá þér, og endilega ræddu þetta í skólanum, Það þarf skvo sannarlega að opna augum á sumum.
(Þú hefur greinilega fengið gott uppeldi :))
Koss og knús mamma
14.03.08 14:03
Jahá! Góður punktur hér á ferð! Mig langar mjög mikið að fara í einhverja uppeldis- og menntunaráfanga en ég ætla á náttúrufræðibraut og þessi áfangi er bara kenndur á félagsfræðibraut :( Styð það að gera það að skylduáfanga :)
14.03.08 15:53
Styð þessa hugmynd. Hún fær væntanlega lítinn hljómgrunn þar sem að það þykir ekki fínt að hugsa um eitthvað sem skiptir raunverulega máli.,
kv
Bitrigaurinn
20.03.08 19:07