Þriðjudagur 11. desember 2007 / 21:20 / "Úr einu í annað-blogg"
Ég varð fyrir nokkurnskonar "uppljómun" um daginn. Ég fór út að skokka með hann Brúnó karlinn, skokkaði frá Hallgrímskirkju - undir Miklurbrautina - meðfram flugvallarveginum, kringum Öskjuhlíðina, í gegnum Hlíðarnar, yfir Klambratún og aftur upp að Hallgrímskirkju þar sem Brúnó á heima rétt hjá. Allann þennan tíma var ég með dökkan hund og sjálf í hvítum íþróttaskóm, svörtum íþróttabuxum, svarti hettupeysu með svart hárband og dökkt hár.
Þegar ég var að keyra heim var ég stopp á ljósum. Hinu megin við götuna sé ég strák úti að skokka. Eða eiginlega má segja að ég sá ekki strák ... heldur buxur á skokki! já hann var í gráum buxum, og þegar eftir hlutinn bar við svartann himininn þá hreinlega hvarf hann inní myrkrið.
Eiginlega má segja að ég sé mjög heppin að það sé ekki búið að keyra á mig. Ég fór því um daginn og fjárfesti í svona blikk-ljósi sem ég hef á upphandleggnum (skárra en ekkert) og festi það síðan um hálsinn á Brúnó þegar ég sleppi honum lausum. Freyja frænka sendi mér síðan í djóki tvö endurskinsmerki sem dingla á mér meðan ég skokka. Mér er bara alveg sama þó það sé "asnalegt" að vera með dinglandi-bangsa-endurskinsmerki utan á sér...
Ég vil vera sýnileg í umferðinni!
-----
Ef einhverjum vantar jólagjafahugmynd handa mér þá langar mig í DVD-diskana með Venna Páer. Þvílíkt meistaraverk! :D
-----
Ég er að koma norður á morgun!
Reyndar engin skemmtiferð, svona þannig séð. Eiginlega meira leiðindaferð. Er að koma með Birkir (sem dyggir lesendur ættu nú orðið að þekkja hehe), Heru hundinum hans og Ólöfu vinkonu. Ekki það að þau séu leiðinleg, nei allsekki, langt því frá, heldur er markmiðið að lesa yfir okkur af bókum og fræðigreinum í Inngangi að uppeldis- og menntunarfræði.
----
Já ég er enþá í prófum
Já ég hef engann tíma til að hringja í einn né neinn
Já ég er búin að snúa sólarhringnum við
Já ég veit ég á að vera löngu farin að sofa
Já já já...
Þessi færsla er skráð í flokknum Lífið. Þar eru 170 færslur.
/ Álit
Nanna:
Hæ gamla! sá þig á röltinu við Skólavörðustíg um daginn með hund í eftirdragi ;) varð bara að segja þér það ;)
15.12.07 23:23