Föstudagur 02. nóvember 2007 / 09:17 / Norðurferð
Ég er mætt norður í snjóinn! Ég ákvað í vikunni að skella mér norður í gær þar sem það er enginn skóli hjá mér í dag (föstudag). Skráði mig í hopp á netinu í skólanum og var mætt á völlinn hálftíma fyrir brottför. Þegar ég er nýbúin að láta vita af komu minni og er að bíða eftir því að kallað verði útí vél, þá heyri ég að athuga eigi með flug vegna veðurs. Ég gerði passlega ráð fyrir því að verið væri að tala um flug til Ísafjarðar eða eitthvert í andsk. en neibb, það var verið að tala um ÖLL flug. Ísing og ókyrrð í loftinu og veðurstofan varaði við stormi. Frábært. Ég tók draslið mitt aftur saman og hringdi í Jóa sem mætti á hvíta hestinum að bjarga mér úr flugvallavandræðum. Við fórum heim, pöntuðum okkur pizzu því ég ætlaði að vera í lasagne hjá Helgu og Jói ætlaði að ... já... örugglega panta sér pizzu ;)
Ég fylgdist reglulega með textavarpinu (nei ég er ekki búin að fá mér sjónvarp, horfði í gegnum tölvuna!) og kl hálf 9 sá ég að brottför yrði kl 9! Ég dreif mig útá völl eins og helmingurinn að borgarbúum að mér virtist. Ég fékk loksins flug kl 10 og var komin norður rétt rúmlega hálf 11 af því að það var svo mikill meðvindur. Gríðarleg ókyrrð á leiðinni og maðurinn við hliðiná mér var svo vænn að gefa mér vænan koníaksopa fyrir ókyrrðina. Hann var að skála með félögum sínum.
Ljúf var samt sem áður lendingin í snjónum fyrir norðan. Ég í leggings og gallapilsi. Sem betur fer í n.k. kuldaskóm! Helga elskan náði í mig á völlinn og ég kíkti í heimsókn til hennar þangað til að Freyja sótti mig. Kjöftuðum við fram á nótt og sofnaði ég svo ljúflega í uppáhalds rúminu mínu - Freyja - Rúmið þitt er BEST! :D
Núna er ég farin að læra
Over&Out
Þessi færsla er skráð í flokknum Lífið. Þar eru 174 færslur.