Fimmtudagur 02. ágúst 2007 / 13:19 / Allt í öllu - Jói að koma - ég að fara í land!
Undanfarna daga er ég búin að vera lasin. Var heima á mánudagskvöldið og Stella vann fyrir mig. Ég sleppti samveru (segi betur frá því á eftir) á þriðjudaginn og var bara heima fram að vinnu um kvöldið. Reyndi að sofa þessa flensudruslu úr mér. Það gekk nú ekkert rosalega vel og ég er enþá með í hálsinum, kvef og hausverk. Beinverkirnir eru sem betur fer farnir. En það þýðir ekkert að vera lasin þegar það er að koma versló! Jej! Versló í fyrra eyddi ég með fjölskyldunni minni í San Luis Obispo. Getið lesið um versló 2006 hérna.
Gaman að rifja upp "gamla" tíma :)
Í dag reif ég mig upp fyrir allar aldir (kl tíu híhí) og brunaði á vespunni flottu í féló og hitti þar 4 eldhressa krakkagríslinga sem ég fór með í fjöruna, týndum steina og fórum síðan í Féló og máluðum þá, hendurnar, andlitin og búkinn :) Já eða svona næstum því.. allavega þurfti að þvo þeim all rækilega eftir átökin við málinguna :P
Ég er semsagt byrjuð með samverustundir fyrir börn á leikskólaaldri hérna í Grímsey (reyndar uppí 7 ára, en það er aukaatriði)
Í dag mættu bara 4 börn þar sem það eru svo margir í landi yfir versló. Venjulega er ég með tvo hópa, einn fyrir hádegi og einn eftir hádegi. Yngri og eldri. Þetta er rosalega gaman og þau hafa virkilega gaman af því að hittast svona og brasa. Tala öll um að fara "í leikskólann" og kölluðu mig meira að segja kennara í dag hehehe. Enginn leikskóli hérna á svæðinu og þess vegna er þetta rosalega spennandi fyrir þau.
Núna kl 14:00 er ég svo á leið í næsta djobb. Sé um sundlaugina hérna meðan Gyða er í landi. Hún er opin frá 14:00-16:00 í dag og síðan fer ég að vinna á Kríunni kl 18:00.
Jebb nóg að gera í Grímseynni.
Það besta við daginn í dag er hinsvegar það að JÓI minn er að koma til mín!! Gaman gaman! Hann ætlar að fylgja mér í land á morgun (eins og sannur herramaður). Ég verð vonandi búin tímalega að vinna og get sýnt honum heimskautsbauginn, vitann og allt hitt skemmtilega hérna í Eyjunni :)
Best að klára hádegismatinn og drífa sig svo í sundlaugina.
Sjáumst vonandi sem flest um helgina!
og þið sem ég hitti ekki - góða skemmtun!
Þessi færsla er skráð í flokknum Lífið. Þar eru 174 færslur.