Miðvikudagur 15. nóvember 2006 / 06:35 / Lífið heldur áfram...
...sinn vanagang hérna í SLO.
Það er allt í góðum gír og engir stormar eða stórhríðir hér á bæ! Bara smá rigning í gær. Þriðja skiptið sem það kemur rigning frá því að við komum til USA. Oh já við erum sko farin að sakna Íslands og ófyrirsjáanlega veðursins sem þar ríkir. Mamma sagði mér að pabbi væri búinn að skutla henni í vinnuna tvo daga í röð núna vegna veðurs. Iss.. þetta er alveg ótrúlegt. Á sama tíma liggur maður í svitabaði í sólinni hérna í Kaliforníu. Stundum er lífið bara hreint út sagt óréttlátt :)
Ingrid (systir Dóru) kom á mánudaginn ásamt 13 ára dóttur sinni, henni Katie. Þær eru báðar alveg frábærar. Þær búa í Maine sem er miklu ofar en New York og eiginlega á landamærunum USA/Canada. Í tilefni af því að þær eru hérna var fjölskyldumálsverður um daginn þar sem eldaðar voru tvær gerðir af súpu og corn-bread sem er alveg ótrúlega gott.
Í dag voru svo pantaðir HUMRAR sem koma í hús á morgun... LIFANDI! Þeim verður svo skellt oní sjóðandi vatn við mikla viðhöfn á morgun. Jább ég verð með myndavélina á lofti! Engar áhyggjur ;)
Hérna er lítið annað gert en að éta.. og svo stíga strákarnir á vigtina og keppast hvor sé búinn að þyngjast meira. Ég hef ekki enþá þorað :S Þetta er alveg svakalegt ástand hérna. Það er í ALVÖRU alltaf forréttur, aðalréttur og eftirréttur! Yfirleitt er forrétturinn smá pizzasneið, hnetur, flögur (bakaðar, ekki djúpsteiktar) eða einhverjir smáréttir í ofni. Aðalréttirnir eru nú heimagerðir hollusturéttir (eða svona...) og svo er eftirmaturinn yfirleitt heimagerður ís og eplakaka, íspinni, heimagerðar súkkulaðibitakökur, ávextir... you name it.
Eins og ég segi.. þetta er alveg svakalegt ástand!
Hinsvegar tekur bara sama gamla góða hollustu lífið við þegar maður kemur til Íslands. Tala nú ekki um þegar maður fer að fara í ræktina á Grensó og skokkar uppá Höfðann sér til dundurs - er það ekki annars Olla? :D Þú verður að að draga mig í göngutúra! :D Svo er ég viss um að Eddu Breddu vantar einhvern félagsskap þegar hún fer út að labba með Ollu Bollu.. og svo má ekki gleyma krökkunum á Krummafæti sem láta mig örugglega hafa fyrir lífinu! ;) Ætli maður skelli sér svo ekki í Spinning með Helgu Kristínu? Hmm aldrei að vita! :D
Jájá.. núna er ég í fríi og ætla ekkert að hugsa um neina hollustu. Það má bíða betri tíma ;)
Þessi færsla er skráð í flokknum Lífið. Þar eru 174 færslur.
/ Álit
Já, lífið er stundum óréttlátt, aumingja þið með sól og hita og heppin við með stórhríð og storm!
Annars mun stytta upp fyrir jól og ég gæti líka hugsað mér að fara með þér í ræktina, maturinn hennar Sillu er sko ekkert slor....
kv, hh
15.11.06 12:30