Sunnudagur 27. ágúst 2006 / 20:42 / hmmm
Ég er ekki frá því að það votti fyrir smá þynnku hjá manni í dag. Við fórum út að borða í gær eftir bílskúrssöluna (sem gekk mjög vel, en ætlum samt að halda aðra og stærri þar næstu helgi) og fengum okkur nokkra koktaila. Tim kom með okkur þar sem hann er nú algjör einstæðingur og við eiginlega fjölskyldan hans þannig að við vorum 6 sem fórum. Kim, Rob, Ég, Steini, Tim og Dylan. Seinna bættist Christy svo við hópinn. Það var alveg GEÐVEIKT gaman og allir í alveg súper góðu skapi. Við fórum í smá Dare-leik þar sem við skiptumst á því að koma upp með misvitlausar hugmyndir. T.d. borðaði Dylan hár sem var í kökunni okkar (bjakk) og fékk fyrir það 5 dollara. Christy borðaði svo tvær sítrónu sneiðar með MIKLU salti og fékk líka 5 dollara. Ég vann Tim í veðmáli um hvaða Zip-code (póstnúer) við værum með og þá fékk ég 5 dollara! Sem ég tapaði svo seinna til Dylans. Frekar flókið allt saman, en var MJÖG skemmtilegt. Við vorum örugglega háværasta borðið á staðnum og fólk mjög fegið þegar við loksins drulluðumst heim.
Eftir að við komum heim þá vorum við Tim enþá í svo miklu stuði að við ákváðum að skella okkur á Snookys sem er bar hérna í nágrenninu. Það verður nú að segjast eins og er að þetta er ekkert flottasti barinn á svæðinu og sem dæmi má nefna þá var barþjóninn í nærfötunum einum klæða! (Stelpa) Hún var samt mjög hress og skemmtileg og ég spjallaði svolítið við hana. Tim bauð mér svo í pool sem ég gerði lítið fyrir og vann!! Get nú samt ekki sagt að ég hafi farið algjörlega eftir reglunum, en hann tók ekkert eftir því ;) Hann kenndi mér líka nokkur "trix" þannig að núna er stefnan tekin á Snookies á hverju kvöldi til að æfa pool-taktana! Þorsteinn missti af miklu, en hann var mjög þreyttur eftir að hafa vaknað kl 6:00 um morguninn til að undirbúa Garage-Sale. Ég vaknaði reyndar líka þá, en lagði mig á gólfinu í Van-inum hérna á bílastæðinu uppúr hádeginu og nældi mér í smá auka orku. Mjög gott að sofa með sólina skínandi á kroppinn og vindinn blásandi í gegnum bílinn. Mhhh..
----
Já og ég átti alveg eftir að blogga meira um Rockstar tónleikana. Við fórum semsagt ekki á upptöku á þættinum, heldur bara tónleika þar sem þau sungu öll 2 lög. MJÖG skemmtilegir tónleikar þó svo að við Þorsteinn værum orðin mjög þreytt á því að standa alltaf í sömu sporunum ;)
Ég ætla núna að fara að vinna í því að setja inn FULLT af myndum - nokkrar frá því í gærkvöldi og svo FULLT af myndum af Rockstar. Magni er nú enþá bestur en WOW hvað Toby er ótrúlega sætur svona í nálægð! :D namminamm.
---
Fólkið hérna er alveg þvílíkt hrifið af öllum íslenska matnum sem við fengum, háma alveg hreint í sig harðfiskinn og finnst lyktin bara góð! :D Osturinn og silungurinn renna líka út eins og heitar lummur þannig að það er best að mamma fari bara að undirbúa næstu sendingu! :D
---
Farin í myndastúss! :D
Þessi færsla er skráð í flokknum Lífið. Þar eru 174 færslur.
/ Álit
flottar myndir! þið voruð greinilega á geðveikt góðum stað!
27.08.06 22:33
Hey geturu ekki bara gerst söluaðili fyrir Darra þarna úti! Farið að fá þetta í gámum ;)
28.08.06 13:51