Þriðjudagur 13. júní 2006 / 17:02 / Ýmislegt
Loksins fann ég mér tíma til að blogga (já eða bara loksins nenni ég því!). Ætla að taka saman smá "pistil" um undanfarna daga sem hafa verið rosalega skemmtilegir eins og allir aðrir dagar í lífinu ;)
Á föstudaginn fór ég í óvissuferð með 4.bekk í MA sem var ekkert smááá skemmtileg. Við áttum víst að mæta með útprentað kort af Skagaströnd! Ég vissi strax að það var bara trix og prentaði ekki út neitt kort. Það runnu nú samt á mig tvær grímur þegar rútan lagði af stað og fór ekki í átt að Leirunni heldur í átt að Skagaströnd!! EEEnnn sem betur fer var það bara grín og við snérum við á Húsasmiðju-planinu. Fyndið!
Næsta djók-stopp var Vaglaskógur. Vorum komin þangað rétt um 4 leytið og vorum nú ekki alveg sátt við það að fara ekki lengra en bara í Vaglaskóg! En eins og áður þá var það bara grín og við héldum sem leið lá að Húsavík þar sem við fórum í sund, stoppuðum svo á einhverju túni á leiðinni í Ásbyrgi og fórum í leiki. Mjög gaman það.
Við komum svo í Ásbyrgi svona uppúr 20 og þá var maður aðeins orðin tipsy enda opnaði ég fyrsta ölinn á Húsavík. Kvöldið leið ótrúlega hratt og var alveg geeeggjað gaman! Ég átti mín móment. Byrjaði á því að sýna "frábæra" takta í fótbolta (ég er búin að átta mig á því að ég mun aldrei getað sparkað sómasamlega í bolta...) svo datt ég svona skemmtilega þegar Jón Ingi tók mig á hestbak. Uppskar beygjað bak og boginn háls, en það var alveg þess virði því þetta var alveg ógeðslega fyndið fall hjá mér. Síðasta en ekki sísta skemmtiatriðið af minni hálfu var svo þegar ég tók sprett, þvert yfir tjaldstæðið, en flaug (í bókstaflegri merkingu) á hausinn þegar löppin á mér flæktist í tjald-bandi. Á meðan ég var að detta (sem tók mig allavega 20sek) þá öskraði ég svona skemmtilega þannig að mér tókst að láta nánast allan 4.bekk horfa á mig detta svona laglega. Jæja. ég bjó allavega til ágætis minningu með þessum föllum mínum, og ekki bara minningu fyrir mig því ég frétti að fólk væri enþá að tala um það hvað ég var misheppnuð þetta kvöld. Af myndunum að dæma sem ég sendi hingað inná síðuna mína, þá skemmti ég mér konunglega! Hinsvegar var laugardagurinn ekki alveg jafn skemmtilegur. EKki gott að vakna þunn, í tjaldi og í svona 20+ stiga hita! Rútuferðin heim var hinsvegar alveg ágæt, svaf, mest alla leið enda svaf maður ekki mikið um nóttina. Sökum þynnku þá tókst mér ómögulega að mæta í útskriftarveisluna hjá Helga Hrafni (hennar Aniku) og er ég eiginlega enþá í smá bömmer yfir því :( Sorry guys! :(
Um kvöldið drullaði ég mér þó í partý til Ingu sem var mjög skemmtilegt. Ennnnn hinsvegar gafst ég upp svona um miðnætti því fólk var orðið frekar drukkið og maginn minn kominn á hvolf við að horfa á fólk skola niður öllu þessu áfengi þannig að ég dreif mig bara heim. Takk samt Inga mín fyrir ótrúlega skemmtilegt partý! :D Gaman að hitta þig og alla hina! Á sunnudeginum fórum við Þorsteinn eldsnemma á Amour að þrífa (síðsta helgin mín!) og var það ágætt. Eftir þrifin fórum við svo í æðislega sjómannadagssiglingu á Huldunni með pabba og vegna þess hversu frábært veðrið var þá var siglingin rúmlega 2 klst löng! Við fórum í hvalaskoðun og sáum hrefnur og svo sáum við líka hnýsu með lítinn sætan kálf. Eftir siglinguna fórum við í afmæli til Sigríðar Eddu og átum á okkur gat - Enda tengdafjölskyldan mín ekki þekkt fyrir annað en frábærar veislur!
Núna er bara undirbúningur á fullu fyrir næstu helgi. Mamma hefur nú alltaf haft græna fingur, en núna er hún barasta eins og HULK (öll orðin græn) því hún er alveg að missa sig í garðinum. Maður uppsker víst eins og maður sáir og ég held að garðurinn hafi aldrei litið betur út. Á morgun er svo síðasti vinnudagurinn minn á Amour og á fimmtudaginn kemur Baddý systir heim úr 3vikna reisu á Ítalíu. Föstudaginn er svo æfing fyrir útskriftina sem verður á laugardaginn. Sunnudaginn er svo veisla hérna heima og á mánudaginn förum við Þorsteinn suður og klukkan 17:00 á þriðjudaginn fljúgum við Þorsteinn út á vit ævintýranna!!!
Mér finnst tíminn vera að hlaupa frá mér, en samt er ég eitthvað svo afspyrnu afslöppuð yfir þessu öllu saman.
Það borgar sig svo sannarlega að hugsa bara: "Þetta reeeeeddast!"
Þessi færsla er skráð í flokknum Flutningar. Þar eru 22 færslur. / Lífið. Þar eru 170 færslur. / Lífstíll og matur. Þar eru 20 færslur. / vinir og vandamenn. Þar eru 32 færslur.
/ Álit
Enda reddast þetta alltaf ;)
13.06.06 18:08
Mamma eins og Hulk... hmm.. :S
Sjáumst allavega á föstudaginn ;)
14.06.06 11:00
hallú hanna mín, innilega til hamingju með daginn í dag, loksins orðin stúdent og alveg að fara til usa,, sé þig á morgun, knús og kossar sandra pe og co
17.06.06 12:57