Mánudagur 03. apríl 2006 / 22:30 / skemmtilegir dagar!
Undanfarnir dagar hafa verið mjög skemmtilegir! Laugardagurinn var frábær. Fór í mat til Helgu og Binna þar sem Anika og Helgi mættu líka á svæðið. Við borðuðum YFIR okkur af pizzu (djö sem það var gott!!! - þangað til eftir á, þá var mér MJÖG illt í maganum!) Svo spiluðum við snilldarspilið UNO þar sem lág við sambandsslitum hér og þar ;) Svo spiluðum við leirspilið sem er líka ótrúlega skemmtilegt! (Helgi, við vorum LANGTUM BEST!) og að lokum tókum við smá Teningaspil. Eftir pizzu, spil og nokkra bjóra skelltum við Þorsteinn okkur á Kaffihúsarölt með Freyju frænku og enduðum á Kaffi Ak dansandi við sömu tónlist og síðustu helgi! Meina, hvað er málið? Afhverju hafa dj þegar maður er bara með EINN PLAYLISTA! Hemmi Gunn og Flottur Jakki stóðu reyndar fyrir sínu,.. annað var mest allt bara crap!
Sunnudagurinn var svo tekinn með trompi þar sem við Þorsteinn brunuðum til Grensó, söfnuðum liði (allir undir 13ára!) og fórum út að renna okkur. Það var ekkert smá æðislegt og þakka ég krökkunum kærlega fyrir!
Núna sé ég fram á að hafa MJÖG mikið að gera. Félagsfræði árshátiðin í skólanum er núna á miðvikudaginn og erum við á fullu við að undirbúa hana. Svo er ég líka að byrja í tveimur nýjum vinnum! Áður en ég veit af verð ég komin í 100 vinnur... En hvað gerir maður ekki fyrir peningana!
Ég og Freyja frænka fórum í smá mæðgna-ferð með mæðrum okkar á Jesus Christ Superstar. Sindri fyrrv. bekkjarbróðir sló alveg hreint stórkostlega í gegn, sem og Eyþór frændi Þ.Inga líka. Rosalega flott leikrit. Verst samt að það endaði með pyntingum og dauða.. en jæja. Við sem þekkjum sögu Jesús huggum okkur við það að hann reis víst aftur upp frá dauðum.
Best að fara að hjúkra kærastanum. Hann hóstar eins og M.F. inní herbergi og bíður eftir því að ég komi og vorkenni honum ;) Vona bara að hann sé ekki að fá Inflúensuna skæðu sem allir virðast vera að fá þessa dagana! :(
Nóg í bili
Þessi færsla er skráð í flokknum Lífið. Þar eru 174 færslur.
/ Álit
já hann Sindri frændi er bara stjarna :) algjört æði
04.04.06 12:00