Þriðjudagur 25. apríl 2006 / 21:51 / Þórður
apríl 26, 2004
lífið
"Skrítið hvað lífið getur verið ósanngjarnt. Ungt fólk hrifsað af manni í blóma lífsins og eftir sitja ættingjar og vinir með stórt, blæðandi hjarta. En svona er lífið og við fáum víst litlu breytt.
Kærar kveðjur til allra sem eiga um sárt að binda núna."
Tíminn er svo ótrúlega fljótur að líða, að ég áttaði mig ekki á því fyrr en ég las bloggið hjá Ingu Rut, að það eru tvö ár liðin frá því að Þórður kvaddi þennan heim. Úff ég fæ alveg sting í magann þegar ég hugsa um það þegar Inga hringdi í mig og sagði mér hvað hefði gerst. Ég ætlaði ekki að trúa henni.. en neyddist víst til þess þar sem Inga grét svo mikið,.. og svo grétum við saman. Þórður var góður og fallegur drengur. Hann var hvers manns hugljúfi og ég man ekki eftir honum öðruvísi en brosandi.. eða með körfubolta í hendinni.. eða labbandi um með besta vini sínum sem var, án gríns, 40cm minni en Þórður. Þórður gerði það líka sér til gamans að labba mjög nálægt mér og horfa niður á mig því honum fannst svo fyndið hvað ég var miklu minni en hann (rétt um 1.55 og hann var þá 1.98!) og ég var alltaf fljót að forða mér lengra frá honum... og þá hló hann sínum yndislega hlátri.
Já þær eru margar minningarnar sem rifjast upp þegar maður byrjar að hugsa til baka. Núna hinsvegar ætla ég að kveikja á kertum inní stofu, setja rólega tónlist á fóninn og hugsa til Þórðar, Tótu, Willard, Birnu, Össur og alla aðra sem sakna hans svo mikið...
Ég ætla að enda þetta á smá spakmæli sem við Inga settum í minningargreinina um Þórð.. spakmæli sem er svo satt...
"Ég held að í vináttu felist skyndileg hughrif - einhverskonar ást. Þar nægir eitt orð af hendingu, hönd sem er snert. Þó er sárt að skilja, og broddur saknaðar fylgir okkur alla tíð." (H.M.E)
Þessi færsla er skráð í flokknum Lífið. Þar eru 174 færslur.
/ Álit
hrollur ...!
25.04.06 22:40