Mánudagur 29. júní 2009 / 23:52 / Allt að gerast í Lyngdalnum!
Eins og ég hef áður sagt þá er aldrei lognmolla hérna í Lyngdalnum. Róma Líf er komin með nýtt heimili, Hendrix og Gaylord tjúabræður voru í pössun hjá mér í viku og núna er Scout Golden Retriever í vikupössun. Nóg að gera. Ofan á þetta nældi ég mér í ógeðis veiki (í bíoinu með Jóa mínum á miðvikudaginn!!) og er búin að liggja flöt síðan. Reyndar með smá undantekningum þegar ég hef andvarpað djúpt, ákveðið að vera ekki lengur lasin og farið út með hundana. Það fékk ég hinsvegar aftur í hausinn í dag þegar ég vaknaði með dúúúndrandi hausverk og ógleði. Fór á læknavaktina í dag og eyddi 8600kr í læknisheimsókn og lyf. Já það er ekkert spaug að vera veikur!
---
Það er svo langt síðan ég hef bloggað að ég nenni varla að fara yfir allt sem hefur gerst. Síðasti tíminn í sumarskólanum var í dag - missti af honum út af veikindunum en svona er bara lífið. Núna tekur bara við ritgerðarsmíð um aðlögun stjúpbarna í stjúpfjölskyldum og afdrif stjúpfjölskyldna. Spennandi verkefni framundan :)
---
Þegar Ingi var í landi síðast skruppum við í "smá" ferðalag um Suðurlandið. Ákvörðunarstaður var Bragðavellir en við ákváðum að keyra eins lítið á Þjóðvegi 1 og við gætum. Ingi vildi líka skoða allar virkjanirnar á Suðurlandinu svo að við keyrðum Þjórsárdalinn þveran og endilangan. Við tjölduðum svo á litlu rólegu tjaldstæði í Þjórsárdalnum og hundarnir sváfu í fyrsta skipti með okkur í tjaldi. Róma plummaði sig vel, þó að Ingi hefði verið MJÖG ósáttur að finna hundapiss í peysunni sinni daginn eftir hehehe. En þvottavélarnar redda ýmsu.
Ég setti inn myndir frá ferðalaginu hingað ef einhver vill skoða. Inga skyldi ég svo eftir á Eskifirði mánudaginn eftir sjómannadag og hélt sem leið lá heim á Hauganes. Skemmtilegt það, en alveg sama hvert ég er að fara - þá virðist ég alltaf vera á leiðinni "heim".... "Heim á Bragðavelli", "Heim á Hauganes", "Heim í Vogana" :)
--
Jæja best að fara að sofa og reyna að ná úr sér þessari pest. Leiðinlegt að vera lasinn þegar hitinn fer varla niður fyrir 15°. Búin að fara smá á línuskauta og ég veit ekki hvor skemmtir sér betur, ég eða hundarnir!
---
Róma er komin með eigin albúm hérna þar sem þið getið skoðað myndir af henni.
0Fimmtudagur 25. júní 2009 / 15:50 / Tíminn flýgur og hvolpaskottið stækkar
Þá er komið að því að finna heimili fyrir Rómu Líf. Hún er 9 vikna óættbókafærð Am.Cocker Spaniel tík og er tilbúin til afhendingar á 11-12 viku. Heilsufarsskoðuð, ormahreinsuð og bólusett.
Henni fylgir:
Matarpokinn
Nagbein
Hálsól&taumur
Trygging í 1 ár
Gjafabréf í snyrtingu á Voffaborg
Gjafabréf fyrir 3 daga á Leikskólanum Voffaborg (eftir 6mánaða aldur)
Stútfull hvolpamappa með upplýsingum fyrir nýja eigendur um margt sem viðkemur Cockernum og hundahaldi almennt.
Tíkin fer á 100.000kr. Ef þú hefur áhuga vertu þá endilega í bandi við mig í gegnum facebook eða missreykjalin@gmail.com - svo veistu líka ábyggilega símanúmerið hjá mér ;)
