Hvað kemur okkur við?
Og nú að mergjuðu máli. Lögbann á umfjöllun í ríkismiðlinum, um mál sem er á allra vörum og í dreifingu til allra sem það vilja skoða. Haha! mér er dettur helst í hug að Sýslumaður vilji skerpa á umfjöllun um þetta mál því töfrasproti laganna virkar ekki í þetta sinn. (Ég er sko nýbúin að sjá nýjustu Harry Potter myndina þar sem slegist er við myrkraöflin og það er alveg merkilegt hvað hann er nálægt raunveruleikanum.)
Og hvað er það sem má ekki segja frá? Í stuttu máli er það lánabók Kaupþings sem birtist á wikileaks.org þar sem sagt er frá lánveitingum á síðustu dögum bankans áður en hann var tekinn yfir. Þar er sagt að að 10 stærstu skuldarar bankans eru allir tengdir bankanum sjálfum beint, eða í gegnum viðskiptafélaga, og þeir skuldi hvorki meira né minna en þrefalda þjóðarframleiðslu Íslands, 1500 milljarða. 1.500.000.000.000.
Í frétt Kristins Hrafnssonar í gær (ég sé yfirleitt aldrei fréttir nú til dags vegna anna í fjölskyldulífinu, en kíki stundum á netið seinnipart kvölds) er sagt frá því að lán Kaupþings til 11 fyrirtækja í Existu-hópnum, að Skiptum meðtöldum, séu upp á rúmlega 300 milljarða króna að núvirði. Bara þau lán eru tæpur helmingur af Icesave-skuldinni.
Auk þess kemur fram að Kaupþing lánaði félaginu 1998ehf, sem er í eigu Jóns Ásgeirs, til að kaupa rúmlega 95% hlut Baugs í Högum, þar sem auðséð var að Baugur væri að falla og þá myndi Jón Ásgeir missa mjólkurkúnna sína (Bónus). Lánið er kúlulán (bullet loan -sem þýðir engir vextir og aðeins ein greiðsla á gjalddaga -ef þú borgar það ekki geturðu alveg eins sett kúlu í hausinn á þér). Auk þess voru milljarðalán veitt til kaupa á einkaþotu og húsnæði í London.
Og hvað um lánið frá Seðlabankanum sem átti að bjarga Kaupþingi þegar Glitir og Landsbankinn voru fallnir?
Ef það hefur ekki verið augljóst allan tíman þá er það augljóst núna að það þurfti enga heimskreppu eða samdrátt í heiminum til að bankarnir kolféllu algjörlega og íslenskt samfélag með. Þeir sáu algjörlega um það, bankamennirnir, embættismennirnir og stjórnmálamennirnir sjálfir.
Og þetta vilja þeir ekki að við vitum, allt þetta siðlausa gambl sem við og börnin okkar komum til með að borga fyrir með einum eða öðrum hætti. Með niðurskurði, skattahækkunum og enn meiri niðurskurði. Þeir eru hræddir því þeir eru á leiðinni í grjótið.
Réttilega.
Fátækir, svangir, úthræktir og kaldir.
Er ekki hægt að gera samninga við brasilísk fangelsi um að þeir hýsi þetta lið.
Hvað er númerið hjá Interpol?
Flokkað sem netið. Þar eru 107 færslur. / samfélag. Þar eru 66 færslur.
/ Álit
Aha, fangaskipti. Ragnar Erling heim og þessa út í staðinn!
já, veistu, ég held að það séu bara nokkuð góð skipti.
