Hlustið á Andra!
Er að hlusta á síðdegisútvarpið á Rás 2 síðan í gær, þar sem verið er að tala við Andra Snæ Magnason (ca 1/3 inn í þáttinn). Hann er að tala um að stóriðja mun ekki bjarga okkur frá kreppunni sem allir sjá framundan heldur hvað það er galið að eyða allri orku suðvesturhornsins til að þjóna stóriðjunni, og í raun ekki nýta auðlindina sem sjálfbæra heldur ganga á hana og frá henni.
Auk þess talar hann um hvað það er virkilega óþingeyskt, engin reisn yfir því, að fórna svæðum eins og Gljástykki til þess að búa til örfá verksmiðjustörf. Ef það er reiknað út hvað verður í raun og veru eftir í þjóðarbúinu frá þessum verksmiðjum, gróðinn er aldrei okkar, verður það svolítið skuggalegt.. þeir borga lánin sem orkufyrirtækin tóku til að byggja fyrir þá virkjanir, og veita kannski 2000 manns vinnu (öll álver yfir allt landið) en annars höfum við enga stjórn á þessu.
Eins hefur verið áhugavert að lesa kommentin við þessa færslu, mikið af góðum upplýsingum sem er þarft að velta fyrir sér.
En allavega, hlustið á Andra, það er þægilegt þegar maður situr hvort sem er við tölvuna og er að vinna. Mjög afkastagefandi líka þar sem púlsinn fer alveg á fullt, í mér amk.
Flokkað sem samfélag. Þar eru 49 færslur.
/ Álit
Guðrún Björk:
Takk fyrir ábendinguna, ætla að hlusta á Andra Snæ, það er alltaf svo andlega nærandi og skemmtilegar pælingar hjá drengnum.
RSS veita