„Um áramót barst ríkisstjórn Íslands að koma að risatónleikum Live Earth sem yrðu haldnir samtímis í Reykjavík, London, New York, Tokyo, Rio, Jóhannesarborg og Sidney. Tilboðið kemur ekki síst vegna Bjarkar, Sigurrósar og ekki síst vegna þess að Reykjavík er hituð með jarðvarma. Hingað eiga að koma erlendar ofurstjörnur. Reykjavík sem fyrirmynd annarra borga getur skapað hundruð starfa í orkuiðnaði. Fimm mánuðum síðar hefur skýrt svar ekki borist frá stjórnvöldum. Þá má spyrja: Hvaða leiðtogi stekkur ekki á svona tækifæri? Hvar vilja Sjálfstæðismenn staðsetja okkur í heiminum? Hjá Bechtel eða Björk? Fimm mánuðir hafa liðið og ekkert svar hefur borist. Kostnaður var eins og einn Cayenne jeppi og tíminn er að renna út. Við erum þjóð án leiðtoga og sögulegt tækifæri að glatast fyrir umhverfissinna og orkufyrirtæki.
Óbreytt stóriðjustefna mun gera okkur jafn raddlaus í umhverfismálum eins og Íraksstríðið í friðarmálum.“

„Kjarni atvinnustefnu ríkisstjórnarinnar hefur verið: „Stóriðja eða ekkert“. En hvað er þetta sem ríkisstjórnin telur vera „ekkert“. Jú, „ekkert“ er sjávarútvegur, landbúnaður, innlendur iðnaður, ferðaþjónusta, hátækni- og þekkingariðnaður og svo margt fleira þar sem tækifæri til nýsköpunar, atvinnu og stóraukinnar verðmætasköpunar blasa við ef þessum atvinnugreinum væri skapað eðlilegt og rétt rekstrarumhverfi.