Summertime
Sumarið er eiginlega að bresta á hérna í Danmörku enda kom sumartíminn í gær, heiðskýrt og sól en hitamistur og örlítið svöl golan. Þvotturinn þornar um leið á snúrunum og dásamlegt að hafa opið út til að viðra svolítið. Það besta við þennan tíma er að geitungarnir eru ekki vaknaðir ennþá, ég held nefnilega að þeir verði hrikaleg plága í sumar þar sem veturinn var frekar mildur við þá blessaða. Þá er hreinlega málið að dreifa heimatilbúnu geitungagildrunum sem víðast... þessum þar sem maður sker í sundur plastflösku og snýr opinu á hvolf ofaní flöskuna og setur eitthvað sykurgums í botninn sem þeir elska.
Við Danni fórum út í búð snemma á laugardagsmorgun (stórmarkaðurinn opnar kl 8 á laugardagsmorgnum fyrir morgunhana eins og okkur) og þar var þvílíkt úrval af afskornum blómum, á 15kr vöndurinn (180isk). Ég gjörsamlega elska að fylla húsið af svona blómum og ekki verra að geta blandað saman eftir eigin óskum, jafnvel þó þau endist ekki nema í nokkra daga.
Núna ætla ég að renna eftir stráknum, það er húsregla hér að þegar veðrið er nógu gott til að Danni geti setið í stólnum sínum á hjólinu á heimleiðinni, þá er enginn afsökun fyrir því að nota ekki hjólið þegar við sækjum hann til dagmömmunnar. Bensínverðið er reyndar búið að rokka þvílíkt mikið síðustu daga eins og alltaf, um heilar 17isk bara í dag.
Flokkað sem danmörk. Þar eru 73 færslur.
/ Álit
mundi:
í dag var sól, hiti, rigning, snjókoma, logn og gola hér í Rvk. Var bara sól hjá þér???.... :)
he he he
RSS veita