Höfðingleg gjöf Sparisjóðsins
Ég held að Sparisjóður Svarfdæla hafi skorað mörg prik hjá landsmönnum í dag, fyrir hönd allra Sparisjóða á landinu, með því að kynna áform um byggingu Menningarhúss á Dalvík á sinn kostnað. Um þessar mundir eru Sparisjóðirnir með mikla auglýsingaherferð þar sem spilað er inn á ádeilu á aðrar bankastofnanir og svona gjörningur er vítamínsprauta inn í þá umræðu.
Húsið held ég að myndi líka sóma sér vel á góðum stað og efla bæði menningarlífið og ferðaþjónustuna.
Þarf varla að taka það fram að Sparisjóður Svarfdæla er okkar viðskiptabanki og bæði mamma mín og tengdamamma vinna þar.
Prik :)
Hönnunarhræðsla
Getur verið að það sé ákveðin hönnunarhræðsla á Íslandi?
Ég segi þetta af því ég var að hlusta á kvöldfréttirnar á ruv.is um helgina, þar sem var verið að sýna frá ræðu Steingríms J á landsþingi VG. Þar var hann að tala um hvað flokkurinn væri að vaxa og það væri út af því hvað málefnin væru sterk og þar frameftir.. og þá sagði hann; "... við þurfum enga hönnun" og var líklega að vísa í það að það er engin auglýsingastofa í vinnu við það að útbúa "feik glansmynd", en orðalagið stuðaði mig samt.
Það fyrsta sem kom í huga mér var setning sem oft hefur verið kveðin : "You cannot not communicate" því allt sem þú gerir mun búa til ákveðna mynd í huga fólks hvort sem þér líkar betur eða verr, og er þá betra að nota happa/glappa aðferðina heldur en að byggja á þeirri þekkingu sem er til hjá fagfólki?
Verslunin Bónus er með svipaða stefnu, því allt sem kemur frá þeim hefur hrásoðið útlit og ódýran blæ, sem er hluti af þeirra strategíu, en þeir eru ekki að borga neitt minna fyrir það heldur en ef þetta væri sæmilega smekklegt. Allt spurning um ákvörðun og stefnu.
Annað atriði sem leiddi til þessarar hönnunarhræðslupælingar var frétt á mbl.is um verkefni í Listaháskólanum sem nefnist Borðið: Stefnumót hönnuða við bændasamfélagið. Frábært verkefni þar sem nýsköpun og frumkvöðlahugsun fær að blómstra. Hins vegar eru það bloggin sem hafa verið skrifuð um þessa frétt sem mér finnst ekki uppörvandi, (reyndar mikið til skot bændasamtökin vegna klámráðstefnufréttarinnar sem er búin að trylla landann uppá síðkastið og nóg búið að ræða) að virðing fyrir bændastéttinni sé ekki í hávegum höfð.
Kannski er þetta út af því að hönnun er ennþá ný af nálinni á landinu og þjóðarsálin þekkir hana ekki, og setur þar með í sama flokk og listræna gjörninga eða Völu Matt?
Þá er bara vonandi að hönnunarvettvangur geti orðinn sterkt afl sem fræðir landann um hversu mikils virði hönnun getur orðið hér á landi. Ein forsenda fyrir því að nýsköpun og frumkvöðlastarfsemi geti átt sér stað er sú að samfélagið sé laust við fordóma. Svona nokkurn vegin allavega.
Þetta gefur mér reyndar hugmynd um annað blogg um hugmyndaauðgi vs frumkvöðlastarfsemi (Creativity vs Innovation) en það verður að bíða betri tíma.
markaðsfræði 101 - how do you like iceland?
Það hefur mikið verið rætt um ímynd Íslands síðustu daga, sérstaklega eftir að Simon Anholt talaði á Viðskiptaþingi um daginn, og sagði að ímynd landsins væri ekki nægjanlega sterk.
Ég veit ekki hvort eitthvað er í gangi í framhaldi af þessari ráðstefnu en ég bíð spennt eftir viðbrögðum, áætlun eða einhverju slíku á því hvernig hægt sé að styrkja ímyndina eða hvort það á ekki að gera neitt. Það er ákvörðun í sjálfu sér.
Eins og sönnum Íslendingi er tamt, þá nota ég hvert tækifæri til að finna út hvað öðrum finnst um land og þjóð, ég ræði við félaga mína hérna í alþjóðlegu deildinni í skólanum og reyni að finna einhvern takt eða mynstur, tilfinningu fyrir því hvað er Ísland, jafnvel þó viðmælendur mínir hafi aldrei komið hingað. Sjálf hef ég líka ákveðna tilfinningu fyrir landinu eftir að hafa búið þar og ferðast um það þvert og endilangt, og með því að búa hérna úti þá fær maður að horfa á landið úr fjarlægð og við það opnast ákveðnar gáttir.
Hef heyrt það áður og tek undir að það er hverjum Íslendingi nauðsynlegt að búa í útlöndum í svona eins og eitt ár eða svo.
markaðsfræði 101 - ímynd
Í markaðsfræði höfum við svolítið verið að fjalla um ímynd. Ég hef mikinn áhuga á þessu viðfangsefni aðallega eftir að ég var að vinna hjá mixa (nú pipar) þar sem við unnum mikið með fyrirtækjaímynd (Corporate Identity) en ímynd er hægt að heimfæra á alla hluti, bæði einstaklinga, samtök, vörur sem og heilu löndin.
Í markaðsfræðitímanum hef ég alltaf verið með Ísland sem útgangspunkt í hausnum á mér, líklega af því þetta er svo mikið í umræðunni þessa dagana heima (allavega eftir því sem ég tek eftir); Vörumerkið Ísland, Framtíðarlandið (sem fjallar um hvernig viljum við vera og hvað getum við gert til að láta það verða að veruleika), Viðskiptaþing 2007 og svo mætti áfram telja.
Mig langar aðeins til að rifja upp þessi grundvallarhugtök sem við vorum að skoða í markaðsfræðitíma fyrir nokkru og hvað er betra en bloggið sitt þegar maður er að rifja upp glósurnar sínar og fá kannski einhvern til að leiðrétta sig ef maður fer með fleypur.
Ísland er líka ágætis útgangspunktur.
Flokkað sem hönnun / samfélag / skólinn /
0
umhugsunarvert
Gunnar Hersveinn á mjög góða grein í nýja tölublaði Framtíðarlandsins
Lýðræði felst ekki í meiri þjónustu heldur í virkri þátttöku borgarana. Fólk er of góðu vant í þjónustusamfélaginu – það sem þarf að taka við er samfélag sem ævinlega virkir borgarana. Fjölbreytt samfélag snýst um að byggja upp marga máttarstólpa sem reistir eru af hugsjón um fjölmenningu. Reynslan sýnir að þar sem ólík menning blandast í góðum vilja, þar gerist eitthvað nýtt og óvænt.
tómatsúpa með beikoni
Hún er ömurleg, pestin sem er búin að hrjá mig síðustu dag og ekkert lát er á. Þegar þannig er statt er ekkert betra í kvöldmatinn en góð, kraftmikil og heit súpa. Með nokkrar uppskriftir við hlið mér og afganga úr ísskápnum varð þessi til:
súrmeti
Windows 386.. gvuð minn góður!
Pétur Ben
Ég er að hugsa um að skella mér á tónleika með Pétri Ben með nokkrum nágrönnum mínum í kvöld. Það er ekki of oft sem íslenskir listamenn spila hérna í Árósum og hvað þá að maður hafi tækifæri til að fara.
sambúðarafmæli
Það er ýmislegt sem getur gerst á einum áratug. 10 árum. Það er langur tími en er samt svo fljótur að líða. Í dag eru nefnilega 10 ár síðan við byrjuðum saman og mér finnst eins og það hafi gerst í gær.
Árið 1997:
- Clinton hóf seinna kjörtímabil sitt sem forseti Bandaríkjanna og Tony Blair tók við embætti í Bretlandi.
- OK Computer með Radiohead kom út
- Fyrsta Harry Potter bókin kom út
- Hönnuðurinn Gianni Versace er skotinn til bana
- Microsoft keypti $150 milljón hluti í Apple
- Southpark hefur göngu sína í bandarísku sjónvarpi
- Díana prinsessa lést í bílslysi
- Móðir Teresa lést
- Google lénið var skráð
- Orðið "weblog" verður til
- Yfirvöld í Hong Kong slátruðu öllum kjúklingum á svæðinu (1.25 milljón) til að hefta útbreiðu inflúensu sem hafði komið upp.
- Toyota Prius var fyrst sýndur opinberlega, fyrsti smábíllinn knúinn vetni, sem yrði framleiddur árið 2000.
Af því við erum svo ung í anda þá ætlum við ekki að fara út að borða eða í leikhús, eða elda steik með dýru rauðvíni, heldur ætlum við bara að panta pizzu :)
"loksins loksins"
nýr bloggari.. kíkið á hann.
á kosningavetri
Miðað við fréttirnar að heiman þá fer varla milli mála að það eru kosningar eftir nokkra mánuði. Ég var að velta því fyrir mér hvernig við högum okkur við þessar kosningar því við þurfum jú að kjósa utankjörfundar þar sem við höfum lögheimili erlendis og var ekki viss hvaða kjördæmi við tilheyrum. Ég komst semsagt að því að við tilheyrum enn því kjördæmi sem við fluttum úr, eða Reykjavík-suður. Ég býst nú fastlega við því að það verði settir upp kjörstaðir hérna í Árósum, þar sem það er þvílíkur fjöldi af Íslendingum hér í námi.
Hvað maður á að kjósa er svo annað mál.
Á morgun verður fundur hjá Framtíðarlandinu og þá verður kosning meðal félagsmanna hvort það eigi að fara í framboð. Ég veit að það er gremja og óþolinmæði í mönnum, en hvort það sé rétt að bæta við enn einum flokknum veit ég ekki. Fulltrúar hans gætu reyndar gengt stóru hlutverki í framboðsumræðunni þar sem þeir vekja athygli á þeim málstað sem félagið/framboðið stendur fyrir - sem er nb ekki eingöngu náttúruvernd heldur, og ekki síður, breytt atvinnustefna á landinu.
Fólk virðist almennt vera blint á tækifærin sem landið hefur og trúir á töfralausnir. Ef ekki álver, þá hvað? Og þetta Hvað á að vera ein stór lausn, einn pakki. Herbalife frekar en að hreyfa sig.
Það var mikið talað um þetta áður en virkjunin fyrir austan var til en ekkert kom. Auðvitað.
Pæling; hvernig væri atvinnulífið á austurlandi ef þeir peningar sem fóru í steypu á hálendinu hefðu farið í nýsköpun í atvinnulífinu, frumkvöðlamenntun og hugmyndasköpun, lægri gjöldum, niðurgreiðslu á flutningskostnaði, aðgengi að markaðsráðgjöf osfr. Vissulega meiri fyrirhöfn sem þarf að hafa en nær örugglega hægt að fá fjölbreytilegra og skemmtilegra samfélag út úr því.
En það sem fólki vantar yfirleitt eru hugmyndir (vantar ekki einusinni atvinnu!). Og út af þessu úrræðaleysi eru landsmenn komnir með svimandi verðbólgu með síhækkandi greiðslum af íbúðarlánum og neyslulánum (sem reyndar eiga ekki að vera til!).
Aðrir selja bara og stinga af til útlanda.
að verða steikt í hausnum
Netsnúran sem lá yfir stofugólfið að skrifborðinu mínu er farin. Til allrar lukku því það var bara tímaspursmál hvenær einhver hrasaði um gula ferlíkið og kippti tölvunni niður í leiðinni. Núna fara samskipti mín við umheiminn fram í gegnum andrúmsloftið, spurning ef hausinn á mér er mitt á milli tölvunnar og þráðlausa routersins, hvort að ég nái ekki að fylgjast með þræðinum í lost á meðan ég næ í hann.. hann er einmitt sýndur á aftur á morgun. Pæling.
Annars jukum við tenginguna um daginn upp í 4mb/sek og það er nokkuð hressandi. Það hefur hins vegar ekki mikil áhrif á höktið á fréttatímunum því flöskuhálsinn virðist vera á hinum endanum.
mánudagur
Það er nú bara almenn leti hér á þessum mánudegi. Feðgarnir fóru reyndar hjólandi út á dýraróló (það er rólóvöllur hér í hverfinu sem er með hestum, geitum, kanínum og allskonar fuglum, við köllum hann bara dýraróló) og ég sit hérna og hlusta á hin ýmsu tónlistarblogg með nýja Peel lesaranum/spilaranum sem er alíslensk framleiðsla fyrir Mac OS X og á eflaust eftir að slá í gegn.
Þeir mega vita hvað okkur finnst
Þeir mega vita hvað okkur finnst: haestirettur@haestirettur.is
hönnunarvettvangur
Hönnunarvettvangur er kominn með stórgóða og verðmæta síða sem einblínir aðallega á viðskiptalegu hlið hönnunar. Ég held og vona að með þessu muni vegur og vitneskja um hönnun, og þá sérstaklega um grafíska hönnuna og "branding", aukast.
high export potential
Í markaðsfræðitíma í gær vorum við að fjalla um Experience Economy og í því sambandi fjölluðum við um danska markaðinn og einn helsti kostur hans væri high export potential. Ég staldraði aðeins við í hausnum á mér og fór að sjá fyrir mér allan fiskinn og álið, gullið og olíuna en nei. Þarna er verið að tala um að helstu tækifærin felist í hönnun, hugviti, tísku, arkitektúr, menntun og "user driven innovation". Ekkert ál. Ekkert stál.
Þó að Danirnir hafi unnið okkur um daginn þá getum við nú samt horft aðeins til þeirra, er það ekki?
