Morgundagurinn
Það fer allt að verða tilbúið fyrir reisuna miklu. Litli guttinn kominn með vegabréf - ég fékk samt næstum því hjartaáfall í gærkvöldi þegar ég fattaði að hann þyrfti auðvitað vegabréf, var nefnilega búin að bíta í mig það fáránlega að halda að fyrst þetta var bara Köben þá þyrftum við ekki passa. En það er betra að hafa vaðið fyrir neðan sig og þetta var græjað á snilldarlegan hátt hjá Útlendingastofnun á einni klukkustund í morgun. Snillingar!
Morgundagurinn er planaður aþnnig að við vöknum kl 04:00, leggjum af stað um kl 4:45, fljúgum kl 7:30, verðum komin á Kastrup fyrir hádegimat, og tökum svo lest þaðan til Árósa eitthvað um 13. Lestin tekur um 3 tíma svo lending á Rodlundsvej í Árósum hjá Sigfúsi, Hildi og Ara verður ca kl 17 - að dönskum tíma
Óneitanlega kominn smá ferðafiðringur í magann.
9djamm djamm djamm
í gærkvöldi var það ímark hátíðin - langt síðan ég hef djammað svona rosalega (myndi segja nokkur ár.. ef síðasta helgi er ekki talin með.), í kvöld var það túskildingsóperan í þjóðleikhúsinu. Mikið stuð það en ég hefði örugglega notið þess betur ef hausverkurinn væri ekki til staðar. Sviðsmyndin var algjör unun.
Morgundagurinn er svo opinber þvottadagur, þarf að vinna eitthvað á þennan safnhaug sem virðist alltaf stækka, ef við eigum ekki að taka með okkur tómar ferðatöskur til Danmerkur á miðvikudaginn.
Já einmitt, gleymdi að minnast á það að við keyptum okkur far til Danaveldis í síðustu viku, svolítið spontant og kreisí.
til hamingju ísland
það var aldrei spurning, Silla pæja rústaði þessu dæmi.
hér var reyndar ekkert júrópartý, sonurinn í essinu sínu í kvöld og neitaði að fara að sofa þannig að ég missti næstum því af úrslitunum. Þegar ég lofaði honum að við færum í sund í fyrramálið og hann þyrfti þá að fara strax að sofa til að safna orku þá hlýddi hann alveg um leið.
Samningaviðræður eða mútur... tjah..
heilsan í dag er samt búin að vera nokkuð góð miðað við að ég fór á djammið í gærkvöldi með kellunum í mömmó og skemmti mér konunglega... það er langt síðan ég hef sofnað svona seint en þegar ég kom heim var feiknalegt nba ps2 geim í gangi í stofunni og þegar ég sofnaði var leikurinn enn fullum gangi.
Það verður því sofnað tiltölulega snemma í kvöld, bara svona til að ná rauðunni úr augunum.
hlæjandi fjórburar
Það fyndasta sem ég hef séð lengi!
kuldaboli
Ég var mjög dugleg í síðustu viku, labbaði heim úr vinnunni (sem er reyndar ekki langt, þrjú lög í ipodnum) næstum alla dagana og við tók nærri eiginlega nýtt líf heima, maður verður svo hress á þessu. Bónus er náttúrulega að rassinn á manni fær eðlilega mynd aftur eftir að vera útflattur allan daginn.
Ég held samt að ég labbi ekki heim í dag, þrátt fyrir að vera ágætlega klædd og í eðal gönguskóm, þá er bara OF kalt. Ég er ekki kuldaskræfa og þoli ýmislegt, en kuldi + vindur er ekki alveg að gera sig.
En helgin er að nálgast. Sem er gott.
Best before..
Það er alveg augljóst af hroðalegu auglýsingunum dæma að gaurarnir hjá Húsavíkurjógúrt eru engar mannvitsbrekkur. En ég brosti samt út í annað þegar ég sá þetta í morgun.
frá frá fúsa liggur á....
Alveg er það merkilegt hvernig sumir geta leyft sér að haga sér í umferðinni í þessari borg. Í gærdag lentum við í því að vera að keyra á vinstri akrein austur í bæ af hringbrautinni og þá kemur einn á fullu spani á eftir okkur og blikkar háu ljósunum á okkur eins og einhver fáviti, eins og við værum gamlingjar á sunnudagsrúnti. Við vorum, nota bene, hraðari en hægri akreinin og þar að auki á eftir öðrum bílum, en nei takk.. við áttum bara að drulla okkur í burtu af því blikkarinn var að koma. Því miður gerðum við honum það til geðs að fara á hægri akreinina en bara af því við vorum að fara að beyja, ég ætla rétt að vona að ljósin hafi verið eitthvað biluð í þessari bíldruslu, annars er hann bara að kalla á aftanákeyrslu fyrr eða síðar.
Djö.. getur maður pirrað sig á svona fávitum.
langur laugardagur
MMmmm.. laugardagur.. tvímælalaust uppáhalds dagurinn minn. Byrjaði daginn á ljúfu tai chi, er reyndar búin að missa af tveimur tímum undanfarið en það var allt í lagi svosem. Á meðan fór sonurinn í strætó á kaffihús með pabba sínum þar sem þeir hittu Kormák og pabba hans. Þeir fá helgarpabbaafslátt á kaffitári og örugglega sæt bros frá dömunum sem vinna þar.
Núna sefur sá stutti inni í rúmi og sá lengri frammi í sófa og ég klára síðustu molana inn á vefinn sem ég var að setja saman fyrir hana Tinnu.
er lífið leikur?
Mig langar í ungdóm aftur. Þá ætti ég hlaupafélaga í íþróttaálfinum og gæti sett límmiða á spjald eða lifað í raunveruleiknum.
Í mínum raunveruleika eru engin skemmtileg ækon eða krúttleg stigasöfnun heldur bara heilabrot yfir kvöldmatartímanum, sem virðist koma á hverjum degi og endalaus "túdú" listi.
