planið
Í dag er litli snáðinn okkar 10 mánaða. Tíminn gjörsamlega flýgur frá okkur hérna, hann er farinn að gera alls kyns trix og lífið í raun bara rétt að byrja.
Ég er búin að ákveða að vera með honum í sumar. Það er alveg nauðsynlegt að gefa honum tíma á meðan hann er að fóta sig. Ég verð í gömlu vinnunni minni í mars og apríl á meðan Óli tekur sitt feðraorlof (sem er bráðnauðsynlegt) en svo ætla ég hugsanlega að svipast um eftir starfi fyrir hádegi og leyfa Danna að leika við jafnaldra hjá dagmömmu (sem er ekki fundin ennþá) á meðan. Því miður er hlutastarf ekki í boði í vinnunni minni heldur veit ég að það er svo mikið að gera að það er unnið langt fram á kvöld. Sem er alveg dásamlegt fyrir vinnustaðinn því þetta er frábært fólk þarna og frábært að svona mikið af verkefnum séu í gangi. En á meðan lítill snáði situr heima þá get ég bara ekki unnið fram á kvöld, sama hversu áhugaverð verkefnin eru. Þannig er það bara.
Ég er búin að sækja um á tveimur stöðum um hlutastarf og það er spurning hvað kemur út úr því. Annars er ég sátt við að hugsa um soninn og heimilið í sumar, haust og vetur. Ef fjárhagurinn leyfir það.
Flokkað sem uppeldi. Þar eru 47 færslur.
/ Álit
freyja:
Skynsamleg ákvörðun hjá þér, til lukku með hana :)
hafið það voða voða gott og vonandi hressist litli kútur fljótt :)
besta mál
