þolláks
Við fórum seinnipartinn á nýja bílnum inn á Akureyri til að útbíta síðustu jólagjöfunum til óla, Evu og Kormáks. óli gerði svo enn ein innkaupin og keypti sér nýjan síma þó svo Nokia hafi þjónað honum ágætlega síðustu 5 ár þá var hann orðinn slappur. Síminn sem hann valdi sér var af Sony Ericson gerð, með myndavél og alle græjer hugsa ég. Hann situr nú niðri á eldhúsbekk og safnar orku en óli er hins vegar niðri í kjallara að hamfletta þessar fjórar rjúpur sem hann átti eftir síðan í fyrra, þær verða snæddar annaðkvöld ásamt skoskum stöllum sínum.
ég sit hins vegar uppi og er að hugsa til Baddýjar systur sem er núna í bíl að nálgast hina ófæru öxnadalsheiði. þar er víst engin blíða og ég veit ekki alveg hvernig farartæki hún er á en ég veit hins vegar að einhver hjálpar- eða björgunarsveit eða skátar eru þarna uppfrá að hjálpa til. Kannski það verði ævintýri í nótt, það er þá ekki í fyrsta sinn sem þorláksmessan fer illa með hana.
ég býð góða nótt og gleðileg jól því ég býst ekki við því að skrifa mikið á morgun :)
Flokkað sem lífið sjálft. Þar eru 270 færslur.
/ Álit
þetta gekk nú líka svona súper dúper vel ég skil ekki hvað fólk var að kvarta...hef lent í verra veðri þarna og enginn skipt sér af því!!
