áhugavert en ekki mjög djúpt
moonboots kannski?
ég þarf að fá mér vetrarskó. Snjórinn er nefnilega kominn og vonandi til að vera. Af því ég á þúsund aðra skó (sem vill svo til að eru annaðhvort inniskór eða strigaskór) langar mig í einhverja góða kuldaskó sem eru þægilegir en samt fínir, bæði hversdags/kvölds. þeir verða að hækka mig svolítið upp en vera samt þægilegir og hættulausir. þessir skór virðast ekki vera til! Eins er þetta með fötin, það eru ekki til nein föt í þessum bæ sem manni langar í og það litla sem maður finnur hættir maður við að kaupa út af fyrirsjáanlegri stækkun miðbaugs. En skóna verð ég að finna.
2tónlist
nýja uppáhalds lagið mitt er með Ragnheiði Gröndal og er ástæða þess að ég skráði mig inn á tonlist.is vefinn og keypti lagið, enda kominn tími til að skoða almennilega þennan vef, sem meðal annars er tilnefndur til vefverðlaunanna 2003.
jólahugleiðingar
hugsið ykkur, jólin eru bara alveg að koma! ég er svo mikið jólabarn.. ég vil helst byrja að hugsa um þau snemma í nóvember og vera í jólaskapi langt fram í janúar. jólakortin í ár eru komin í hús og jólakortalistinn að verða fullskapaður, svo þarf maður að fara að hugsa um hvað maður á að gefa hverjum og hvort það þurfi að föndra eitthvað.. gott að hugsa um þetta tímanlega skal ég segja ykkur!
Svo þegar maður er "hönnuður að mennt" þá skiptir öllu máli að hugsa um umbúðirnar; í hvaða þema eiga gjafirnar að vera þetta árið.. einusinni var það brúnn verksmiðjupappír og rauðar slaufur, í fyrra var það steingrár gjafapappír og hvít slaufa.. ég er ekki alveg að sjá hvað það er í ár.
Draumurinn er líka að baka nokkrar sortir, finna flott piparkökumót baka og skreyta piparkökurnar. Hjá okkur dreifurunum þarf líka allt að vera tilbúið upp úr miðjum desember (er stefnan) því þá verður haldið út á land og gvuð forði því að maður þurfi að kaupa gjafirnar í dreifbýlissjoppu.. tja nema maður sé búinn að ákveða hvað á að kaupa.
það er langbest að losa sig við allt sem heitir stress sirka fyrstu helgina í nóvember.. plana og skrifa niður og njóta svo daganna fram að jólum í kósíheitum. þannig sér maður þetta fyrir sér svona þegar andinn kemur fyrst, svo endar þetta víst alltaf á sama veg.
ég er mjög heppin að
ég er mjög heppin að búa í alfara strætóleið. það er sérstaklega heppilegt þegar ég get engan vegin farið á fætur á sama tíma og rekkjunautur minn og klukkutími í viðbót í þyrnirósarsvefninum er svoo vel þeginn.
það eru tveir vagnar í götunni sem ég get tekið í vinnuna og þegar ég er sest upp í tekur það bara örskamma stund að fara niður í bæ. Sexan kemur klukkan 10 og þristurinn 5 min síðar. Svo líða góðar 15 min þar til næsta sexa kemur.
það er alveg sama sagan þegar ég ætla heim aftur, þá eru þrír vagnar sem ég get yfirleitt tekið (fjarkinn fer hofsvallagötuna og ágætt að taka hann) og þeir koma allir á sömu fimm mínútunum. í staðin fyrir að hanga fyrir framan stjórnarráðið kíki ég yfirleitt í bókabúðina í austurstræti og fletti hálfu blaði í 15 min þar til næsta holl kemur.
Flokkað sem
my man
óli á afmæli í dag, á miðnætti í gær fékk hann að opna pakkann sinn. ég gaf honum meðal annars Tiger Woods golfleik fyrir playstation svo hann geti spilað golfið sitt heima. Mamma sagði að það er ágætt að það eru nokkur ár í samkeppnina um tölvuleikina.
í tilefni helgarinnar ákváðum við
í tilefni helgarinnar ákváðum við að taka heimatölvuna aðeins í gegn og settum harða diskinn aftur upp, uppfærðum BIOSinn sem við vonuðumst til að myndi glæða hana aðeins meira lífi (þetta bluescreen drasl er ekki fyndið lengur!)
það er óneitanlega þægilegt að vera með öll gögn á einum feitum hörðum diski og geta svo bara kippt honum úr og í eins og hentar.
Enn sem komið er gengur þetta smurt en það er spurning hvað gerist þegar feiti grafíski pakkinn minn er kominn inn.
Allavega er þetta tilefni til að ná sér í nýja desktop mynd og gaurarnir hjá 2advanced klikka aldrei á því.
nýtt dú
ó mæ gúddness hvað það er frábært að fara í klippingu.. ég hljóma eins og algjör afdalamaður en síða hárið sem ég var að reyna að safna var ekki að gera sig og var farið að valda hausverk og almennri vanlíðan. Nýja klippingin er hinsvegar algjört rokk, þökk sé prímadonnu á grensásvegi.
í fréttum
í fréttunum í kvöld á rúv var talað um vefinn okkar icelandicnationalteam.com og umræðurnar sem hafa verið þar um nýju mjólkurauglýsinguna Muu. það er alltaf gaman að fá smá hits.
það sem þú hélst að þú vissir um mig en gerðir ekki
Tryggvi gerði um daginn topp 100 lista um sjálfan sig. ég er búin að vera að spá í að gera þetta því það er verulega 'challanging' að skrifa svona um sjálfan sig, sérstaklega þegar maður getur sagt alls konar hluti sem enginn annar veit... ennþá að minnsta kosti.
á ég ekki bara að láta vaða....
laugardagskvöldmaturinn
Kvöldmaturinn var hátíðlegur. Ekkert sérstakt tilefni nema það að við þurftum aðeins að rýma til í frystinum fyrir fiskinum sem pabbi ætlar að færa okkur á morgun. Við elduðum semsagt tvær gæsabringur, af gæs sem féll þetta haustið. Uppskriftina fengum við í Veislubók sem ónefnd stórverslunin gaf út fyrir einhverjum árum. Gæsin var guðdómleg, þó væg lýsingarorð séu notuð.
Við skárum smá vasa í hvora bringu, endilangt og fylltum með niðurskornum eplum, pekanhnetum, timjan og bráðnu smjöri, kryddað með salti og pipar og steiktu létt á hvorri hlið. Svo pensluðum við þær með hunangi og settum inn í ofn í 10-15min. Með þessu var svo villisósa, (úr bréfi) bragðbætt með rifsberjahlaupi og bláberjum (innfluttum sem allir vita að eru engan vegin eins og íslensku bláberin), kartöflur í skallotlauksgratíni. Almáttugur hvað ég hef ekki etið svona mikið lengi.
atvinnumarkaður grafískra hönnuða
Sem betur fer virðist atvinnumarkaðurinn hjá grafískum hönnuðum vera eitthvað að batna. Síðan ég byrjaði að vinna hjá Höllu hef ég fengið tvö atvinnutilboð sem er ekkert nema gott mál. ég er hins vegar það ánægð þar sem ég er núna að ég hafnaði þeim báðum (sem er alltaf visst góð tilfinning). ég benti hins vegar á Vigdísi vinkonu mína og ég held hún sé byrjuð að vinna á öðrum staðnum. ég hef reyndar ekkert heyrt í henni síðan hún byrjaði en þetta starf hljómaði ofsalega vel. Hins vegar held ég að það séu ennþá nokkrir í bekknum sem eru ekki enn komnir í vinnu en þeim til huggunar segi ég að þetta sé allt að koma.
rokrassgat
þetta rokrassgatsveður er algjör viðbjóður. það er ekki sjens að ég nenni út í þessu veðri, þó svo strætóskýlið sé 20m frá húsinu. Núna held ég samt að ég verði að setja upp húfu því síðast í þessu roki var engin leið að finna út í hvora áttina maður á að skipta hárinu.
Eins og það séu stærstu áhyggjurnar þessa dagana!
gleymdi að segja....
...við erum komin með tvo nýja þætti í nýju friends seríunni (10).. Baddý, þú þarft að fara að kíkja í heimsókn!
Og það fjölgar enn í
Og það fjölgar enn í þessum heimi. Eva og óli eignuðust lítinn strák í gær um hálf þrjú leytið. örugglega bráðmyndarlegur drengur, við eigum eftir að kíkja á hann. Maður kann ekki alveg við að ráðast inn á þau strax, ætli þau komi ekki heim seinnipartinn í dag.
það er annars nóg að gera á þessu heimili. óli gerði tilraun til gæsaveiða í morgun með Sigfúsi. Hann vaknaði kl 4 í nótt og þá vaknaði ég líka en náði ekki að sofna aftur fyrr en eftir einhverja tvo tíma. Frekar fúlt. Svo þegar hann kom heim fór hann eiginlega beint í golf á Korpuvelli með vinnufélaga sínum þannig að ég held að hann verði sæmilega úrvinda þegar hann kemur heim.
ég fór hins vegar í ikea áðan og sankaði að mér alls konar koddum og langar helst að henda mér í sófann á nýju koddana. Ljúft.
Þennan dag..
Síðustu færslur...
- meira um plön (22/09)
- fimm ára planið (21/09)
- bleh (01/06)
- Frk. framkvæmdastjóri (19/05)
- Ísland eftir #RSA, dagur tvö (13/04)
- Almennur borgari gerir grein fyrir atkvæði sínu (07/03)
- áll anna (04/01)
Gott fólk...
- Egill
- Eva Hrönn
- Guðjón og Harpa
- Hadda
- Hanna systir
- Jonni
- Lára Stefáns
- Mundi og Svanhildur
- Óli Helgi
- Ragnar Freyr
- Tryggvi - Valdís Björk