spurning dagsins
hvað á maður að borða þegar maður er svangur en hefur ekki lyst á neinu?
5105
Verkefni mitt síðustu daga hefur verið að koma vef deildarinnar minnar fyrrverandi yfir á server í skólanum. ég setti hann nefnilega upp síðasta sumar á pjúsinu en núna var kominn tími til að færa hann.
ég verð að segja að það gekk ótrúlega vel, ekki nema nokkurra stunda (sem náði yfir nokkra daga) vinna. Hins vegar er margt þarna sem sæmir ekki beint grafískri hönnunardeild (lúkk sums staðar, þú skilur ef þú skoðar) þannig að það þarf að taka lúkkið aðeins í gegn.
ég veit það bara að þessi vefur er kjarni skólastarfsins í deildinni og ef hann væri ekki til staðar, ja þá væri ansi mikið prentað út og ljósritað og dreift með tilheyrandi kostnaði.
ég sakna þess óneitanlega að vera ekki að fara í skóla. Mig langar að fara aftur bráðum, ekki endilega þennan skóla, frekar útlendan skóla. Læra meiri hönnun.
gæs
3kg af gæsakjöti er komið inn í frystinn en veiðimennirnir komu til byggða í fyrradag (svona er ég dugleg að update-a) og virtust vera sæmilega heilir heilsu. En ef það á að veiða meira þá þarf að fara að halda matarboð til að losa frystinn, einhverjir sjálfboðaliðar?
ég á mér draum...
mig dreymir...
mig dreymir farartæki sem getur svifið um í loftinu..
mig dreymir farartæki sem getur svifið um og sogið bara orku úr andrúmsloftinu...
er draumurinn að rætast.. ?
raggo spacecowboy sendi mér linkinn.
trúgirni fólks
ég fékk svolítið skemmtilegt bréf rétt í þessu..
Dear Hotmail User,
Because of the sudden rush of people signing up to Hotmail, it has come to our attention that we are vastly running out of resources. So, within a month's time, anyone who does not receive this mail with the exact subject heading, will be
deleted off our server. Please forward this email so that we know you are still using this account. (...)
From Mr. Jon Henerd
Hotmail Admin. Dept.
Ef maður fær svona póst á maður bara að segja "Je right!" og henda honum. í guðanna bænum ekki senda hann áfram. :)
það er sorglegt en jafnframt fyndið hvað það voru margir listaðir í hausnum, sem voru búnir að fá þetta bréf, því í sakleysi sínu og til að eiga ekki hættu á að vera eytt út, þá trúir fólk svona vitleysu.
veiðisaga
þriðji dagur gæsaveiðitímabilsins er að renna sitt skeið og síðast þegar ég frétti voru níu fuglar komnir niður. óli H, óli M og Sigfús fóru á þriðjudagskvöld í Cabelas göllunum sínum með Berturnar og í dömustígvélunum inn í Borgarfjörð og í dag var haldið upp á Skagaströnd, veit svo ekki meir. En þeir eru væntanlegir í menninguna á sunnudaginn. ég, Eva og Hildur húkum því einar heima og yljum okkur við þá tilhlökkun að uppskeruhátíð veiðiklúbbsins verður vegleg þetta árið.
einn, tveir og... hann á afmæli í dag....
það er alltaf gaman þegar einhver á afmæli. í dag á hann Guffi afmæli, til hamingju með það! 
megi skorkvikindi rotna í fúlum pytt
það er ógeðslegur geitungur búinn að koma sér fyrir í stofuglugganum og ég held hann ætli að drepast þar...jakkkk...
ég opnaði svalahurðina fyrir 3 klst síðan og dró fyrir allann gluggann og vona að hann drulli sér út!
það væri alveg típískt ef það væru komnir 5 vinir hans núna að japla á stofublómunum í glugganum.. ég þori ekki að gá.
Gleymdi að minnast á það
Gleymdi að minnast á það en við skruppum norður á föstudaginn, aðallega til að fara í brúðkaupið þeirra Hjalta Páls og Rósu Maríu í gær sem var ofsalega fallegt og skemmtilegt.
Fyrir brúðkaupið renndum við yfir á Grenivík þar sem systir mömmu býr, hún eignaðist lítinn strák fyrir viku síðan sem ég bara varð að líta á, þvílíkt krútt! Svo átti Karen elsta dóttir hennar 10 ára afmæli fyrir nokkru þannig að við hittum fullt af fólki.
Eftir brúðkaupið fórum við aftur suður, lögðum af stað kl 23 í gærkvöldi og vorum komin í bæinn um kl 3:30 Almáttugur hvað ég hef aldrei verið jafn þreytt eins og eftir að hafa keyrt alla þessa leið. Engar sjoppur opnar en við stoppuðum næstum því undir hverjum einasta ljósastaur á leiðinni bara til að hrista hausinn og skvetta rigningar vatni í andlitið. Svo var svo mikil þoka á köflum að ég efaðist stundum um að við værum á réttri leið. það er fátt jafn ótraustvekjandi eins og að keyra á vegi með 50m skyggni þar sem engar stikur eða línur eru á veginum.
En ljúft var það að leggja hausinn á koddann í nótt, hann fór ekki heldur þaðan fyrr en um þrjúleytið í dag.
b.l.
Snilldarvefurinn Baggalútur er kominn á skrið aftur með sinn yndislegan húmor, þetta er t.d. frétt sem varð að vera sögð.
Flokkað sem
makki er málið
Tryggvi er með þrusuræðu um Apple Macintosh. Verð að segja að eftir þessa lesningu hefur mig aldrei langað eins mikið í makka og einmitt núna...
fullorðinslíf
það er undarleg tilfinning að vera ekki að fara í skóla í haust. þetta er í fyrsta skipti á ævinni sem ég fer ekki í skóla að hausti og þarf því ekki að sanka að mér stílabókum, hressa upp á pennaveskið, kaupa nýja penna (þó það sé nú alltaf gaman). þó ég sé ekki með "eðlilega" vinnu (one who pays) þá er alltaf nóg að gera. ég fékk til dæmis verkefni í dag (one that pays) sem er mjög spennandi og verður vonandi upphaf að nýjum og fleiri spennandi verkefnum. þegar maður er búinn að ákveða hvað maður ætlar að gera í lífinu þýðir lítið að fara að vinna á macdonalds.
málingartörnin
það er svipuð málningartörn hjá okkur eins og Tryggva þessa dagana. í gær og fyrradag hjálpaði ég tengdó að mála og snurfusa íbúðina Lilju (systur óla) og Svavars og um helgina verður mega málningarhelgi hjá óla og Evu. það er allsstaðar verið að gera hreiður.
tetris
í nótt andaðist gullfiskurinn minn, tetris, úr óþekktri veiki. blóm og kransar vinsamlega afþakkaðir en þeim sem vildu minnast hans er bent á að gefa mér nýjan gullfisk.
fríið búið
Við komum heim í fyrrakvöld úr ákaflega vel heppnaðri vikuferð til danmerkur. það sem ég er eiginlega ánægðust með er sólbrúnkan sem við náðum okkur í, að vísu með glæsilegu bóndafari en so what.
í gær var síðasti dagurinn hans óla í sumarfríi, fyrir utan þann tíma sem hann er búinn að taka frá í gæsaveiði, þannig að hann skrapp í golf á meðan ég var heima að taka upp úr töskunum og þvo, áhugavert hlutskipti.
En núna tekur vinnan við á fullu, ég er að klára stórt verkefni og byrja á nokkrum smáum en vonandi fer draumurinn um að komast inn á auglýsingastofu að rætast. þetta fer að verða ágætt af "fríi".
á ferð og flugi
Núna erum við komin til Odense til Munda og Svanhildar. Veðrið er búið að vera vægast sagt brilliant og engin ástæða til að vera að fara í meira en hlýrabol allan daginn. Hótelið sem við gistum á fyrstu þrjár næturnar var ágætt, ekkert fansí svosem en hreint og góð sturta, og rétt hjá miðbænum. Erum búin að vera við Strikið í Köben í fyrradag, gær og í dag. á miðvikudaginn fórum við í smá ferð á íslendingaslóðir og tókum metro í dýragarðinn. í gær, fimmtudag, fórum við Sightseeingbus um borgina og svo á eftir fórum við í aðra túristaferð siglandi. í dag tékkuðum við okkur út af hótelinu, fórum svo með Nirði, félaga óla úr skólanum og gítarleikara Bjórbandsins í Kristianíu sem er mjög áhugaverður staður. Eftir það stukkum við upp í DSB og erum komin hér til Odense þar sem grillið er heitt og bjórinn kaldur.
Þennan dag..
Síðustu færslur...
- meira um plön (22/09)
- fimm ára planið (21/09)
- bleh (01/06)
- Frk. framkvæmdastjóri (19/05)
- Ísland eftir #RSA, dagur tvö (13/04)
- Almennur borgari gerir grein fyrir atkvæði sínu (07/03)
- áll anna (04/01)
Gott fólk...
- Egill
- Eva Hrönn
- Guðjón og Harpa
- Hadda
- Hanna systir
- Jonni
- Lára Stefáns
- Mundi og Svanhildur
- Óli Helgi
- Ragnar Freyr
- Tryggvi - Valdís Björk