Rútína í bígerð

Jæja þá erum lífið allt að komast í venjulegt horf ef svo má segja. Við erum mætt aftur í borgina og pabbinn farinn aftur að vinna og við mæðginin því bara hérna heima. Við erum að reyna að koma á einhverri rútínu - þá sérstaklega hvað varðar nætursvefninn. En hann Ragnar Númi er svo duglegur, hann er farinn að sofa alveg 8 tíma í einu á nóttunni, reyndar vekur mamman hann stundum fyrr til að drekka en svo sofnar hann bara aftur og sefur því í allt að 12 tíma yfir næturtímann. Við erum síðan að vinna í því að færa háttatímann fram. Núna erum við að byrja að hátta um kl 22:30 og ætlum síðan smám saman að byrja fyrr að hátta. Mamman er líka gjörn á að sofa bara með litla manninum - því væri gott ef við færum fyrr í háttinn og á fætur fyrir hádegi:)
---
Mamman er núna byrjuð í mömmuleikfimi tvisvar í viku og Ragnar Númi kemur bara með og sefur annað hvort í bílstólnum á meðan eða liggur á dýnu - hingað til hefur hann bara sofið í stólnum sínum. Síðan erum við að gæla við það að fara í ungbarnasund. Ragnari Núma finnst alveg svakalega gott að fara í bað og því finndist honum örugglega gaman líka í sundi, en það verður ekki alveg strax, þurfum að kynna okkur þessi mál aðeins betur.
---
Látum þetta gott heita í bili...hér er svo ein mynd sem var tekin í dag þegar Ragnar Númi fékk sér smá kríu í vagninum.

@ 15:55 -