Þriðjudagur 30. júní 2009 / 14:05 / svona fyrir ykkur sem enn lesa blogg en ekki bara facebookið;)
Vikan síðasta fyrir norðan var frábær. Það er alltaf svo gott að komast norður í sæluna:). Veðrið var nú reyndar ekkert að leika við okkur fyrr en síðustu dagana. Á 17.júní var alveg úrhellis rigning en við létum það nú ekkert stoppa okkur í hitting og grill. Við og mamma og pabbi og Sigga og Co ákváðum að hafa smá grill hjá Daiu sys og co og var það hin mesta skemmtun eins og von var á!. Myndir frá grillinu eru hér.
---
Mér tókst að plana hitting með henni Ingibjörgu minni - það reynist oft erfitt sökum vaktavinnu og sýni ég því fullan skilning enda sjálf í vaktavinnu:) Einnig gafst tími til að hitta annað gott og skemmtilegt fólk og það er alltaf jafn gaman:)
---
Á laugardeginum voru svo bíladagar á Akureyri. Þangað mætti Sigursteinn frændi Gunnars á Mustangnum sínum og að sjálfsögðu rústaði hann sínum flokki. Ég er reyndar ekki með tímatölurnar á hreinu - læt Gunnar um allt slíkt. Reyndar höfðu strákarnir (Gunnar og frændur) eytt öllum þriðjudeginum í að þrífa og bóna alveg fullt af bílum fyrir bílasýninguna á 17.júní og fengu þeir verðlaun fyrir vel unnið verk - að sjálfsögðu:)
---
Þessi vika var allllltof fljót að líða og fyrr en varði var komið að suðurferð með tilheyrandi vinnutörn - helgin fór því í að sofa á daginn og vinna á nóttunni! - sólarhringurinn er alveg að komast aftur á rétt ról hjá mér. Síðan er það bara vinna út þessa viku og skella sér síðan aftur norður næstu helgi. Já það er sjaldan dauður tími hjá okkur:) Við fengum bústað í Varmahlíð yfir helgina og ætlum því að troðfylla hann af fólki sem er að fara - ásamt okkur - í stórafmæli lengst inn í Skagafjörðinn - Nú treystum við sko á gott veður:).
---
Annars þá er komið vinnuplan út júlí og hluta af ágúst og ég sé fram á að júlí verði fljótur að líða og því styttist óðum í síðari hluta sumarfrís:)
0Laugardagur 13. júní 2009 / 13:10 / fyrri hluti sumarfrísins kominn
jæja þá er ég komin í smá sumarfrí núna. Ákvað að taka mér viku í júní bara svona rétt til að kúpla mig út úr vinnunni og hlaða batteríin. Það er búið að vera meira en nóg að gera í vinnunni og mikið af veikum einstaklingum sem þurfa mikla hjúkrun. Restina af sumarfríinu ætla ég síðan að taka í ágúst eftir brúðkaupið þeirra Andreu og Jakobs, og þá ætlum við hjúin að reyna að skella okkur í smá road-trip um landið. Mig langar helst til að fara aftur austur. Fékk bara greinilega ekki nóg af þessum stað þegar ég bjó þarna sumarið 2007. Það er bara svo fallegt þarna og kyrrðin svo yndisleg. Ég vissi fátt betra en að taka rúnt upp á Oddskarðið og njóta útsýnisins eða keyra inn í Helgustaðahrepp og rölta í átt að Silfurbergsnámunum og setjast þar niður í grasið og horfa á fjörðinn, svo dásamlegt. Ohh ég fæ alveg gæsahúð við tilhugsunina. Þrátt fyrir að Eyjafjörðurinn sé, að sjálfsögðu, fallegasti fjörðurinn:) þá fannast mér ég komast í meiri snertingu við náttúruna fyrir austan, það var svo stutt að fara allt - bara nokkur skref og þá var ég komin upp í fjall:) Ég sakna þess héðan úr borginni. Maður þarf alltaf að hafa meira fyrir hlutunum hérna, eða þá að ég kann ekki réttu leiðirnar. Ég tek reyndar stundum rúnt á Álftanesið og sest þar í fjöruna - það er svona það sem kemst næst þessu hérna, en enganvegin það sama.
---
Annar sá ætlum við að skreppa norðu núna (og auðvitað í ágúst). Veit ekki alveg nákvæmlega hvenær við förum norður, það er svo gífurlegur bílaáhugi í þessari fjölskyldu og það er kvartmíluhelgi núna þannig að líf mitt stjórnast þessa helgina af kraftmiklum bílum hehehee. Ég neita því ekki að það er alveg gaman að hlusta á vélarhljóðin (bammbammbammmbammmmm) og finna kraftinn - en allt í hófi að sjálfsögðu:). Leyfi Gunnari bara að sjá um þetta að mestu;)
---
Ef einhver þarna fyrir norðan hefur áhuga á að skella sér í Ásbyrgi eins og í einn daga eða yfir eina nótt í næstu viku þá megiði alveg vera í bandi, okkur Gunnari langar að kíkja þangað. Ég hef ekki farið þangað síðan í skólaferðalagi einhverntíman fyrir laaaaaanga löngu. Ég treysti bara á að það verði gott veður, sendi öll ský og úrkomu í burtu með hugarorkunni og secretera sólina til okkar:)
---
Við verðum með einn loppuling með okkur norður. Hún Píla litla (já hún er enn á lífi:) fékk borgarleyfi og kom suður með Hönnu systir á fimmtudaginn og fór í yfirhalningu hjá dýralækni hér í borg í gær. Ég sótti hana á Voffaborg til Hönnu og skutlaði henni til doksa snemma morguns og sótti hana svo seinnipartinn. Hún stóð sig eins og hetja og lækninum leist vel á hana þrátt fyrir nokkur ellimerki sem fylgir víst ellinni:) En okkur var tjáð að hún gæti átt alveg góð 5 ár í viðbót þessi elska - þá nær hún kannski að verða 20 ára í mannsárum, en meðalaldur íslenska fjárhundsins eru 12 ár og hún komin vel yfir það. Hún er svo mikið krútt:)
---
Vona að við náum að hitta sem flesta þarna fyrir norðan:)
Miðvikudagur 13. maí 2009 / 13:54 / áfram ísland
ísland áfram í eurovision en ekki hvað!!!
Mafíugengið hittist hjá Erlu og Dóra í gær og við horfðum á júró og borðuðum geggjaðan mat. Auðvitað voru lögin og flytjendur gagnrýndir út í hið ýtrasta en það er bara það sem fylgir og gerir þetta skemmtilegt. Þegar kom að því að tilkynna hverjir kæmust áfram var spennan orðin gríðarleg, undir lokinn gugnaði Gréta undan spennunni og fór í rokið úti á svölum en síðan kom hún inn þegar hún heyrði fagnaðarópin í okkur hinum þegar íslenski fáninn kom úr umslaginu. Úff það átti aldeilis að taka mann á taugum þarna. Ég held að allur tilfinningarússíbaninn hafi verið búinn að sýna sig hjá öllum með tilheyrandi gæsahúð og ófaguryrðum:)
Takk fyrir frábært kvöld allir og sjáumst hress á laugardaginn í hinni víðfrægu júróvísjóngleði í Víðilundinum. Set hérna eina mynd með til að rifja upp stemmningu síðasta árs:)
ég og Erla með gula hanskann:)
Gréta og Dóri í góðum fíling
Dóri og Jóhannes alltaf hressir.
Gunnar, Dóri og Gréta í þvílíka dansstuðinu:)
Fimmtudagur 07. maí 2009 / 12:04 /
myndir fyrir mömmu
Þriðjudagur 14. apríl 2009 / 01:32 / alltaf brjálað að gera?!
jæja við hjúin erum búin að koma okkur vel fyrir í nýju íbúðinni. Við erum búin að fá nokkra kassa að norðan með allskyns dóti og heimilisáhöldum og er íbúðin því orðin hin heimilislegasta:) Ég er búin að fá mér nokkur pottablóm til að lífga uppá og er þetta því allt í áttina. Síðan kom Þorsteinn Ingi og kærastan hans um daginn og er því heimilishaldið að verða allt hið líflegasta.
---
Mér finnst eins og það sé búin að vera rosa mikið að gera hjá okkur í marsmánuði og það sem af er apríl. Við erum búin að fara eina norðurferð í afmæli og ná í dót. Síðan skrapp ég í sveitina til Ragga bróðir yfir eina helgi og sá um barn og bú meðan húsfreyjan skrapp til Svíþjóðar. Ég er búin að taka óvenju mikið af næturvöktum sökum anna í vinnunni og því búin að sofa af mér aðra daga. Hef því lítið sem ekkert hitt vini og ættingja. Var líka svo heppin að vera á næturvöktum alla afmælishelgina mína þannig að ég svaf þetta afmæli mestmegnis af mér og sá varla neinn, þannig að ég tel þennan dag bara ekkert með og er því bara enn 28 ára:) En ég vil samt þakka öllum fyrir afmæliskveðjurnar sama hvaða leið þær bárust:)
---
Vorið er alveg á næsta leyti hérna á suðvesturhorninu og þá styttist í að ég og Gréta mágkona stingum upp matjurtargarðinn í Víðilundinun og gerum aðra tilraun til ræktunar. Það verða gerðar nokkrar betrumbætur frá því í fyrra, nýtt skipulag og nýjar plöntur að einhverju leyti. Ohh vorið er svo yndislegt:)
ég kveð þá á vornótunum
bleeeee....